Matayo 8:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo lebaya, omuhaga mwamũhĩkako, neryo mũnama embere siwe erĩmũramya ati, Mukama, wamabya ũnanzĩre, wangatoka erĩnyĩlamya.

Nouveau Testament et Psaumes en Ndandi Version 1962

² neryo lebaya omuhaga mwamuhikako, mwamukukamire, ati, Mukama, wamanza, wangatoka nerinyerya.

Matayo 8:2 Iomraidhean Croise

2 Samwelĩ 3:39

Kandi mũnabwĩre ĩngye nahwerekerere nomo nandi mwami oyo Nyamuhanga ayisoga; nʼabalume aba abagala ba Zerũya, banyĩremĩre. Omwami Mukulu ahembe omukola-nabi ngʼebibi biwe ko biri.

2 Abami 15:5

Neryo Omwami Mukulu mwaswĩrya omwami, kyaleka iniabya muhaga erĩhĩka oko kiro kyʼoluholo luwe. Neryo mwĩkala omo nyũmba eyabya aho wayo, omugulu Yotamũ mugala wʼOmwami abya mukulu wʼenyũmba, iniakatswera bandu bʼekihugo.

2 Abami 5:1

Neryo Namanĩ, omukulu wʼemilondo yʼOmwami wʼeSũrĩa, abya mundu mukulu embere wʼomukama wuwe, nʼowʼerĩsĩkĩbwa, kusangwa busana naye Omwami Mukulu mwaha eSũrĩa erĩkĩnda; kandi abya mbangĩ owʼamaka nĩkwa abya muhaga.

2 Abami 5:27

Busana nʼekyo ebihaga bya Namanĩ byasyakwamakirira, nʼoko bana bawe erĩhĩka kera na kera. Neryo Gehazĩ mwalũa embere siwe iniamabibya muhaga ĩnĩahenĩrye ngʼenzururu.

Emiganzo 12:10

Nĩkwa omugulu ekĩtũ kyalũa endata oko Hema; lebaya Mĩrĩamũ iniamabibya kwʼebihaga, omweru ngʼenzururu. Neryo Harũnĩ mwatungerera Mĩrĩamũ, iniamabibya kwʼebihaga.

Matayo 10:8

Mũlamaye abakonĩ, mũlũbũkaye abaholĩ, mũlamaye abahaga, muhigire esyombĩnga syʼeyĩhya. Mwabiryangirira butsira eririha, muhe abandi butsira erĩrĩhĩsya.

Matayo 13:58

Neryo Yesu mwatakolayo ebitiko-tiko bingi busana nʼeritendĩkĩrĩrya lyabo.

Matayo 14:33

Neryo ababya omo bwato mobaramya Yesu, bati, Kwenene uli Mugala wa Nyamuhanga!

Matayo 15:25

Nĩkwa omũkalĩ oyo mwasa, mũnama embere sya Yesu, ati, Mukama, ũnyĩwatĩkaye!

Matayo 18:26

Neryo omugombe oyo mwawa oko marwĩ wuwe embere syʼOmukama wuwe ati, Undindirire, nasyakũtũha ebyosĩ.

Matayo 2:11

Neryo mobingira omo nyũmba, mobalola oko mwana oyo haguma na nyĩnya wuwe ye Marĩa. Mobakũkama ahisi nʼerĩmũramya; kandi mobasengula ebindu byabo mobamuha olũsũnzo lwʼesyofranka syʼamagetsi, nʼobukwa nʼamanemane.

Matayo 20:20

Neryo nyĩnya wʼabagala ba Zebedayo mwahĩka uku Yesu haguma nʼabagala buwe, neryo mwamũnamira, mwamũbũlya omwatsi.

Matayo 26:6

Omugulu Yesu abya eBetanĩa omo nyũmba ya Sĩmonĩ omuhaga,

Matayo 28:17

Neryo babere balola uku Yesu mobamũramya, nĩkwa abandi mobatikatika.

Matayo 28:9

Neryo lebaya, Yesu mwahĩndana nabo ati, Mwabũkĩre! Neryo mobamũhĩkako, mobahamba ebisando biwe, mobamũramya.

Matayo 4:9

Neryo Satanĩ mwabwira Yesu ati, Ebyosĩ ebĩ nasyakuhabyo wamanyĩkũkamira nʼerĩnyĩramya.

Matayo 8:1

Neryo Yesu mwandagala akalũa oko kitwa, nʼesyondeko nene mosyamukwama.

Matayo 8:25

Neryo abiga mobahĩka uku Yesu, mobamũbũkya bati, Mukama, ũtũlamaye! Tukahwa!

Matayo 9:18

Nĩkwa omugulu Yesu abya akabũga nabo emyatsi eyĩ, omukulu wʼenyũmba yʼerĩhĩndanamo mwasa, mũnama embere sya Yesu erĩmũramya ati, Mwali wage amahola; nĩkwa wase ũmũhĩre kwʼebyala byawe, akandibyaho.

Luka 4:27

Kandi habya abahaga bangi eĨsraelĩ oko mugulu wʼomũmĩnyererĩ Elĩsa; nĩkwa sihali oyo walamĩbawa, nina Namanĩ Omũsũrĩa.

Yoane 9:38

Neryo omundu oyo mwabũga ati, Mukama, namĩkĩrĩrya! Neryo omundu oyo mwamũramya.

Emibiri 10:14

Nĩkwa Petero mwabũga ati, Lero iyihi, Mukama! Sindinatalya na kera ekindu kĩtabũyĩrĩre kutse ekĩtũnda-tũndĩre.

Emibiri 10:25

Neryo omugulu Petero abya akingira omo nyũmba, Kornelĩo mwahĩndana naye, mwatũlama oko bisando biwe, nʼerĩmũramya.

1 AbanyaKorinto 14:25

Kandi emyatsi eyĩbĩsamĩre yʼomutima wuwe ĩkamĩnyĩkalĩbawa, neryo asyawa ahisi nʼerĩramya Nyamuhanga, ĩnĩakabũga ati, Kwenene Nyamuhanga ali omo katĩkatĩ kenyũ.

Eribisurirwa 19:10

Neryo monatũlama ahisi embere syʼebisando biwe erĩmũramya. Naye mwabũga nage ati, Sukole utya! Ĩngye indi mugombe mũlĩkyenyũ haguma nawe, nʼabalĩkyenyũ abakatũla omwatsi wa Yesu. Ũramaye Nyamuhanga! Kusangwa erĩtũla omwatsi wa Yesu nĩ kĩrĩmũ kyʼeriminyerera.