Mĩka 3:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Busana nʼekyo kyasyabya ekiro busana nenyũ, imutalangira ekindu, bwasyĩra ũkwʼĩnywe, imutaminyerera. Eryuba lyasyalenga busana nʼabamĩnyererĩ, nʼeritungi lyasyĩra kubo.

Mĩka 3:6 Iomraidhean Croise

Esyonyimbo 74:9

Ebiminyikalo byetu bibũyĩrĩre byabirigenda; Isihakiri abamĩnyererĩ, Kandi Sĩtwasĩ nga byasyabya bitya erĩhĩka mugulu wahi.

Ĩsaya 29:10

Kusangwa Omwami Mukulu abĩrĩbũtũlĩrako ekĩrĩmũ kyʼotũgotserĩ tunene, kandi abĩrĩrĩba ameso wenyũ, bo bamĩnyererĩ; kandi abiriswika emitwe yenyũ, bo bahanĩ.

Ĩsaya 59:10

Tukamata-mata oko lũhĩmbo ngʼendĩmatĩme; ega, tukamata-mata ngʼabatawite ameso; tũkatwĩkangala omwʼitungi ngʼomo bwĩrĩre; omo katĩkatĩ kʼabandu abakalĩre tuli ngʼabandu abaholĩre.

Yeremĩa 13:16

Muhe Omwami Mukulu Nyamuhanga wenyũ olukengerwa, ate aleta omũhĩndanĩa nʼebisando byenyũ bite byatwĩkala oko bitwa byʼomũhĩndanĩa, kandi omugulu mukine nʼamaha wʼekyakakala, akabindulakyo mo mwĩrĩmya akalĩre, nʼeriyirakyo mo mũhĩndanĩa munene

Yeremĩa 15:9

Oyo wabuta abalinda akakongolũka. Erihumula liwe rĩkalĩre. Bũkamwĩrako ĩbũkĩnalolĩre. Abĩrĩlolĩbwa kwʼesĩsonĩ nʼerihemulwa. Nʼabakasĩgalira kubo, nasyahabo oko mũyalĩ embere wʼesyonzĩgũ syabo, Omwami Mukulu atya.

Yeremĩa 18:18

Neryo mobabũga bati, Mwase tuye embĩta yʼamenge erĩĩta Yeremĩa. Kusangwa omugambo siendisyatala oko mũhererĩ, kutse erihana oko bʼamenge, kutse ekĩnywa oko mũmĩnyererĩ! Mwase tũmũswĩraye omo lulimi lwetu, sĩtũhĩre omutima oko bĩnywa biwe nʼekiguma.

Ezekĩelĩ 13:9

Neryo ebyala byage byasyalwa nʼabamĩnyererĩ abakalangira esyonzolĩ syʼamabehĩ, nʼabakabũga erilagula lyʼamabehĩ. Sibendisyabya nʼomwanya omwʼĩhĩndana lyʼabandu bage, kutse sibendisyasakwa omo masako wʼekihanda kya Ĩsraelĩ, kutse sibendisyingira omo kihugo kya Ĩsraelĩ, imwatoka eriminya ko ndi Omukama Iye Omwami Mukulu.

Ezekĩelĩ 7:26

Erĩkwa lyasyahĩka oko bũlĩge, nʼeriambuka lyasyabya okwʼambuka. Neryo basyasondya erilota oko mũmĩnyererĩ, nĩkwa emigambo yasyabula oko mũhererĩ, nʼerihana lyasyabula oko bakulu.

Amosĩ 8:11

Omukama, Omwami Mukulu akabũga ati, Ebiro bikasa, ngandisyatuma enzala omo kihugo; si nzala yʼakalyo, kutse nyota yʼamagetsi, nĩkwa eyʼerĩowa ebĩnywa byʼOmwami Mukulu.

Mĩka 2:6

Sĩmũbũge, neryo bakatũlago. Nĩkwa bamatendĩsyatũlago oko myatsi eyĩ; ebĩtsũmĩ ĩsĩbyendĩsyasĩngwa.