Mĩka 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Busana nʼekyo nasyayira eSamarĩa ngʼekilundo kyʼekĩma omo bwerere kandi ngʼahʼerihera amalima wʼebĩnyũ. Nasyũtũlĩra amabwe wako omo musya, nasyakunula ebibanza byako.

Mĩka 1:6 Iomraidhean Croise

2 Samwelĩ 17:13

Kandi, amatibita omo mũyĩ, Abaĩsraelĩ basyaleta ebikoba oko mũyĩ oyo, basyakurirago omo lũsĩ, erĩhĩka aho hatendisyabanikira nʼakabwe nʼakaguma.

2 Abami 18:10

Neryo enyũma wʼemyaka ĩsatu mwanyegago; oko mwaka wʼomwenda wa Hezekĩa, owabya mwaka wʼomwenda wa Hosea omwami wa Ĩsraelĩ, eSamarĩa moyanyegwa.

2 Abami 18:9

Neryo oko mwaka wʼakani wʼOmwami Hezekĩa, Omwaka oyo abya wʼakalinda wa Hosea mugala wa Ela omwami wa Ĩsraelĩ, Salmaneserĩ omwami wʼeAsũrĩa mwahetuka erilwa nʼeSamarĩa, neryo mwagoterago.

2 Abami 19:25

Sũlĩtowa kwehĩ? Nakolakyo kera; monayĩsũnzakyo oko biro bya kera, na lino nabĩrĩberereryakyo, iwatoka eribindula emĩyĩ eyikongotere mo bĩma eribya bilundo byʼerihera.

Ĩsaya 17:1

Eriminyerera busana nʼeDamaseke. Lebaya, Damaseke akalũsĩbawa okwʼibya mũyĩ, kandi asyabya kilundo kyʼekĩma.

Ĩsaya 25:12

Nʼahakangatĩre hakalĩre hʼesyombĩmbo syawe asyahĩraho ahisi, erĩkongomereryaho eyĩkwa nʼerĩtereryaho oko kitaka, erĩhĩka omo lũtũtũ.

Ĩsaya 25:2

Kusangwa wabiriyira omũyĩ mo kilundo, Omũyĩ owakongotere mo kĩma. Ekikali kyʼabagenĩ sikiri mũyĩ kandi, Siendĩsyaswahĩmbwa na kera.

Yeremĩa 31:5

Kandi wasyahera amalima wʼebĩnyũ oko hitwa hyʼeSamarĩa. Abaherĩ basyaherabyo basyatsemera ebĩgũma byago.

Yeremĩa 51:25

Omwami Mukulu ati, Lebaya, iwe kitwa kyʼerĩherya, indi nzĩgũ yawe, uwe ũkaheraya ekihugo kyosĩ. Nage ngandisumba ebyala byage erilwa nawe, nʼerĩkũkũmbagalya Ũlũe oko lukuka lwʼamabwe, nasyakuyira mo kitwa kĩhĩre.

Yeremĩa 51:37

NʼeBabelĩ yasyabya bilundo byʼekĩma nʼahʼerisiba hʼesyoboha, nʼekindu kyʼesyonye, nʼeriahirwa, ahate ndũlanĩ.

Yeremĩa 9:11

Kandi nasyayira eYerũsalema mo kilundo kyʼomulala ahʼerĩĩkala hʼesyoboha. Nage nasyayira emĩyĩ yʼeYũda mo kĩma, isihali ndũlanĩ.

Ekiriro 4:1

Esyamagetsi syamakĩna siti! Nʼesyamagetsi esĩkangĩre Syamahinduka siti! Amabwe awabũyĩrĩre amũtwa Oko ndũlĩ yʼobuli nzira.

Ezekĩelĩ 13:14

Ko nasyaterya olũhĩmbo olo mwahakabaya embemba nʼerĩtereryalo oko kitaka nʼekibanza kyalo ikyaswikulwa. Nʼomugulu lwasyatera, nenyũ mwasyahwera omo katĩkatĩ kalo. Nenyũ mwasyaminya ko ndi Mwami Mukulu.

Hosea 13:16

ESamarĩa yasyaheka omusango wako; kusangwa abirihona uku Nyamuhanga wuwe; basyawa omo mũyalĩ; abana babo basyaguswa mo bitswe, nʼabakalĩ babo abakule, basyatulwa.

Amosĩ 5:11

Busana nʼekyo mũkalĩhĩsaya engemu yʼengano; mwabĩrĩhĩmba amanyũmba wʼamabwe awabatsĩre nĩkwa sĩmwendĩsyĩkala mugo; mwabirihera amalima wʼebĩnyũ wʼerĩtsemesya, nĩkwa sĩmwendĩsyapũlya ebĩnyũ byago.

Amosĩ 6:8

Omukama, Omwami Mukulu abĩrĩyĩlahĩryako, Omwami Mukulu, Nyamuhanga Wʼemilondo ati, Ngakwa obubuya bwa Yakobo bo nye, kandi ngakwa ebikali biwe byʼobusu; busana nʼekyo nasyahotera omũyĩ nʼebyosĩ birimo.

Mĩka 3:12

Neryo busana nenyũ, eSĩonĩ yasyakwangurwa ngʼeririma, nʼeYerũsalema yasyabya ngʼekĩhĩnga, nʼekitwa kyʼenyũmba yʼeHekalũ kyasyabya ngʼahʼendata hʼomũsĩtũ.

Habakũkĩ 3:13

Mowahuluka busana nʼomulamo wʼabandu bawe, Busana nʼomulamo wʼomũhakabĩbwa wawe; Mowahũtalya omutwe wʼekĩtũnga kyʼomundu mubi, Erimutula erĩtsũka omo kihinga erĩhĩka oko bĩkya.

Matayo 24:2

Yesu mwasũbĩryabo mwabwirabo ati, Simwetalangira ebindu byosĩ ebĩ kwehĩ? Kwenene ngabũga nenyũ, hano sihendisyasĩgala erĩbwe nʼeriguma endata oko lindi, eritendisyasambulirwa ahisi.