Mĩka 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Omwami Mukulu akabũga busana nʼabamĩnyererĩ abakatalaya abandu bage! Omugulu bawite ekindu kyʼerirya, bakabirikira bati, Obuholo; nʼoyũtehĩra akalyo omo buno bwabo, abakamũtegekanĩraya amalwa.

Mĩka 3:5 Iomraidhean Croise

Emĩsyo 28:21

Erisombola ebitaga Sĩryowene; Kutse omundu ĩsĩahalaya busana nʼekitole kyʼobundu.

Ĩsaya 3:12

Ĩnywe bandu bage! Abana bo bakanũbayabo, nʼabakalĩ bakatabalirabo. Ĩnywe bandu bage! abakabasondola bakaleka imwatala, nʼerĩrĩba-lĩbanĩa enzira mukalabamo.

Yeremĩa 23:27

Bakasonda erireka abandu bage eribirirwa erĩna lyage, busana nʼerilota lyabo bakabwirana, ngoko abotata wabo bibirirawa erĩna lyage busana na Baalĩ kwehĩ?

Yeremĩa 23:32

Omwami Mukulu ati, Lebaya, ngalwa nʼabakaminyerera erilota lyʼamabehĩ, ĩbakatũlalyo, nʼerĩhabĩsya abandu bage omo mabehĩ wabo nʼomwʼiyipipa lyabo litya-litya. Nĩkwa mondatumabo, kutse mondahamulabo. Kutse, siberetera abandu aba bʼendũndĩ nʼahake, Omwami Mukulu atya.

Yeremĩa 6:14

Babĩrĩlamya hake ekironda kyʼabandu bage bati, Obuholo, Obuholo; nĩkwa sihali Obuholo.

Yeremĩa 6:4

Mũyĩtegekanaye erilwa naye. Muhangane, tuhetukireho tulwe omwʼitungi. Obũlĩge ũkwʼĩtwe! kusangwa bũkĩra, kusangwa esyonganda syʼerĩgolo-golo sirimugaramuka!

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Ezekĩelĩ 13:9

Neryo ebyala byage byasyalwa nʼabamĩnyererĩ abakalangira esyonzolĩ syʼamabehĩ, nʼabakabũga erilagula lyʼamabehĩ. Sibendisyabya nʼomwanya omwʼĩhĩndana lyʼabandu bage, kutse sibendisyasakwa omo masako wʼekihanda kya Ĩsraelĩ, kutse sibendisyingira omo kihugo kya Ĩsraelĩ, imwatoka eriminya ko ndi Omukama Iye Omwami Mukulu.

Hosea 4:5

Nawe wasyatwĩkala omwʼitungi, nʼomũmĩnyererĩ asyatwĩkala haguma nawe omo kiro; nage nasyatogotya koyo wawe.

Yoelĩ 3:9

Mũkũmayĩraye ekĩ omo katĩkatĩ kʼebihanda; muhande amalwa; mwĩmanaye esyombangĩ; abandu bosĩ bʼamalwa base hakũhĩ, bahetukireho.

Mĩka 2:11

Omundu amakwama erĩhũnga nʼeribiha, amabiha ati, Nasyababwira busana nʼebĩnyũ nʼobũhĩre kutsibu; iye iniabya mbũyĩ oko bandu aba.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Malakĩ 2:8

Omwami Mukulu Wʼemilondo ati, ĩnywe mwabirikita erĩlũa omo nzira; mwabĩrĩtwĩkalya abangi omwʼĩkangĩrĩrya; mwabĩrĩtsandya endagano ya Lawĩ.

Matayo 15:14

Mulekebo, ni basondolĩ ndĩmatĩme bʼabandu ndĩmatĩme. Omundu ndĩmatĩme amasondola ogundi mundu ndĩmatĩme, ababiri bosĩbasyatogera omo buhya.

Matayo 7:15

Mũyĩtegaye busana nʼabamĩnyererĩ bʼamabehĩ, abakabahĩkako ĩbayĩsosekenĩe ngʼesyombũlĩ, nĩkwa omwisi wʼemitima yabo ni mbwa syʼomolĩ esĩkalĩre kutsibu.

AbanyaRoma 16:18

Kusangwa abandu ngʼabo sibekolera Omukama wetu Kristo, nĩkwa bakakolera esyonda syabo. Kusangwa bakateba emitima yʼabandu bate nʼamenge, omo bĩnywa bitendere nʼebyʼekĩsehya.