Mĩka 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Kusangwa, lebaya, Omwami Mukulu akalũa aho wuwe, akandiandagala, nʼeriryatanga oko hʼendata hʼekihugo.

Mĩka 1:3 Iomraidhean Croise

Yobũ 40:12

Usamalire obuli mundu oyukayiheka ũmũkehaye ahisi; Kandi ulyatangirire ababi bʼahisi aho bimene.

Esyonyimbo 115:3

Nyamuhanga wetu ali omo lubula, Akakola ebyo anzĩre.

Ĩsaya 25:10

Kusangwa ebyala byʼOmwami Mukulu byasyĩkala oko kitwa ekĩ; nʼeMoabũ yasyalyatangirirwa ahisi aho wuwe, ngʼebiti byũmĩre ebikalyatangirirawa ahisi omo magetsi wʼekyabũ.

Ĩsaya 26:21

Kusangwa, lebaya, Omwami Mukulu akĩsĩya iniahuluka akalũa aho wuwe erisuyira esyondũlanĩ syʼekihugo busana nʼebibi byabo. Ekihugo kyasyabĩsũla omusasi wakyo, sikyendisyaswaswika abĩtawa bakyo.

Ezekĩelĩ 3:12

Neryo Omũlĩmũ mwanyisumba, nage monowa enyũma wage omulenge wʼerihuha ĩnene ati, Mupipe olukengerwa lwʼOmwami Mukulu ewuwe.

Amosĩ 4:13

Kusangwa lebaya, oyo wahangika ebitwa, nʼoyo wahangika erihunga, nʼerĩtũlĩra omundu yʼamalengekanĩa wuwe; oyukayira engyakya-ngyakya eribya mwĩrĩmya, nʼoyukalyatanga ahʼendata hʼekihugo, Omwami Mukulu Nyamuhanga Wʼemilondo, lyo lĩna liwe.

Amosĩ 9:5

Neryo Omukama, Omwami Mukulu Wʼemilondo, yo yũkatũla oko kitaka ikyasendekerera, nʼabosĩ abĩkere mukyo basyalira; nakyo ekyosĩ kikayisumba ngʼolũsĩ lwʼeNĩlĩ, kandi kyasyahotoka ndeke ngʼolũsĩ lwʼeNĩlĩ lwʼeMĩsĩrĩ.

Habakũkĩ 3:19

Omukama, Omwami Mukulu ni maka wage; Akayira ebisando byage ngʼebisando byʼengabi, Akaleka inalaba oko bitwa. Busana nʼomwĩmbĩrĩrĩ oyuwite esyonanga syage syʼemĩsĩsa.

Zekarĩa 14:4

Nʼebisando biwe byasyahangana oko kiro ekyo oko kitwa kyʼeMĩzeĩtũnĩ, ekiri embere syʼeYerũsalema ebwanga bwʼendata; nʼekitwa kyʼeMĩzeĩtũnĩ kyasyatulwa omo katĩkatĩ erĩlolya endata nʼerĩlolya eyĩkwa, busana nʼomusya munene kutsibu; nʼoluhande lwʼekitwa lwasyasegera erĩlolya elutambi lwʼendata, nʼolundi luhande lwakyo lwasyalolya elutambi lwʼeyĩkwa.

Eryibuka Ebihano 32:13

Mwamũtambya ahayĩsũmbĩre bʼekihugo, Kandi mwalya akalyo kʼamalima; Mwamwongya obuki obũkalũa omwʼĩbwe, Nʼamagũta awakalũa omwʼĩbwe rĩkalĩre;

Eryibuka Ebihano 33:29

Uwe Ĩsraelĩ, Ũyĩsyandire. Nindi oyuli nga we, ekihanda Omwami Mukulu alamaya, Oyuli ngabo yʼerĩwatĩkya lyawe, Nʼomũyalĩ wʼobũsĩnge bwawe! Nʼesyonzĩgũ syawe syasyakwanira; Nawe wasyalyatangirira emyanya yabo yʼendata.