Mĩka 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Omundu amakwama erĩhũnga nʼeribiha, amabiha ati, Nasyababwira busana nʼebĩnyũ nʼobũhĩre kutsibu; iye iniabya mbũyĩ oko bandu aba.

Mĩka 2:11 Iomraidhean Croise

1 Abami 13:18

Naye mwamubwira ati, Nage nibya indi mũmĩnyererĩ nga we; nʼomũlaĩka mwambwira omo kĩnywa kyʼOmwami Mukulu ati, Ũmũsũbũlaye haguma nawe omo nyũmba yawe iniatoka erirya kalyo nʼerĩpũlya magetsi. Nĩkwa mwamubihira.

1 Abami 22:6

Neryo omwami wa Ĩsraelĩ mwahĩndanĩa haguma abamĩnyererĩ nga bandu magana ani, mwabũlyabo ati, Nyinayalwe nʼeRamotĩ-gĩleadĩ, kutse nyũmbaye kwehĩ? Nabo mobabũga bati, Uhetukireyo kusangwa Omukama asyahĩrago omo byala byʼOmwami.

Yobũ 31:5

Namabya ngalendera omo mabehĩ, Nʼekisando kyage kyabirianguhira eriteba,

Emĩsyo 25:14

Ngʼebĩtũ nʼerihunga ebite mo mbũla, Kwʼali atya oyukayipipa omo lũsũnzo lwʼamabehĩ.

Ĩsaya 28:7

Aba nabo bakayiwako nʼebĩnyũ, bakakũta-kũta omo bwabũ bũhĩre. Omũhererĩ nʼomũmĩnyererĩ bakayiwako busana nʼobwabũ bũkalĩre, babirimerwa nʼebĩnyũ, bakakũta-kũta nʼobwabũ bũkalĩre. Bakayiwako omo nzolĩ, bakatitimbira omwʼitswera.

Ĩsaya 9:15

Omutwe yo mundu mukulu nʼomundu oyũsĩkĩbwe, nʼomũmĩnyererĩ oyũkakangĩrĩraya amabehĩ, go mukira.

Yeremĩa 14:14

Neryo Omwami Mukulu mwambwira ati, Abamĩnyererĩ bakaminyerera omo mabehĩ oko lĩna lyage. Mondatumabo, kutse sinditahanabo, kutse mondabũga nabo. Bakaminyerera busana nenyũ esyonzolĩ syʼamabehĩ, nʼerilagula, nʼebitya-bitya, nʼeriteba lyʼobũlengekanĩa bwabo.

Yeremĩa 23:14

Nabirilangira ekindu kibi kutsibu nibya omo bamĩnyererĩ bʼeYerũsalema. Erĩsĩngĩra, kandi bamalendera omo mabehĩ. Kandi bakasĩkaya ebyala byʼabakola-nabi, kikaleka ihatabya mundu oyũkabũnũkala nʼerireka ebibi biwe. Abosĩ babiribya ũkwʼĩngye ngʼeSodomo, nʼesyondũlanĩ syako ngʼeGomora.

Yeremĩa 23:17

Ebiro byosĩ bakabwira abakanyipona bati, Omwami Mukulu abĩrĩbũga ati, Mwasyabya nʼobuholo. Kandi bakabwira obuli mundu oyukagenda omo butsibu bʼomutima wuwe bati, Erĩkwa siryendĩsyabahĩkako.

Yeremĩa 23:25

Nabĩrĩowa ebyo abamĩnyererĩ babĩrĩbũga, abakaminyerera amabehĩ oko lĩna lyage bati, Nalotĩre, nalotĩre!

Yeremĩa 23:32

Omwami Mukulu ati, Lebaya, ngalwa nʼabakaminyerera erilota lyʼamabehĩ, ĩbakatũlalyo, nʼerĩhabĩsya abandu bage omo mabehĩ wabo nʼomwʼiyipipa lyabo litya-litya. Nĩkwa mondatumabo, kutse mondahamulabo. Kutse, siberetera abandu aba bʼendũndĩ nʼahake, Omwami Mukulu atya.

Yeremĩa 28:15

Neryo omũmĩnyererĩ Yeremĩa mwabwira omũmĩnyererĩ Hanania ati, Hanania, uhulikirire lino. Omwami Mukulu mwatakutuma nĩkwa ukaleka abandu aba ibayiketera amabehĩ.

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Ekiriro 2:14

Abamĩnyererĩ bawe babirilangira busana nawe Erilota eryʼamabehĩ nʼesyonzolĩ ngyĩrũ. Mobatakũnũngũla obubi bwawe, Busana nʼerĩsũbũlya obunyegwa bwawe, Nĩkwa babirilangira busana nawe Emyatsi yʼamabehĩ nʼemyatsi yʼerĩkũtalya.

Ezekĩelĩ 13:22

Kusangwa mwabĩrĩagalya emitima yʼabatunganene omo mabehĩ, omugulu nabya nyite nabaha obũlĩge, nĩkwa ĩmwabĩrĩsĩkya omubi, sĩabũnũkale nʼerireka enzira nyibi yiwe, nʼerĩlamya engebe yiwe.

Hosea 7:14

Kandi sibetanyilakira nʼomutima wabo, omugulu bakamĩraya oko syongyingo syabo; bakahĩndana busana nʼengano nʼebĩnyũ bihya-bihya; bakanyĩlũako.

Mĩka 3:11

Abasondolĩ bako bakatswera busana nʼerihembwa, nʼabahererĩ bako bakakangĩrĩraya busana nʼobũhĩngĩ, nʼabamĩnyererĩ bako bakalagula busana nʼesyofranka. Nĩkwa bakayegemeraya oko Mwami Mukulu, bakabũga bati, Omwami Mukulu siali omo katĩkatĩ ketu kwehĩ? Erĩkwa siryendĩsyatũhĩkako.

Mĩka 3:5

Omwami Mukulu akabũga busana nʼabamĩnyererĩ abakatalaya abandu bage! Omugulu bawite ekindu kyʼerirya, bakabirikira bati, Obuholo; nʼoyũtehĩra akalyo omo buno bwabo, abakamũtegekanĩraya amalwa.

AbanyaRoma 16:18

Kusangwa abandu ngʼabo sibekolera Omukama wetu Kristo, nĩkwa bakakolera esyonda syabo. Kusangwa bakateba emitima yʼabandu bate nʼamenge, omo bĩnywa bitendere nʼebyʼekĩsehya.

AbanyaFilipi 3:19

Endũlĩ yabo basyaherĩbwa, kandi babiriyira esyongumbu syabo mo nyamuhanga wabo. Bakayihalamba omo myatsi yʼesĩsonĩ, bandu bʼekihugo.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.