Matayo 9:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo abandu mobamuletera omundu oyũbasĩre, iniagotsere oko ngingo. Nĩkwa Yesu mwalangira erĩkĩrĩrya lyabo, neryo mwabwira oyũbasĩre ati, Mwana wage, Ũsĩkaye omutima! Ebibi byawe byamabibuyirwa.

Nouveau Testament et Psaumes en Ndandi Version 1962

² Neryo lebaya mobamuletera oyu basire, iniagotsere oko ngingo yiwe; nomugulu Yesu alangira erikirirya ryabo mwabuga noyu basire ati, Mugala wage ubye nobutseme; ebibi byawe byamabuyirwa.

Matayo 9:2 Iomraidhean Croise

Omũgambũlĩ 9:7

Neryo ugende, ulye akalyo kawe nʼobutseme, nʼerĩpũlya ebĩnyũ byawe nʼomutima wʼeritsanga, kusangwa Nyamuhanga abĩrĩsĩma emĩbĩrĩ yawe.

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Matayo 14:27

Nĩkwa neryo-neryo Yesu mwabũga nabo ati, Mũsĩkaye emitima! Nĩna ngye; simubahe.

Matayo 4:24

Neryo engulu yiwe moyatsungana omo kihugo kyosĩ kyʼeSũrĩa. Kandi mobamuletera abakonĩ bosĩ, abagalawa omo mĩsĩndo-mĩsĩndo yʼesyondwala nʼamagalĩ, nʼabali kwʼesyombĩnga, nʼabatũtsa, nʼababasĩre, nĩkwa Yesu mwalamya abosĩ.

Matayo 6:12

Utubuyire amalolo ago twabirikola; Ngoko tukabuyira abandi bʼamalolo ago bakatukolera.

Matayo 8:10

Neryo omugulu Yesu owa ekĩ, mwasweka, neryo mwabwira abandu abamukwama ati, Kwenene ngabũga nenyũ nyiti, Sinditabana erĩkĩrĩrya ĩnene ngʼerĩ omo Baĩsraelĩ.

Matayo 8:16

Neryo bwabere bwabya ĩgolo-golo, abandu mobaletera Yesu yʼabandi abali kwʼesyombĩnga Nĩkwa Yesu mwahiga ebĩrĩmũ bibi ebyo omo kĩnywa kisa, mwalamya abosĩ ababya balwere.

Matayo 9:22

Nĩkwa Yesu mwabinduka mwamulangira, mwamubwira ati, Ubondere, mwali wage! Erĩkĩrĩrya lyawe lyamabĩkũlamya. Neryo-neryo omũkalĩ oyo mwalamĩbwa.

Matayo 9:5

Ekyolo ni kyahi, erĩbũga nyiti, Ebibi byawe byamabibuyirwa, kutse erĩbũga nyiti, Hangana, ugende, kwehĩ?

Matayo 9:6

Nĩkwa mutoke eriminya kʼomugala wʼomundu awite hamũlĩ omo kihugo eribuyira ebibi, Yesu mwabwira oyũbasĩre ati, Hangana, wĩmaye engingo yawe, uye eka wenyũ!

Mariko 1:32

Neryo bwabere bwabya ĩgolo-golo, eryuba lyabirenga, abandu mobaletera Yesu yʼabakonĩ bosĩ nʼababya kwʼesyombĩnga.

Mariko 10:49

Neryo Yesu mwahangana, neryo mwabũga ati, Mumubirikire. Neryo mobabirikira endĩmatĩme eyo bati, Ũsĩkaye omutima. Uhangane, amakubirikira.

Mariko 5:34

Yesu mwamubwira ati, Mwali wage, erĩkĩrĩrya lyawe lyamakũlamya. Ugende buholo, ũlamĩbawe kwʼendwala yawe.

Mariko 6:50

Kusangwa abosĩ mobamulolako, mobubaha. Yesu mwabwirabo lũba ati, Mũsĩkaye emitima! Nĩna ngye! Simubahe!

Yoane 16:33

Namababwira emyatsi eyĩ imwabana Obuholo busana nʼerimatikana nage. Omo kihugo mwasyabana erĩendererĩbwa. Nĩkwa muhande emitima! Nabĩrĩkĩnda ekihugo!

Yoane 2:25

Kusangwa siabya nʼobwaga bwʼeribwirwa omwatsi wʼabandu, kusangwa iye abya asĩ ebiri omo mitima yʼabandu.

Yoane 21:5

Neryo Yesu mwabũlyabo ati, Bana, munawite amahere kwehĩ? Mobamũsũbĩrya bati, Iyihi.

Emibiri 14:9

Omundu oyũ mwahulikirira ebĩnywa bya Paũlo. Neryo Paũlo mwalangira ko mundu oyũ abya awite erĩkĩrĩrya lyʼerĩlamĩbwa.

Emibiri 19:12

Kandi ebitambara nʼesyongimba ebyalũa oko mubiri wa Paũlo mobyatwalwa oko bakonĩ, nʼesyondwala mosyalũa kubo, nʼebĩrĩmũ bibi mobyalũamo.

Emibiri 23:11

Oko kiro ekĩkwamĩre ekyo, Omukama mwahangana hakũhĩ na Paũlo ati, Uhande omutima! Wabĩrĩtũla omwatsi wage wʼeYerũsalema, litya litolere ĩwatũla omwatsi wage wʼeRoma nibya.

AbanyaRoma 5:11

Neryo kandi kwilaba aho, tukatsema uku Nyamuhanga busana nʼomukama wetu Yesu Kristo, oyo wabĩrĩtũsanganĩa na Nyamuhanga.

Yakobo 2:18

Omundu anganabũga ati, Uwe uwite erĩkĩrĩrya, nage ngwite emĩbĩrĩ. Ũngangaye erĩkĩrĩrya lyawe eritawite mĩbĩrĩ, nage ngandĩkũkangya erĩkĩrĩrya lyage omo mĩbĩrĩ yage.