Matayo 7:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Mũbũlaye, mwasyahabwakyo; musonda-sondaye, neryo mwasyabanakyo; mukongote oko lũyĩ, neryo mwasyakingulirwalo.

Nouveau Testament et Psaumes en Ndandi Version 1962

⁷ Mubulaye, mwasyahabwakyo; musonda-sonde mwasyabana; mukongote, mwasyakingulirwalo.

Matayo 7:7 Iomraidhean Croise

Enzũko 26:32

Neryo oko kiro ekyo kisa-kisa abagombe ba Ĩsaka mobasa, mobamubwira busana nʼekitehero ekyo batakula, mobabũga, bati, Twabiribana amagetsi.

1 Abami 3:5

EGĩbeonĩ Omwami Mukulu mwahulukira Solomono omo nzolĩ omo kiro; na Nyamuhanga mwamubwira ati, Bũlaya ekyo nangakuha.

Esyonyimbo 10:17

Uwe Mwami Mukulu, ũkowa erilaka lyʼabandu bolo, Kandi wasyasĩkya emitima yabo. Wasyatega amatwĩ wawe erĩowabo.

Esyonyimbo 10:4

Omundu mubi omwʼiyiheka liwe aka bũga ati, Nyamuhanga siendĩsyanyĩtũhya! Amalengekanĩa gosĩ gʼomundu mubi ati, Sihali Nyamuhanga.

Esyonyimbo 119:12

Mwami Mukulu, ngakupipa; Ũnyĩkangĩrĩraye ebihano byawe!

Esyonyimbo 27:8

Mowambwira uti, Mwase kwĩngye, Omwami Mukulu, nasyasa ukʼuwe:

Esyonyimbo 34:4

Monasaba Omwami Mukulu, naye mwanyĩsũbĩrya; Naye mwanyĩlamya oko buba bwage bosĩ.

Esyonyimbo 37:4

Utsemere Omwami Mukulu; Naye akandisyakuha ebyo mutima wawe anzĩre.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Esyonyimbo 69:32

Omugulu abʼobwaga basyalangira ekĩ basyatsema; Ĩnywe mũkaramaya Nyamuhanga emitima yenyũ isube omo nda,

Esyonyimbo 70:4

Abosĩ abakakusonda-sonda bakutsemere nʼerĩyĩsyandira ukʼuwe! Abosĩ abanzĩre erĩlamya lyawe babũge emigulu yosĩ bati, Nyamuhanga ka ni mukulu!

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Emĩsyo 8:17

Nyanzĩre abakanyanza; Nʼabakanyĩsondaya nʼomũhwa basyanyibana.

Olwimbo lwʼEsyonyimbo 3:2

Monabũga nyiti, Ngandihangana lino, nʼerĩtĩmba-tĩmba oko mũyĩ. Omo syonzira syago nʼomo syonzira nene-nene Ngandĩsonda-sondya oyo mutima wage anzĩre. Monamusonda-sonda nĩkwa mondamubana.

Ĩsaya 30:19

Ĩnywe bandu bʼeSĩonĩ, esyondũlanĩ syʼeYerũsalema, simwendisyaswalira. Kwenene asyabakwa olukogo busana nʼomulenge wʼerilaka lyawe. Omugulu asyowalyo asyabasũbĩrya.

Yeremĩa 33:3

Unyibirikire, nage ngandĩkũsũbĩrya, nʼerĩkũkangya emyatsi mikulu mikulu, nʼeyĩkalĩre, eyo gũtasĩ.

Amosĩ 5:4

Kusangwa Omwami Mukulu akabũga nʼekĩtũnga kya Ĩsraelĩ ati, Mũnyĩsonda-sondaye imwatoka eribyaho.

Matayo 18:19

Kandi ngabũga nenyũ, ababiri bʼũkwʼĩnywe bamĩkĩrĩranĩa omo kihugo busana nʼekĩndũkĩ basyasabira, Tata wage oyuli elubula asyabakolerakyo.

Matayo 21:22

Kandi emyatsi yosĩ eyo mũkabũlaya omwʼisaba, ĩmũkĩkĩrĩraya, mwasyabanayo.

Matayo 6:33

Nĩkwa mũtsũke erisonda Obwami bwa Nyamuhanga nʼeritunganene riwe, naye asyabaha ebindu byosĩ ebĩ.

Matayo 7:11

Nomo mune babi, mũnasĩ eriha abana benyũ bʼolũsũnzo lubuya. Tata wenyũ oyuli elubula sĩalabĩre aho eriha ebindu bibuya oko bakamũbũlaya kwehĩ?

Matayo 7:8

Kusangwa oyũkabũlaya, asyangirirakyo; nʼoyukasonda-sonda, akabanakyo; nʼolũyĩ lwasyakingukala oko yukakongota oko lũyĩ.

Mariko 11:24

Kikaleka inababwira nyiti, Ebyosĩ ebyo mukasaba nʼerĩbũlya, mwĩkĩrĩraye ko mwabiribanabyo, nenyũ mwasyahabowabyo.

Luka 13:25

Omwenye enyũmba amabihangana nʼerikinga Olũyĩ, nenyũ mũkatsũka erihangana eyĩhya nʼerikongota oko lũyĩ, muti, Mukama, utukingulire! Neryo asyabasũbĩrya nʼeribabwira ati, Sĩnyasĩ eyo mũkalũa.

Luka 18:1

Neryo Yesu mwatwĩrabo omũsyo oyũ, erĩkangĩrĩryabo ati, Basabe emigulu yosĩ butsira eriluha,

Yoane 15:16

Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

Yoane 15:7

Mwamamatikana kwĩngye, nʼebĩnywa byage bĩkĩkala omo mitima yenyũ, mũbũlaye ekĩndũkĩ ekyo mwanzĩre, neryo mwasyakolerwakyo.

Yoane 4:10

Yesu mwamũsũbĩrya ati, Kumbe wasĩ olũsũnzo lwa Nyamuhanga, nʼoyũkabũga nawe ati, Umba awʼerĩpũlya, kumbe wabĩrĩmũbũlya, naye kumbe abirikuha amagetsi wʼengebe.

AbanyaRoma 2:7

Nyamuhanga asyaha engebe yʼerikota oko bakayitsingirira omo mikolere yowene, ibakasonda olukengerwa, nʼerĩsĩkya nʼebitehola.

AbanyaRoma 3:11

Sihali oyukaminya, Sihali oyukasonda-sonda Nyamuhanga;

AbaEbrania 11:6

Kandi ahate erĩkĩrĩrya omundu siangatoka erĩtsemesya Nyamuhanga, kusangwa litolere oyũkahĩka uku Nyamuhanga ĩnĩkĩrĩrya ko Nyamuhanga aneho, kandi kwʼakahemba abakamusonda-sonda.

Yakobo 5:15

Nʼerisaba erĩ lyʼerĩkĩrĩrya lyasyalamya Omũkonĩ, nʼOmukama asyamũsũbya. Kandi amabya abirikola ebibi, asyabuyirwabyo.

1 Yoane 3:22

Kandi tukabana ebyosĩ ebyo tũkamũbũlaya, kusangwa tukakwama ebihano biwe, kandi tukakola emyatsi eyo eyĩkamũtsemesaya.