Matayo 6:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo omugulu ũkahĩtaya, sigubuhe ngubi emuliro wawe, ngʼabakayĩtendereraya ko bakakola omo manyũmba wʼerĩhĩndanamo nʼomo syombalu, bati bapipawe nʼabandu. Kwenene ngababwira nyiti, bawite oluhembo lwabo losĩ.

Nouveau Testament et Psaumes en Ndandi Version 1962

² Nibya omugulu ukahitaya, subuhe engubi emuliro wawe, nga batebya ko bakakola omo manyumba werihindana nomo syombalu, bati basimawe nabandu. Kwenene ngabuga nenyu, bawite oluhembo lwabo.

Matayo 6:2 Iomraidhean Croise

Esyonyimbo 112:9

Akahĩtaya ndeke oko bandu bʼobwaga, Kandi obwenge buwe ni bwʼerikota; Asyabya wʼobũtokĩ nʼerikengwa.

Esyonyimbo 37:21

Ababi bakayibweka, ĩbataswatũha, Nĩkwa omundu oyutunganene akahĩtaya, kandi ni mwenge.

Emĩsyo 19:17

Oyukaganyira abera akabweka Omwami Mukulu; Akandĩsyamũtũha omũbĩrĩ wuwe owene.

Emĩsyo 20:6

Hakũhĩ nʼabandu bosĩ bakatũlaganaya obuli mundu obubuya buwe; Nĩkwa nindi wangabana omundu oyuteregula kwehĩ?

Omũgambũlĩ 11:2

Ugabire erĩgabo oko balinda, kutse oko munani, kusangwa Sĩwasĩ obubi bwahi obukandisyabya oko kihugo.

Ĩsaya 10:6

Ngatumalyo oko kihanda kitawite Nyamuhanga, ngatumalyo oko bandu bʼerihitana lyage erĩhũnga eminyego, kandi erihamba obuhiyi, nʼeriryatangirirabo ahisi ngʼolondo lʼomo syonzira.

Ĩsaya 58:7

Si rye rigabira akalyo kawe abakwĩre enzala, kandi eritwala abera abatawite nyũmba eriretabo omo nyũmba kwehĩ? Kandi omugulu ukalola oko yuli ndũmbũ, iwamuswika, kutse si rye ritindayĩbĩsa oko yuli nʼomubiri muguma nawe kwehĩ?

Ĩsaya 9:17

Neryo Omukama sialitsemera abalwana babo, kandi sialiganyira esyongũbĩ syabo nʼabakwakalĩ. Kusangwa obuli mundu nĩ mũtsandĩrya nʼomukola-nabi, nʼobuli buno bũkabũga ebyʼobũkĩrũ. Kusangwa busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Hosea 8:1

Ũhĩre engubi oko mĩnywa yawe! Ngʼerĩsamba ko likasa, enzĩgũ ikasa oko kĩtũnga kyʼOmwami Mukulu, kusangwa babĩrĩhalya oko ndagano yage nʼerilwa nʼemigambo yage.

Matayo 15:7

Ĩnywe batebya! Omũmĩnyererĩ Ĩsaya mwaminyerera ndeke busana nenyũ, ati,

Matayo 16:3

Nʼengyakya-ngyakya muti, Bukandibya mũlũmbĩ mũnabwĩre, kusangwa ekyanya kyamabya lukula-kula nʼebĩtũ byamahimba. Mũnasĩ eriminyerera omũsĩndo wʼekyanya, nĩkwa simulitoka eriminyerera ebiminyikalo byʼemigulu kwehĩ?

Matayo 22:18

Nĩkwa Yesu mwaminya obubi bwabo neryo mwabũga ati, Ĩnywe batebya! Busana nakĩ mukanyirengako kwehĩ?

Matayo 23:5

Nĩkwa bakakola emĩbĩrĩ yabo yosĩ erilolwako nʼabandu; kusangwa bakayira otũsandũkũ otukaheka emilondo yʼekitabu mo tunene-tunene oko mibiri yabo, kandi emĩsĩke yʼesyongimba syabo bakayirayo mo miri-miri.

Matayo 23:6

Kandi banzĩre ahʼerĩsĩkĩbwa omwʼirya, nʼebĩtũmbĩ byʼembere omo manyũmba wʼerĩhĩndanamo.

Matayo 24:51

Omukama oyo asyamũtsũtsanga mo bitswe-bitswe, nʼerimuha omwanya haguma nʼabatebya. Hasyabya eririra eyo nʼerikeregeta ameno.

Matayo 5:18

Kusangwa ngabũga nenyũ kwenene, nyiti, Erĩhĩka aho lubula nʼekihugo byasyahweraho, sihali akakwararĩ kutse katondĩ kʼoko Migambo akakandĩsyalũa oko Migambo erĩhĩka aho ebyosĩ byasyabererera.

Matayo 6:16

Omugulu mukatsira akalyo, Simubye nʼobũsũ bũtsandĩre ngʼabatebya ko bakakola. Kusangwa bakatsandaya amũsũ wabo bati balolaweko nʼabandu ngʼabandu bakatsira akalyo. Kwenene ngabũga nenyũ nyiti, Banawite oluhe­mbo lwabo losĩ.

Matayo 6:3

Nĩkwa omugulu ũkahĩtaya, Suleke ebyala byawe byʼamalembe bikaminya ebyo byala byʼamali bikakola.

Matayo 6:5

Omugulu mukasaba, isimwabya ngʼabatebya! Kusangwa banzĩre erihangana nʼerisaba omo manyũmba wʼerĩhĩndanamo nʼomo syongonde syʼesyombalu, balolaweko nʼabandu. Kwenene ngababwira nyiti, Bawite oluhembo lwabo losĩ.

Matayo 7:5

Uwe mũtebya! Ũtsũke erilola ekĩtĩka kyʼomo lĩso lyawe, neryo wasyalangira ndeke erilola akati akali omo lĩso lya mũlĩkyenyũ.

Mariko 12:39

ibakayisoga ebĩtũmbĩ byʼembere omo manyũmba wʼerĩhĩndanamo, nʼahʼerĩsĩkĩbwa okwʼirya.

Mariko 7:6

Yesu mwasũbĩryabo ati, Ĩsaya mwaminyerera ndeke busana nenyũ ĩnywe batebya, ngoko kĩsakĩre kiti, Abandu aba bakanyĩsĩkaya omo mĩnywa yabo, Nĩkwa emitima yabo yiri hali kwĩngye.

Luka 11:41

Nĩkwa mugabire abandu bera ebiri omwisi wʼolũtehĩ nʼekibindi, neryo ebyosĩ byasyera.

Luka 11:43

Obũlĩge kwĩnywe Bafarĩsayo! Mukanza ebĩtũmbĩ byʼembere omo manyũmba wʼerĩhĩndanamo, nʼerĩkerĩbwa omo hitale.

Luka 12:33

Mũgũlaye ebindu byenyũ, muhe esyofranka syʼoko bera. Muyibanire amatũsĩ awatekula, muyibikire ebindu elubula ebitekeha, ahatehĩka mũrahĩ, nʼehinyurugunzu sihyeherayabyo.

Luka 12:56

Ĩnywe batebya! Mũnasĩ eriminyerera erisosa lyʼekihugo nʼeryʼekyanya; nĩkwa busana nakĩ sĩmwasĩ eriminyerera omugulu wa sesene kwehĩ?

Luka 13:15

Nĩkwa Omukama mwamũsũbĩrya ati, Ĩnywe batebya! Obuli mundu kwĩnywe sialihangula ende yiwe kutse epunda yiwe eyiri omo nyũmba, nʼerĩnywĩsyayo oko kiro kyʼeSabato kwehĩ?

Luka 20:46

Mũyĩtegaye busana nʼabakangĩrĩrya bʼEmigambo abanzĩre erirendera ibanambite esyokanzu syabo nyiri-nyiri, ĩbanzĩre erĩkerĩbwa omo hitale, ibakayisoga ebĩtũmbĩ byʼembere omo manyũmba wʼerĩhĩndanamo, nʼahʼerĩsĩkĩbwa omwʼirya ĩnene.

Luka 6:24

Nĩkwa obũlĩge kwĩnywe abateke, kusangwa mwabĩrĩkala mbolere!

Luka 6:42

Kutse wangatoka eribwira mũlĩkyenyũ uti kwehĩ? Uti, Mũlĩkyetu, uleke nyilole akati akali omo lĩso lyawe, nawe isulilangira ekĩtĩka ekiri omo lĩso lyawe. Uwe mũtebya, Ũtsũke erilola ekĩtĩka ekiri omo lĩso lyawe, neryo wasyalangira ndeke erilola akati akali omo lĩso lya mũlĩkyenyũ.

Yoane 13:29

Abandi baganĩraya bati kusangwa Yũda abya nʼengunza yʼesyofranka, Yesu mwamubwira ati, agule ebindu ebitutolere busana nʼeBiro Bikulu; kutse ahe ekindu oko bera.

Yoane 5:41

Sindisonda eripipwa nʼabandu.

Yoane 5:44

Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

Yoane 7:18

Omundu oyũ akabũga ebiwe, akasonda eripipa liwe; nĩkwa Oyukasonda eripipa lyʼoyo wamutuma, iye ni kwenene, kandi sihali ekitatunganene omwisi wuwe.

Emibiri 10:2

Abya mundu wʼeKisomo, oyo wabya akaramya Nyamuhanga, iye nʼenyũmba yiwe yosĩ. Kandi mwabya akaha ebindu byʼoko bera bʼAbayũda, kandi abya akasaba Nyamuhanga emigulu yosĩ.

Emibiri 10:31

ati, Kornelĩo! Nyamuhanga abĩrĩowa erisaba lyawe, kandi abiryibuka olũsũnzo lwawe.

Emibiri 10:4

Neryo mwasamalira omũlaĩka oyo nʼeriubaha lĩnene, ati, Mukama, ũtĩkĩ kwehĩ? Neryo omũlaĩka mwamubwira ati, Nyamuhanga abĩrĩrĩga erisaba lyawe, nʼolũsũnzo lwawe, kandi abirikwibuka.

Emibiri 11:29

Neryo obuli mundu wʼoko biga mobayĩsũnza erituma esyofranka ngoko bangatoka busana nʼomũbĩrĩ wʼerĩwatĩkya abalĩkyetu abĩkere eYũdea.

Emibiri 24:17

Na lino enyũma wʼeyindi myaka, monahĩka eYerũsalema erireta olũsũnzo busana nʼekihanda kyetu, nʼerireta amahere.

Emibiri 9:36

Neryo eYopa habya omwiga muguma erĩna liwe iyo Tabĩta, eribindula erĩna liwe omo Kĩgĩrĩkĩ liti, Dorĩka kutse Isaswi. Omũkalĩ oyo abya akasiba erikola emĩbĩrĩ mibuya nʼerĩwatĩkya abera.

AbanyaRoma 12:8

Amatuha erĩsĩkya emitima yʼabandu, tukole tutya. Amatuha erĩhĩtya, tũhĩtaye ndeke. Oyukasondola asondole nʼomũhwa. Oyukaganyira abandi akole atya nʼobutseme.

1 AbanyaKorinto 13:3

Nomo nangabya ngahĩtya ebyosĩ ebyo nyiwite kandi namaha omubiri wage erĩhĩsĩbwa, nĩkwa isingwite olwanzo, sibyenyigasirakĩ.

AbanyaGalatia 2:10

Nĩkwa bati twibuke abera babo, nage nabya nʼomũhwa wʼerikola nyitya.

AbanyaEfeso 4:28

Omwĩbĩ syĩbe kandi, nĩkwa akole omũbĩrĩ owene omo byala biwe, iniatoka eribana akʼerirya kandi iniatoka erĩwatĩkya abera.

1 AbanyaTesalonika 2:6

Motutasonda eripipwa nʼabandu, kutse ĩnywe, kutse abandi, nomo twanabya nʼehamũlĩ ngʼabakwenda ba Kristo.

1 Timoteo 6:18

Kandi uhanebo uti, bakole ebibuya, babye abateke omo mikolere yowene bahĩtaye ndeke, kandi basangire ebindu byabo nʼabandi.

Filemono 1:7

Nabiritsema kutsibu busana nʼolwanzo lwawe, kandi lwabĩrĩnyĩkĩranĩa. Kandi mũlĩkyetu, wabĩrĩsũnga-sũnga emitima yʼabandu ba Nyamuhanga.

AbaEbrania 13:16

Simwibirirawe erikola ebibuya nʼerĩwatĩkanĩa, kusangwa ebĩ biri ngʼamahere awakatsemesaya Nyamuhanga.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

1 Samwelĩ 15:30

Neryo Saũlo mwabũga ati, Namabĩhalya, nĩkwa kĩsĩ-kĩsĩ lino, ũnyĩsĩkaye embere syʼabakulu bʼomo bandu bage, nʼembere syʼAbaĩsraelĩ, uswesuba haguma nage, inatoka erĩramya Omwami Mukulu ye Nyamuhanga wawe.