Mĩka 3:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo busana nenyũ, eSĩonĩ yasyakwangurwa ngʼeririma, nʼeYerũsalema yasyabya ngʼekĩhĩnga, nʼekitwa kyʼenyũmba yʼeHekalũ kyasyabya ngʼahʼendata hʼomũsĩtũ.

Mĩka 3:12 Iomraidhean Croise

Esyonyimbo 107:34

Abirireka ekitaka kyowene ikyabya mulala wʼOmũnyũ, Busana nʼobubi bwʼabandu ababya bĩkereho.

Esyonyimbo 79:1

Uwe Nyamuhanga, abatĩkĩrĩrye babĩrĩhũnga ekihugo kyʼabandu bawe; Babĩrĩtsandya eHekalũ yawe eyĩbũyĩrĩre, Babĩrĩsĩga eYerũsalema mo kĩma.

Ĩsaya 32:14

Kusangwa ekikali kyʼOmwami kyabĩrĩsĩganĩbwa. Omũyĩ wʼabandu bangi abiribya bute mundu; ekitwa nʼomusunguliko wʼenyũmba yʼerĩterya yabiribya myangalũ ebiro byosĩ iniabiribya obutseme bwʼesyopunda syʼomolĩ, olũlĩsĩryo lwʼebihangulo.

Yeremĩa 17:3

Uwe kitwa kyage omolĩ, nasyaha ebindu byawe nʼobũsokĩ bwawe eribya binyegwa, nʼahʼendata hawe busana nʼebibi, omo mitano yawe yosĩ.

Yeremĩa 22:5

Nĩkwa mwamatendĩowa ebĩnywa ebĩ, Omwami Mukulu ati, Ngayĩlahĩrayako nyiti, enyũmba eyĩ yasyabya kĩhũma.

Yeremĩa 22:6

Kusangwa Omwami Mukulu akabũga busana nʼenyũmba yʼOmwami wʼeYũda ati, Uwe uli ngʼeGĩleadĩ ũkwʼĩngye, ngʼomutwe wʼeLebanonĩ. Nĩkwa kwenene nasyakuyira ngʼembwarara nʼemĩyĩ eyite ko bandu.

Yeremĩa 26:18

Mĩka wʼeMoratĩ mwaminyerera oko biro bya Hezekĩa omwami wʼeYũda. Mwabwira abandu bosĩ bʼeYũda ati, Omwami Mukulu wʼemilondo akabũga ati, eSĩonĩ yasyalimwa ngʼeririma, nʼeYerũsalema yasyabya kĩhĩnga, nʼekitwa kyʼenyũmba ikyabya ngʼehitwa omo mũsĩtũ.

Yeremĩa 35:17

Busana nʼekyo, Omwami Mukulu, Nyamuhanga wʼemilondo, Nyamuhanga wʼeĨsraelĩ, ati, Lebaya, nasyaleta uku Yũda nʼoko syondũlanĩ syosĩ syʼeYerũsalema erĩkwa lyosĩ eryo nabĩrĩbũga busana nabo. Kandi kusangwa nabũga nabo, nĩkwa mobatowa. Nabirikirabo, nĩkwa sĩbetasũbĩrya.

Yeremĩa 44:2

Omwami Mukulu wʼemilondo, Nyamuhanga wa Ĩsraelĩ ati, Mwabirilangira ebitsibu byosĩ ebyo nabiriretera eYerũsalema, nʼoko mĩyĩ yosĩ yʼeYũda. Kandi, lebaya, mũnabwĩre nĩ kĩma, sihali mundu wĩkere muyo.

Yeremĩa 52:13

Naye mwahĩsya enyũmba yʼOmwami Mukulu, nʼenyũmba yʼOmwami, nʼamanyũmba gosĩ wʼeYerũsalema, obuli nyũmba nene, mwahĩsyago omo muliro.

Yeremĩa 9:10

Nasyalira nʼerĩsũsũmana busana nʼebitwa, na busana nʼamalĩsĩryo agʼomo mbwarara nasyayira ekiriro, kusangwa byabĩrĩhĩrwa mo kĩma, kikaleka ihatalaba mundu. Kutse abandu sibetoka erĩowa eriama lyʼende. Esyonyonyũ syʼekyanya nʼesyonyama syabirisaga, syabirigenda.

Yeremĩa 9:11

Kandi nasyayira eYerũsalema mo kilundo kyʼomulala ahʼerĩĩkala hʼesyoboha. Nage nasyayira emĩyĩ yʼeYũda mo kĩma, isihali ndũlanĩ.

Ekiriro 5:18

Busana nʼekitwa kyʼeSĩonĩ ekyabiribya kĩma, Esyoboha sikalendera mukyo.

Mĩka 1:6

Busana nʼekyo nasyayira eSamarĩa ngʼekilundo kyʼekĩma omo bwerere kandi ngʼahʼerihera amalima wʼebĩnyũ. Nasyũtũlĩra amabwe wako omo musya, nasyakunula ebibanza byako.

Matayo 24:2

Yesu mwasũbĩryabo mwabwirabo ati, Simwetalangira ebindu byosĩ ebĩ kwehĩ? Kwenene ngabũga nenyũ, hano sihendisyasĩgala erĩbwe nʼeriguma endata oko lindi, eritendisyasambulirwa ahisi.