Mĩka 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Abakalĩ bʼabandu bage, mukahigirabo eyĩhya erĩlũa obuli mundu oko nyũmba yiwe ĩyowene. Mũkalũsaya olukengerwa lwage oko bana babo balere busana na kera na kera.

Mĩka 2:9 Iomraidhean Croise

Esyonyimbo 72:19

Mupipe erĩna liwe lyʼolukengerwa kera na kera, Nʼolukengerwa luwe lũsũlaye ekihugo kyosĩ! Amina! Amina!

Yeremĩa 10:20

EHema yage yamaherĩbwa, nʼesyongoba syayo syosĩ syamatwĩka. Abagala bage babĩrĩnzĩga, sibakiri. Sihali kandi oyo wasyanyihandira eHema yage, kutse erihanika olukimba lwage olũkasũkũlĩraya.

Ezekĩelĩ 39:21

Nage nasyahĩra olukengerwa lwage omo bihanda. Nʼebihanda byosĩ byasyalangira eritswera lyage eryo ngatswera, nʼebyala byage ebyo nabĩrĩhĩra kubo.

Yoelĩ 3:6

kandi mwabĩrĩgũlya abana ba Yũda nʼabana bʼeYerũsalema oko bagala bʼAbagĩrĩkĩ, imwatoka erĩhũmĩryabo hali erĩlũa oko mitano yabo;

Amosĩ 2:7

Abakahumayirira olũtũtũ lwʼekitaka oluli oko mitwe yʼabera, kandi nʼerĩkĩtya enzira yʼabandu bolo; nʼomundu na tata wuwe bakasĩngĩra omwana-muto muguma, busana nʼeritsuma erĩna lyage lĩbũyĩrĩre.

Mĩka 2:2

Bakarumawa oko malima, ĩbakahũngago; nʼamanyũmba, ibakatwalago; kandi bakanũbaya omundu nʼenyũmba yiwe, omundu nʼomwandu wuwe.

Habakũkĩ 2:14

Kusangwa ekihugo kyasyũsũla nʼeriminya lyʼolukengerwa lʼOmwami Mukulu, ngoko amagetsi akũsũla omo ngetsi nʼeriswikayo.

Zekarĩa 2:5

Kusangwa ĩngye, Omwami Mukulu ati, nasyabya lũhĩmbo lwʼomuliro busana nayo, erĩtĩmba oko mbande syosĩ, nasyabya lukengerwa omo katĩkatĩ kayo.

Matayo 23:13

Nĩkwa obũlĩge kwĩnywe, abakangĩrĩrya bʼEmigambo nʼAbafarĩsayo, abatebya! Kusangwa mukakingira Obwami bwʼelubula bwʼabandu, kusangwa nenyũ simuliingiramo, kandi sĩmwerĩga bandu abakasonda eriingira, eriyamo. [

Mariko 12:40

Bo bakanũbaya abakwakalĩ nʼerinyega amanyũmba wabo, neryo busana nʼerilolwako nʼabandu bakasaba erisaba liri-liri. Aba basyasũyĩrwa kutsibu kwʼaho.

Luka 20:47

Kandi bakanũbaya abakwakalĩ nʼerinyega amanyũmba wabo, neryo busana nʼerilolwako bakasaba erisaba liri-liri! Aba basyasuyirwa kutsibu kwʼaho.

2 AbanyaKorinto 3:18

Neryo kusangwa situwite ekitambara oko bũsũ bwetu, tũkakanganaya ngʼomo kiyo olukengerwa lwʼOmukama. Kandi busana nʼolukengerwa luwe tũkahĩndũkĩbawa omo kĩsosekanĩo kiwe omo lukengerwa luwe, kusangwa lũkalũa oko Mukama oyuli Mũlĩmũ.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

1 Samwelĩ 26:19

Nĩkwa lino kĩsĩ-kĩsĩ nyiti, omukama wage mwami ahũlĩkĩrĩraye ebĩnywa byʼomugombe wuwe. Amabya Omwami Mukulu ĩyũkakũkola-kolaya erilwa nage, alĩge ehongo; nĩkwa bamabya ini bandu, batakirawe embere syʼOmwami Mukulu; kusangwa bamanyihiga mũnabwĩre bati sinangamakirirana nʼomwandu wʼOmwami Mukulu, bati, Ugende, ukolere esindi nyamuhanga.