Matayo 5:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Obutseme buli oko basĩ ko bali nʼobwaga bwa Nyamuhanga, Kusangwa Obwami bwʼelubula ni bwabo!

Nouveau Testament et Psaumes en Ndandi Version 1962

³ Omuyisa ari nabera omo kirimu, kusangwa obwami bwelubula ni bwabo.

Matayo 5:3 Iomraidhean Croise

2 Emyatsi yʼEmigulu 33:12

Nʼomugulu abya omo bũlĩge, mwalakira Omwami Mukulu Nyamuhanga wuwe, mwayĩkehya kutsibu embere sya Nyamuhanga wʼabotata buwe.

2 Emyatsi yʼEmigulu 33:19

Nʼerisaba liwe nibya, kandi ngoko Nyamuhanga amũlĩgĩra erĩmowa, nʼebibi biwe byosĩ, nʼerilegula liwe, nʼaho ahĩmba ahendata, nʼerisingika esyosanamu sya Asera, nʼesindi sanamu esĩbatsĩre, emuliro wʼerĩyĩkehya liwe, lebaya bĩsakĩre omo myatsi ya Hozaĩ.

2 Emyatsi yʼEmigulu 33:23

Mwatayĩkehya embere syʼOmwami Mukulu, ngoko tata wuwe Manase ayĩkehaya; nĩkwa Amonĩ mwakanyĩrĩrya ebibi biwe.

2 Emyatsi yʼEmigulu 34:27

kusangwa omutima wawe abya olobĩre, nawe wabĩrĩyĩkehya embere sya Nyamuhanga, omugulu wowa ebĩnywa biwe busana na hano, na busana nʼesyondũlanĩ syʼaho, kandi wabĩrĩyĩkehya embere syage, nʼeritulanga esyongimba syawe, nʼeririra embere syage; Omwami Mukulu ati, Nabĩrĩkowa kwenene.

2 Emyatsi yʼEmigulu 7:14

abandu bage abakahulawa omo lĩna lyage, bamayĩkehya, nʼerĩsaba, nʼerĩsonda-sondya obũsũ bwage, nʼeribinduka oko syonzira syabo nyibi; neryo omo lubula, nasyowa nʼeribuyira ebibi byabo, nʼerĩlamya ekihugo kyabo.

Yobũ 42:6

Busana nʼekyo namaleka ebyosĩ ebyo; Namayiswekera omo lũtũtũ nʼomwʼĩbũ.

Esyonyimbo 1:1

Obutseme buli nʼomundu Oyukagana erihana lyʼabandu babi, Kandi oyutekwama emigendere yʼabakola-nabi, Kutse erisiba nʼabandu abakasekereraya Nyamuhanga.

Esyonyimbo 112:1

Mupipe Omwami Mukulu! Obutseme buli oko mundu oyukubaha Omwami Mukulu, Oyukatsema erikenga amahano wuwe.

Esyonyimbo 128:1

Obutseme buli nʼabo bakubaha Omwami Mukulu, Abakakwama ebihano biwe!

Esyonyimbo 146:5

Obutseme buli nʼomundu oyuwite Nyamuhanga wa Yakobo erĩmũwatĩkya, Oyukayiketera Omwami Mukulu Nyamuhanga wuwe,

Esyonyimbo 2:12

Mũname embere syʼOmugala, Akasyahitana, nenyũ imwahola, Kusangwa erihitana liwe likaka lũba. Obutseme buli oko bosĩ abakamusagirako.

Esyonyimbo 34:18

Omwami Mukulu ali hakũhĩ nʼabʼemitima ĩbũnangĩkĩre, Akalamaya abatawite amaha.

Esyonyimbo 41:1

Obutseme buli oko mundu oyukatsomana Omuhanya; Omwami Mukulu asyamũwatĩkya oko kiro kyʼobũlĩge.

Esyonyimbo 51:17

Amahere wage, Nyamuhanga, nĩ kĩrĩmũ ekĩkowa; Uwe Nyamuhanga, siwendigana omutima owakowa nʼowʼerikenga.

Esyonyimbo 84:12

Uwe Mwami Mukulu Nyamuhanga Wʼemilondo; Abakayiketera we ni bʼobutseme!

Emĩsyo 16:19

Ekĩrĩmũ kyʼeriyibombeka haguma nʼabera, kyowene, Kwilaba erigaba ebyahũngawa haguma nʼabakayipipa.

Emĩsyo 29:23

Eriyipipa lyʼomundu lyasyamũkehya; Nĩkwa owʼekĩrĩmũ kĩyĩbombekĩre asyabana erĩsĩkya.

Emĩsyo 8:32

Neryo lino, bagala bage, mũnyowe; Kusangwa omũyĩsa ali oko bakategaya esyonzira syage.

Ĩsaya 30:18

Na busana nʼekyo, Omwami Mukulu akasonda eribaganyira. Kandi busana nʼekyo akalinda endata ĩnĩabakwĩra olukogo. Kusangwa Omwami Mukulu ni Nyamuhanga wʼerĩbanza litunganene. Omũyĩsa ali oko bosĩ abakamũkwa olukando.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Ĩsaya 66:2

Kusangwa ebyala byage byo byakola ebĩ byosĩ, nʼebindu ebĩ byosĩ mobyabyaho bitya, Omwami Mukulu atya. Nĩkwa nasyasamalira omundu oyũkayĩkehaya nʼowʼekĩrĩmũ kihehere, nʼoyukatitimana busana nʼekĩnywa kyage.

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Matayo 11:25

Oko mugulu oyo Yesu mwasũbĩrya ati, Ngakupipa uwe Tata, Omukama wʼolubula nʼekihugo! Kandi wabĩrĩbĩsa emyatsi eyĩ oko bʼamenge nʼabʼeriminya, nĩkwa wabĩrĩbĩsũlĩrayo oko bana balere.

Matayo 11:6

Kandi obutseme buli oko yũtehũkahũkaya omutima busana nage!

Matayo 13:16

Nĩkwa obutseme buli oko meso wenyũ, kusangwa mukalangira, nʼobutseme buli oko matwĩ wenyũ, kusangwa mũkowa.

Matayo 19:14

Nĩkwa Yesu mwabũga ati, Muleke abana base kwĩngye. Sĩmũkakĩrayebo, kusangwa Obwami bwʼelubula ni bwʼabandu abali ngʼaba.

Matayo 24:46

Obutseme buli oko mugombe oyo mukama wuwe akamwegaya akakola atya omugulu omukama oyo akahĩka eka.

Matayo 25:34

Neryo Omwami asyabwira abandu abali oko byala biwe byʼamali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okwʼihangika lyʼekihugo.

Matayo 3:2

Mubindule emitima yenyũ erireka ebibi, kusangwa obwami bwʼelubula buli hakũhĩ!

Matayo 8:11

Kandi ngababwira nyiti, abangi basyalũa eyo eryuba likahulukira nʼeyo eryuba likalengera, basyĩkala oko mesa haguma na Abrahamũ, na Ĩsaka, na Yakobo, omo Bwami bwʼelubula.

Mariko 10:14

Nĩkwa omugulu Yesu alangira ebyo, mwahitana neryo mwabwira abiga buwe ati, Muleke abana balere base kwĩngye! Sĩmũkakĩrayebo, kusangwa Obwami bwa Nyamuhanga ni bwʼabali ngʼaba.

Luka 11:28

Nĩkwa Yesu mwamũsũbĩrya ati, Ko bite bitya, nĩkwa obutseme buli oko bakowa ekĩnywa kya Nyamuhanga nʼerikolakyo.

Luka 18:14

Neryo Yesu mwabũga ati, Ngababwira nyiti, omundu oyo mwakĩmĩra ewuwe iniamabitunganana kwilaba ogundi oyo, Kusangwa obuli mundu oyũkayĩhamaya, asyakehĩbwa. Nĩkwa oyũkayĩkehaya, asyahamĩbwa.

Luka 22:29

Kandi ngoko Tata wage abirimba obwami, nage ngabaha

Luka 22:30

erirya nʼerĩpũlya oko mesa yage omo bwami bwage. Mwasyĩkala oko bĩtũmbĩ byʼobwami eritswera ebihanda ĩkũmĩ nʼebibiri bya Ĩsraelĩ.

Luka 4:18

Omũlĩmũ wʼOmukama ali kwĩngye, Kusangwa abĩrĩnyĩhakabya erĩtũla Engulu Yowene yʼoko bera, Abirinyituma erĩtũlĩra obwĩranda oko banyegawa, Nʼeriswaha erilangira oko syondĩmatĩme, Eribohola abakanũbĩbawa,

Yoane 20:29

Yesu mwamubwira ati, Wabĩrĩkĩrĩrya kusangwa wabirinyilolako kwehĩ? Obutseme buli oko bakanyĩkĩrĩraya bate banyilolako.

Eryibuka Ebihano 8:2

Kandi mwasyibuka enzira yosĩ eyo Mwami Mukulu Nyamuhanga wenyũ abasondolamo emyaka yosĩ eyo amakũmĩ ani omo mbwarara, iniatoka erĩbakehya, nʼeribalengako, eriminya ekyabya omo mutima wenyũ, nga mwasyateya ebihano biwe kutse iyihi.

Yakobo 1:10

Nʼomundu wʼebindu atseme omugulu akakehĩbawa na Nyamuhanga. Kusangwa abʼebindu basyahwaho ngʼomusanga wʼebiti.

Yakobo 1:12

Obutseme buli nʼomundu oyũkasĩka omwʼirengwako, kusangwa amabitoka erirengwako asyangirira embĩta yʼengebe, eyo Nyamuhanga abirilaga abamwanzĩre.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

Eribisurirwa 19:9

Nʼomũlaĩka mwambwira ati, Usake uti, Obutseme buli nʼabo abakabirikirawa okwʼirya lyʼerĩherũkya lyʼEkyana kyʼEmbũlĩ. Kandi mwabũga nage ati, Ebĩ nĩ bĩnywa byʼekwenene bya Nyamuhanga.

Eribisurirwa 22:14

Obutseme buli ukwʼabo abakeraya esyokanzu syabo ibatoka eribya nʼehamũlĩ oko muti wʼengebe, nʼehamũlĩ yʼerilaba omo syongyo syʼomũyĩ oyo.

Eribisurirwa 3:17

Kusangwa ũkabũga uti, Nyiwite ebindu, nabiribya muteke, sihali ekyo ngabula. Sĩwasĩ kʼuli muhanya, nʼowʼobũlĩge, nʼomwera, nʼendĩma-tĩme nʼendũmbũ.