Matayo 24:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo Yesu mwasũbĩryabo ati, Simuleke mundu akabatalya.

Nouveau Testament et Psaumes en Ndandi Version 1962

⁴ Yesu mwa subiryabo ati, Muyitegaye sihabye mundu ukabatalaya.

Matayo 24:4 Iomraidhean Croise

Yeremĩa 29:8

Kusangwa Omwami Mukulu wʼemilondo, Nyamuhanga wa Ĩsraelĩ, akabũga ati, Simuleke abamĩnyererĩ benyũ abali omo katĩkatĩ kenyũ, nʼabalagũlĩ benyũ eribateba. Kutse simuhulikirire erilota eryo bakalota.

Yeremĩa 37:9

Omwami Mukulu ati, Sĩmũyĩtebaye muti, Abakaldea basyatũlũako, kusangwa sibendisyagenda.

Mariko 13:22

Kusangwa Abokristo bʼamabehĩ nʼabamĩnyererĩ bʼamabehĩ basyahuluka. Basyakangya ebĩmĩnyĩsyo nʼebyʼeriswekera busana nʼerĩtalya abayisogawa ba Nyamuhanga, kyamatokekana.

Luka 21:8

Yesu mwabũga ati, Mũtegaye, sĩbabatalaye! Kusangwa bandu bangi basyasa omo lĩna lyage bati, Ĩngye indi ye! Kandi omugulu oyo abĩrĩhĩka! Nĩkwa isimwasyakwamabo.

AbanyaGalatia 6:3

Omundu amayitendera ngʼomundu, kwesĩ si mundu, ĩnĩakayĩtebaya.

AbanyaEfeso 4:14

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo.

AbanyaEfeso 5:6

Simuleke omundu nʼomuguma erĩbatebya omo bĩnywa byʼobusa. Kusangwa busana nʼemyatsi eyĩ erihitana lya Nyamuhanga lyasyahĩka oko bandu abakayisamambula.

AbanyaKolosai 2:18

Simuleke omundu eribatswera nʼeribateba ati abirilota esyonzolĩ, kutse oyo wanzĩre erĩyĩkehya, nʼerĩramya abamalaĩka. Omundu oyũ akayĩhamaya buyira busana nʼobũlengekanĩa buwe.

AbanyaKolosai 2:8

Mũtegaye, Sihabye mundu oyukabanyega omo menge wʼabandu nʼeriteba buyira erĩkalũa oko mitsye yʼabandu, nʼoko myatsi yʼebĩrĩmũ ebikatabala oko bihugo, eyĩtalũa uku Kristo.

2 AbanyaTesalonika 2:3

Simuleke mundu akabatebya omo mwatsi nʼomuguma. Kusangwa Ekiro ekyo sikyendisyasa eripona nʼerisuba enyũma bite byahĩka, nʼomubi Oyo ate abutuka, oyo wasyaherĩbwa.

1 Yoane 4:1

Abanze betu, sĩmwĩkĩrĩraye obuli kĩrĩmũ, nĩkwa mulenge oko bĩrĩmũ byʼabandu erĩrebya nga bĩkalũa uku Nyamuhanga; kusangwa abamĩnyererĩ bangi bʼamabehĩ babiriyitsatsanga omo kihugo.