Matayo 4:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Omũlĩmũ mwasondola Yesu omo mbwarara, eSatanĩ imulengeko.

Nouveau Testament et Psaumes en Ndandi Version 1962

¹ Neryo Yesu mwasondolibwa neKirimu omo mbwarara erilengwako na Satani.

Matayo 4:1 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

1 Abami 18:12

Neryo omugulu namabĩkũsĩga, Omũlĩmũ wʼOmwami Mukulu akandikutwala eyo ndasĩ; neryo omugulu namabiyabwira Ahabũ, naye amatendikubana, asyanyĩta; nĩkwa ĩngye mugombe wawe ngakenga Omwami Mukulu erĩtsũka omo bũlwana bwage.

2 Abami 2:16

Mobamubwira bati, Lebaya lino, hali balume esyombangĩ makũmĩ atanu abali haguma nʼabagombe bawe; kĩsĩ-kĩsĩ uleke bagende bayasondaye omukama wawe; kwamũhwa Omũlĩmũ wʼOmwami Mukulu abirimusumba, nʼerimugusa oko kitwa, kutse omo musya. Naye mwabũga ati, simusyetumabo.

Ezekĩelĩ 11:1

Kandi Omũlĩmũ mwanyisumba erinyireta oko lũkyo lwʼoluhande lwʼendata lwʼenyũmba yʼOmwami Mukulu, olũlolĩre oko luhande lwʼendata. Neryo lebaya, oko bwingiro bwʼolũkyo, habya abandu makũmĩ abiri nʼabatanu. Nʼomo katĩkatĩ kabo monalangira Yazanĩa mugala wa Azũrĩ na Pelatĩa mugala wa Benaya, abasondolĩ bʼabandu.

Ezekĩelĩ 11:24

NʼOmũlĩmũ mwanyisumba, mwanyireta omo nzolĩ busana nʼOmũlĩmũ wa Nyamuhanga erĩhĩka eKaldea ukwʼabo banyegawa. Neryo esyonzolĩ nalangira mosyanyĩlũako.

Ezekĩelĩ 3:12

Neryo Omũlĩmũ mwanyisumba, nage monowa enyũma wage omulenge wʼerihuha ĩnene ati, Mupipe olukengerwa lwʼOmwami Mukulu ewuwe.

Ezekĩelĩ 3:14

Neryo Omũlĩmũ mwanyisumba nʼerinyitwala ehandi. Nage monagenda omo bukali, nʼerĩhũka-hũka lyʼekĩrĩmũ kyage, nʼebyala byʼOmwami Mukulu mobyanyikalako nʼamaka.

Ezekĩelĩ 40:2

Omo syonzolĩ sya Nyamuhanga mwanyireta omo kihugo kya Ĩsraelĩ, mwanyĩhĩra oko kitwa kiri-kiri kutsibu. Nʼoko kitwa ekyo ebwanga bwʼeluhande lwʼeyĩkwa habya enyũmba ngʼomũyĩ.

Ezekĩelĩ 43:5

NʼOmũlĩmũ mwanyisumba nʼerinyireta omo kibuga kyʼomwisi. Neryo lebaya, olukengerwa lwʼOmwami Mukulu molũsũlya enyũmba.

Ezekĩelĩ 8:3

Neryo mwakakya ekĩsosĩre ebyala, neryo mwambamba omwʼisunzu omo mutwe wage. NʼOmũlĩmũ mwanyisumba endata omo katĩkatĩ kʼekihugo nʼolubula, mwanyireta omo nzolĩ sya Nyamuhanga aho eYerũsalema, oko lũyĩ lwʼobwingiriro bʼolũkyo lwʼekibuga kyʼomwisi ekĩlolĩre elutambi lwʼendata, ahabya ekĩtũmbĩ kyʼesanamu eyikaleta obũha.

Yoane 14:30

Sindiendĩsyabũga nenyũ kandi bingi, kusangwa omũtabalĩ wʼekihugo akahĩka, kandi siawite ehamũlĩ ũkwʼĩngye.

Emibiri 8:39

Neryo omugulu balũa omo magetsi, Omũlĩmũ wʼomukama mwabakula Fĩlĩpo, nʼomukulu oyo mwataswamulolako, nĩkwa mwaya omo lugendo luwe ĩnĩatsemĩre ndeke.

AbanyaRoma 8:14

Kusangwa abosĩ abakasondolawa nʼOmũlĩmũ wa Nyamuhanga bo bagala ba Nyamuhanga.

AbaEbrania 2:18

Kusangwa iye abiriagalwa omwʼirengwako, akatoka erĩwatĩkya abakalenga wako.

Yakobo 1:14

Nĩkwa obuli mundu akalengawako omugulu akakurawa nʼerihekwa nʼesyongumbu siwe nyibi.