Matayo 3:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Mobakangya ebibi byabo, neryo Yoane mwabatĩsyabo omo lũsĩ lwʼeYorodanĩ.

Nouveau Testament et Psaumes en Ndandi Version 1962

⁶ mobabatisibwa naye omo lusi lwaYorodani, ibanemokangya ebibi byabo.

Matayo 3:6 Iomraidhean Croise

Ezera 10:1

Neryo omugulu Ezera abya akasaba nʼeritsira ebibi, iniakalira nʼeriyigusanga ahisi embere wʼenyũmba ya Nyamuhanga, endeko nene kutsibu moyahĩndana aho ali erĩlũa omo Baĩsraelĩ, abalume nʼabakalĩ nʼabana; kusangwa abandu mobalira kutsibu.

Esyonyimbo 32:5

Neryo monakũkangya ebibi byage, Mondabĩsa erikola nabi lyage. Monabũga nyiti, Ngandĩkangya Omwami Mukulu amalolo wage; Nawe mowabuyira embuga yʼebibi byage.

Emĩsyo 28:13

Oyũkakũnĩngĩra ebibi biwe siendĩsyowana; Nĩkwa oyũkakangayabyo nʼerirekabyo asyabana eriganyirwa.

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Danĩelĩ 9:4

Neryo monasaba Omwami Mukulu Nyamuhanga wage, monakanganĩa, nyiti, Ĩyoo, Uwe Mukama, Nyamuhanga Mukulu nʼowʼerĩũbahya, oyũkategaya endagano yiwe, nʼobubuya buwe bʼolwanzo ukwʼabo abamwanzĩre nʼabakategaya ebihano biwe,

Abalawĩ 16:21

Na Harũnĩ asyahĩra ebyala biwe bibiri oko mutwe wʼembene eyiriho, nʼeribikulira kuyo kwʼebibi byosĩ byʼabana ba Ĩsraelĩ, nʼamalolo wabo, nʼebibi byabo byosĩ; neryo asyahĩrabyo oko mutwe wʼembene, nʼerĩlolyayo omo mbwarara, omo byala byʼomundu oyũsĩkĩre aho.

Abalawĩ 26:40

Nabo bamakangya ebibi byabo, nʼebibi byʼabotata wabo, omwʼĩhalya lyabo eryo banyĩhalayako, kandi nibya kusangwa mobalwa nage.

Emiganzo 5:7

neryo asyakangya erĩlolo liwe eryo abirikola; kandi asyaliha ndeke busana nʼebibi biwe ebyosĩ, kandi asyatomeka kubyo ekihande kiguma kyʼomo bitanu kyabyo, nʼerihakyo oyo alyahalayako.

Matayo 3:11

Nĩkwa ĩngye ngababatĩsaya omo magetsi erĩkangya ngoko mwabiribindula emitima yenyũ erireka ebibi; nĩkwa oyukandisyasa enyũma kwĩngye asyababatĩsya omo Mũlĩmũ Abũyĩrĩre nʼomo muliro. Kandi anyĩrengĩrye maka, nage sinyitolere erimuhekera esyongendero siwe.

Mariko 1:5

Neryo abandu bosĩ bʼekihugo kyʼeYũdea, nʼabʼomũyĩ wʼeYerũsalema mobahĩka uku Yoane. Mobakangya ebibi byabo, neryo Yoane mwabatĩsyabo omo lũsĩ lwʼeYorodanĩ.

Luka 1:16

Kandi abandu bangi ba Ĩsraelĩ asyasũbyabo oko Mukama Nyamuhanga wabo.

Luka 3:16

Yoane mwabwirabo ati, Ngababatĩsaya omo magetsi, nĩkwa oyukasa anyĩrengĩrye amaka, nage sinyitolere erĩkũndũla emikoba yʼoko ngendero siwe. Iye asyababatĩsya omo Mũlĩmũ Abũyĩrĩre nʼomo muliro.

Emibiri 1:5

Kusangwa Yoane mwabatĩsya omo magetsi, nĩkwa ĩnywe mwasyabatĩsĩbwa omo Mũlĩmũ Abũyĩrĩre hate hakya biro bingi.

Emibiri 11:16

Neryo monibuka ekĩnywa Omukama abũga ati, Yoane abatĩsaya omo magetsi, nĩkwa ĩnywe mwasyabatĩsĩbwa omo Mũlĩmũ Abũyĩrĩre.

Emibiri 19:18

Kandi abangi ba kubo abĩkĩrĩraya mobasa nʼerĩkangya nʼerĩhũlũkya emĩbĩrĩ yabo.

Emibiri 22:16

Na lino, ukalinda busana nakĩ kwehĩ? Hangana, ũbatĩsĩbawe, kandi Ulakire erĩna liwe, ebibi byawe byerĩbawe.

1 AbanyaKorinto 10:2

Kandi abosĩ mobabatĩsĩbwa omo kĩtũ nʼomo ngetsi ngʼendeko ya Musa.

AbanyaKolosai 2:12

Kusangwa omwʼĩbatĩsĩbwa lyenyũ momwatabwa haguma na Kristo. Kandi omwʼĩbatĩsĩbwa lyenyũ, mwalũbũkĩbawa haguma na Kristo busana nʼerĩkĩrĩrya lyenyũ omo bũtokĩ bwa Nyamuhanga, obwalũbũkaya Kristo oko luholo.

AbaEbrania 6:2

nʼerĩkangĩrĩrya lyʼerĩbatĩsya mũsĩndo-mũsĩndo, nʼeryʼerĩhĩra kwʼebyala, nʼerĩlũbũka lyʼabaholĩ, nʼeritswera lya kera na kera.

AbaEbrania 9:10

Kusangwa bikahula ebyalya, nʼerĩpũlya nʼeriyikosa mĩsĩndo-mĩsĩndo. Ebĩ ni bihano byʼerikwama erĩhĩka oko mugulu wʼerĩtũngananĩa emyatsi yosĩ.

Yakobo 5:16

Neryo mũkangananaye ebibi byenyũ, nʼerisabirana, imwatoka erĩlamĩbwa. Erisaba lyʼomundu mutunganene likatoka omwatsi munene.

Yosũa 7:19

Neryo Yosũa mwabũga na Akana ati, Mugala wage, kĩsĩ-kĩsĩ, uhe Omwami Mukulu Nyamuhanga wa Ĩsraelĩ yʼolukengerwa, kandi umubikulire; kandi umbwire ekyo uliakola lino; sũnyĩbĩsĩkyo.

1 Petero 3:21

Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.

1 Yoane 1:9

Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu nʼerĩtwerya kwʼekitatunganene kyetu kyosĩ.