Matayo 3:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mubindule emitima yenyũ erireka ebibi, kusangwa obwami bwʼelubula buli hakũhĩ!

Nouveau Testament et Psaumes en Ndandi Version 1962

² Mubinduke, kusangwa obwami bwelubula buri hakuhi.

Matayo 3:2 Iomraidhean Croise

1 Abami 8:47

nĩkwa bamayĩbũlya omo mitima yabo omo kihugo eyo batwalawa mo banyegwa bati, Twabirikola ebibi, twabirikola ebĩhengemĩre, twabirikola nabi;

Yobũ 39:12

Wasyayiketerayo, uti yasyakũkũlũkĩrya embuto yawe kwehĩ? Nʼerikumira engano yʼomwʼĩhũmbĩro lyawe kwehĩ?

Yobũ 42:6

Busana nʼekyo namaleka ebyosĩ ebyo; Namayiswekera omo lũtũtũ nʼomwʼĩbũ.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Matayo 10:7

Nʼomugulu mukagenda, mũtũlego muti, Obwami bwʼelubula buli hakũhĩ.

Matayo 11:20

Neryo Yesu mwatsũka erihayira emĩyĩ eyo akolera mwʼebitiko-tiko biwe bingi, kusangwa mobatabindula emitima erireka ebibi.

Matayo 12:41

Oko kiro kyʼeritswera, abandu bʼeNĩnawe basyahangana haguma nʼabandu bʼolulengo luno nʼerĩsĩngabo, kusangwa mobabindula emitima erireka ebibi okwʼĩtũlago lya Yona; neryo lebaya, oyũlengĩre Yona ane hano.

Matayo 13:11

Neryo Yesu mwasũbĩryabo ati, Ĩnywe mwabirihabwa eriminya erĩkũmbo lyʼobwami bwʼelubula, nĩkwa abandi sibetahabwa eriminyalyo.

Matayo 13:24

Kandi Yesu mwabwirabo ogundi mũsyo ati, Obwami bwʼelubula bwangalĩngĩrĩranĩbwa nʼomundu oyo wabiba embuto yowene omwʼirima liwe.

Matayo 13:31

Neryo Yesu mwabwirabo ogundi mũsyo ati, Obwami bwʼelubula busosene nʼembuto yʼeharadalĩ eyo mundu ĩmaya nʼeribibayo omwʼirima liwe.

Matayo 13:33

Yesu mwatwĩrabo ogundi mũsyo ati, Obwami bwʼelubula bũsosĩre ekĩhamya. Omũkalĩ mwĩmyakyo, mwabĩsakyo omo hĩrengĩ hisatu hyʼeyĩsyano, nʼeyosĩ moyahama.

Matayo 13:47

Kandi Obwami bwʼelubula bulingene nʼekĩsohĩ ekyagusawa omo ngetsi, mokyahĩndanĩa emĩsĩndo yosĩ yʼamahere.

Matayo 13:52

Neryo Yesu mwabwirabo ati, Neryo obuli mũkangĩrĩrya wʼEmigambo oyo wabiribya mwiga wʼobwami bwʼelubula ali ngʼomwenye nyũmba, oyũkahũlũkaya ebindu ebyo abika, ebindu bihya-bihya nʼebindu bikulu-kulu.

Matayo 18:23

Busana nʼomwatsi oyũ, Obwami bwʼelubula buli ngʼOmwami muguma oyo wabya anzĩre eribuga eriganza lyʼabagombe buwe.

Matayo 20:1

Kusangwa obwami bwʼelubula bulingene nʼomwenye kitaka oyo watsinduka erĩsondya abahĩngĩ busana nʼeririma liwe lyʼebĩnyũ.

Matayo 22:2

Obwami bwʼelubula buli ngʼOmwami oyo wakokotaya erirya lyʼerĩherũkya busana nʼomugala wuwe.

Matayo 23:13

Nĩkwa obũlĩge kwĩnywe, abakangĩrĩrya bʼEmigambo nʼAbafarĩsayo, abatebya! Kusangwa mukakingira Obwami bwʼelubula bwʼabandu, kusangwa nenyũ simuliingiramo, kandi sĩmwerĩga bandu abakasonda eriingira, eriyamo. [

Matayo 25:1

Oko mugulu oyo Obwami bwʼelubula bwasyalingana nʼabana-bato ĩkũmĩ, abaheka esyotala syabo, nʼerĩyahĩndana nʼĩba wʼomũherũkĩ.

Matayo 25:14

Kusangwa liri ngʼomundu oyo wagenda oko lugendo lwʼekindi kihugo, neryo mwabirikira abagombe buwe, mwasĩgĩra bʼebindu biwe.

Matayo 4:17

Erĩtsũka oko mugulu oyo Yesu mwatsũka erĩtũlaganĩa ati, Mubindule emitima yenyũ erireka ebibi, kusangwa obwami bwʼelubula buli hakũhĩ!

Matayo 4:23

Kandi Yesu mwatĩmba eGalĩlaya hosĩ, erĩkangĩrĩrya omo manyũmba wabo wʼerĩhĩndanamo, nʼerĩtũlaganĩa Engulu Yowene yʼobwami, nʼerĩlamya abandu bʼobuli mũsĩndo wʼendwala, nʼobuli mũsĩndo wʼobũkonĩ omo katĩkatĩ kʼabandu.

Matayo 5:10

Obutseme buli oko babĩrĩendererĩbwa busana nʼeritunganene, Kusangwa Obwami bwʼelubula ni bwabo!

Matayo 5:3

Obutseme buli oko basĩ ko bali nʼobwaga bwa Nyamuhanga, Kusangwa Obwami bwʼelubula ni bwabo!

Matayo 6:10

Obwami bwawe bwase. Erisonda lyawe liyirawe, Omo kihugo ngoko liri omo lubula.

Matayo 6:33

Nĩkwa mũtsũke erisonda Obwami bwa Nyamuhanga nʼeritunganene riwe, naye asyabaha ebindu byosĩ ebĩ.

Mariko 1:15

Ati, Omugulu abiribererera, nʼobwami bwa Nyamuhanga buli hakũhĩ! Mubinduke, erireka ebibi byenyũ, mwĩkĩrĩraye Engulu Yowene.

Mariko 1:4

Yoane Mũbatĩsya mwahulukira omo mbwarara, ĩnĩakatũlaganaya omwatsi ati, Mubindule emitima yenyũ erireka ebibi, mũbatĩsĩbawe, Nyamuhanga ababuyire ebibi byenyũ.

Mariko 6:12

Neryo mobayatũlaganĩa bati abandu babindule emitima yabo erireka ebibi byabo.

Luka 1:16

Kandi abandu bangi ba Ĩsraelĩ asyasũbyabo oko Mukama Nyamuhanga wabo.

Luka 11:20

Nĩkwa ĩngye ngahigira esyombĩnga syʼeyĩhya omo maka wa Nyamuhanga, kundi obwami bwa Nyamuhanga bwabĩrĩbahĩkako.

Luka 13:3

Ngababwira nyiti, Iyihi! Nĩkwa nenyũ, mwamatendibindula emitima yenyũ erireka ebibi, ĩnywe bosĩ mwasyahera ngoko banahera batya.

Luka 13:5

Ngababwira nyiti, Iyihi! Nĩkwa mwamatendibindula emitima yenyũ erireka ebibi, ĩnywe bosĩ mwasyahera ngoko banahera batya.

Luka 15:10

Ngababwira nyiti litya hali obutseme haguma nʼabamalaĩka ba Nyamuhanga busana nʼomukola-nabi muguma oyukabindula omutima nʼerireka ebibi.

Luka 15:7

Ngababwira nyiti, Litya obutseme bunene bwasyabya elubula busana nʼomukola-nabi muguma oyukabindula omutima nʼerireka ebibi kwilaba obutseme busana nʼabandu batunganene amakũmĩ mwenda nʼomwenda abate nʼobwaga bwʼeribindula emitima nʼerireka ebibi.

Luka 16:30

Neryo omundu wʼebindu mwasũbĩrya ati, Iyihi, tata wage Abrahamũ! Nĩkwa omundu amahĩka kubo akalũa oko baholĩ, basyabindula emitima erireka ebibi.

Luka 21:31

Litya nenyũ, omugulu mukalangira emyatsi eyĩ ĩkahĩka muminye kʼobwami bwa Nyamuhanga buli hakũhĩ nʼerĩhĩka.

Luka 24:47

Kandi kiti, Omo lĩna liwe omwatsi wʼeribindula omutima nʼerireka ebibi, nʼeribuyira lyʼebibi litolere ĩbyatũlaganĩbwa oko bihanda byosĩ, erĩtsũka eYerũsalema.

Luka 6:20

Nʼerisamalira abiga buwe, Yesu mwatsũka erĩbũga ati, Obutseme buli nenyũ ĩnywe bera, Kusangwa obwami bwa Nyamuhanga nĩ bwenyũ!

Luka 9:2

Neryo mwatumabo erĩtũla omwatsi wʼobwami bwa Nyamuhanga nʼerĩlamya abakonĩ.

Emibiri 11:18

Neryo babere bowa ebyo, mobabya bũkũtũ, mobapipa Nyamuhanga bati, Kwesĩ, Nyamuhanga abiriha oko Bihanda nibya eribindula omutima nʼeribana engebe.

Emibiri 17:30

Nyamuhanga abĩrĩkĩrũkya ameso oko migulu eyo bandu bataminya, nĩkwa lino akahana bandu bosĩ, ehosĩ, bangabindula emitima yabo erireka ebibi.

Emibiri 2:38

Petero mwabwirabo ati, Mubindule emitima yenyũ, muleke ebibi, kandi obuli mundu abatĩsĩbawe omo lĩna lya Yesu Kristo busana nʼeribuyirwa lyʼebibi byenyũ, neryo mwasyabana olũsũnzo lwa Nyamuhanga yo Mũlĩmũ Abũyĩrĩre.

Emibiri 20:21

Monabwira Abayũda nʼAbagĩrĩkĩ bo ndeke nyiti babindule emitima yabo baleke ebibi byabo, babindukire Nyamuhanga nʼerĩkĩrĩrya Omukama wetu Yesu Kristo.

Emibiri 26:20

Nĩkwa monatsũka erĩkangĩrĩrya bandu bʼeDamasĩkĩ, nʼabandu bʼeYerũsalema, nʼomo kihugo kyosĩ kyʼeYũdea, nʼoko Bihanda, nyiti babindule emitima yabo balũe kwʼebibi, babindukire Nyamuhanga, kandi bakole emĩbĩrĩ eyo eyĩkakangaya eribinduka lyabo.

Emibiri 3:19

Neryo ĩnywe mubindule emitima yenyũ mulolaye eyiri Nyamuhanga, ebibi byenyũ bisangulawe,

2 AbanyaKorinto 7:10

Kusangwa obũlĩge obo Nyamuhanga akalĩga busana netu bukaleta eribindula omutima, nʼeribana erilama eritawite eriswatsomana. Nĩkwa obũlĩge bwʼekihugo bukaleta oluholo.

AbanyaKolosai 1:13

Kusangwa mwatusabula oko hamũlĩ yʼobwami bwʼomwĩrĩmya nʼerĩtũhũmĩrya omo bwami bwʼomugala wuwe mwanze.

2 Timoteo 2:25

Kandi ahehere omugulu akakunga abakalwa naye. Mbino Nyamuhanga asyahabo eribindula emitima yabo erireka ebibi, nʼeriminya omwatsi wʼekwenene.

AbaEbrania 6:1

Neryo tugende embere omo myatsi eyĩhĩkene, tũsĩganaye erĩkangĩrĩrya lyʼerĩtsũka lyʼengulu ya Kristo. Situsibe omo myatsi eyĩ yʼekibanza: eribinduka nʼerireka ebibi byʼemĩbĩrĩ yʼobusa, nʼerĩkĩrĩrya uku Nyamuhanga,

2 Petero 3:9

Nĩkwa Omukama sialiamala busana nʼerilaga liwe ngʼabandi ko bakaganĩraya. Nĩkwa akayitsingirira busana nenyũ, ĩsĩanzĩre omundu nʼomuguma akahera, nĩkwa anzĩre abandu bosĩ ibabindula emitima yabo nʼerireka ebibi.

Eribisurirwa 2:21

Nabirimuha omugulu wʼeribinduka nʼerireka ebibi biwe, nĩkwa sĩanzĩre eribinduka erireka erĩsĩngĩra liwe.

Eribisurirwa 2:5

Wibuke aho watogera! Ubindule omutima, uleke ebibi byawe, Ukole ngoko wabya ukakola erĩmbere. Bite bitya, nasyakũhĩkako, ĩnalũsya omutagala wawe wʼaho wago, wamatindabindula omutima wawe nʼerireka ebibi byawe.