Matayo 22:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo mwatuma abagombe buwe eriyabwira bagenĩ bʼerirya ĩnene lyʼerĩherũkya abatumirawako ambu base, nĩkwa mobatanza erĩhĩka.

Nouveau Testament et Psaumes en Ndandi Version 1962

³ mwatuma abagombe buwe eribirikira ababwirawa erisyarya oko byalya beriherukya; nikwa mobagana eriasa.

Matayo 22:3 Iomraidhean Croise

Esyonyimbo 68:11

Omukama mwahamula omwatsi, Neryo abakalĩ bangi mobatũla engulu eyo.

Ĩsaya 30:15

Kusangwa Omukama Omwami Mukulu, Oyũbũyĩrĩre wa Ĩsraelĩ abĩrĩbũga ati, Omwʼibinduka nʼerireka ebibi, nʼeriluhuka mwasyalamĩbwa. Omwʼiyibombeka nʼeriyiketera ni maka wenyũ. Nĩkwa momũtalĩga.

Yeremĩa 25:4

Kandi Omwami Mukulu abiribatumako abagombe buwe bosĩ abamĩnyererĩ, eribuka omo tũtũtũ nʼeritumabo, nĩkwa ĩnywe momutahulikirira kutse eritega amatwĩ erĩowa,

Yeremĩa 35:15

Kandi nabiribatumira abagombe bage bosĩ abamĩnyererĩ, eritumabo kandi nʼakandi nyiti, Lino musubule obuli mundu alũe omo nzira nyibi yiwe, mũtũngananaye emĩbĩrĩ yenyũ, kandi simukwame esindi nyamuhanga erĩramyasyo, neryo mwasyĩkala omo kihugo ekyo nabiribaha nʼabotata-kulu wenyũ. Nĩkwa momutatega amatwĩ wenyũ, kutse erimbulikirira.

Hosea 11:2

Omugulu abamĩnyererĩ babirikirabo kutsibu, mobalenga kutsibu erĩlũa kubo; mobahongera Baalĩ, mobahĩsya obukwa busana nʼesyosanamu.

Hosea 11:7

Nʼabandu bage abahatikene erĩnyĩlũako; nomo abamĩnyererĩ bangabirikirabo oko yuli endata, sihali oyũkamũhamaya.

Zefania 1:7

Uhune embere syʼOmukama, Omwami Mukulu; kusangwa ekiro kyʼOmwami Mukulu kiri hakũhĩ; kusangwa Omwami Mukulu abĩrĩkokotya obuhere, abirihigula abagenĩ buwe.

Matayo 21:34

Omugulu wʼeriera lyʼebĩnyũ abere asonda erĩhĩka, Omwenye kitaka mwatuma bakobe buwe oko balĩmĩ abo eribana oko bĩgũma biwe.

Matayo 23:37

Uwe Yerũsalema, Yerũsalema! Ũkĩta abamĩnyererĩ, nʼerĩĩta omo mabwe abakwenda abo Nyamuhanga akatuma ukʼuwe! Engendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya ehĩpyege hyalyo omo bĩpũpa byalyo. Nĩkwa momutanza!

Matayo 3:2

Mubindule emitima yenyũ erireka ebibi, kusangwa obwami bwʼelubula buli hakũhĩ!

Matayo 9:15

Yesu mwasũbĩryabo ati, Kwʼabĩra bʼĩba wʼomũherũkĩ banganakwa ngitsi omugulu akine haguma nabo kwehĩ? Nĩkwa ebiro byasyasa omugulu ĩba wʼomũherũkĩ asyalũsĩbwa kubo, neryo oko mugulu oyo basyatsira akalyo.

Luka 13:34

Uwe Yerũsalema, Yerũsalema! Ũkĩta abamĩnyererĩ nʼerĩĩtabo omo mabwe abatumawa ukʼuwe! Ngendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya emĩpyege yalyo omo bĩpũpa byalyo, nĩkwa Simwabya mwanzĩre!

Luka 15:28

Nĩkwa mugala wabo oyo mwahitana, mwagana eriya omo nyũmba. Neryo ĩse wuwe mwahuluka mwamulemba-lemba ati ayemo.

Luka 19:27

Nĩkwa, esyonzĩgũ syage esyo, abatabya banzĩre ngatabala kubo, muletebo hano, mwĩtĩrebo hano omo meso wage.

Yoane 5:40

Nĩkwa sĩmũlĩrĩga erĩmbĩkako imwatoka eribana engebe.

Emibiri 13:45

Nĩkwa omugulu Abayũda balangira esyondeko, mobũsũla nʼobũha, mobatsũka erĩyĩhanangya bakagana ebĩnywa Paũlo abũga, kandi mobamutsuma.

AbanyaRoma 10:21

Nĩkwa busana na Ĩsraelĩ ati, Omusibo gosĩ nabirisumba ebyala byage oko bandu abatĩowa nʼabʼomwaga.

AbaEbrania 12:25

Mũlebaye simugane oyũkabũga. Abagana erĩowa oyo wabũga ekĩnywa kya Nyamuhanga oko kihugo, mobatabala. Kwilaba aho netu sitwendisyabala twamagana erĩowa omulenge wʼoyo wʼelubula.

AbaEbrania 9:15

Busana nʼomwatsi oyũ, Yesu nĩ mũsanganĩa wʼendagane nyihya-nyihya. Kusangwa oluholo lwʼomundu lwabĩrĩtongolya abandu abahalaya omo ndagane yʼerĩmbere. Neryo lino ababiribirikirwa na Nyamuhanga bakatoka eribana omũyĩsa Wʼerikota ogo Nyamuhanga alaga.

Eribisurirwa 22:17

Omũlĩmũ, nʼomũherũkĩ, bakabũga bati, Mwase! Nʼoyũkowa akabũga ati, Mwase! Nʼoyũkwĩre enyota ase, nʼoyo wanzĩre, ĩmaye amagetsi wʼengebe butsira erigula.

1 Samwelĩ 9:13

Mwamabĩhĩka omo mũyĩ mũkandĩmweya neryo-neryo, ate ahetukira ahʼendata akayalya; kusangwa bandu sibendirya ate ahĩka, kusangwa akatsumula obuhere; nʼenyũma wʼaho ababirikirawa ibalya. Neryo muhetuke lino; kusangwa mukandimubana lino-lino.