Matayo 1:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ekitabu kyʼesyondengo sya Yesu Kristo, mugala wa Dawĩdĩ, mugala wa Abrahamũ.

Nouveau Testament et Psaumes en Ndandi Version 1962

¹ Ekitabu kyesyondengo sya Yesu Kristo, mugala wa Dawidi, mugala wa Abrahamu.

Matayo 1:1 Iomraidhean Croise

Enzũko 12:3

Nage nasyatsumula abakakutsumula, nʼoyukakutsuma nasyamutsuma. Omwisi syawe ebihanda byosĩ byʼekihugo ĩngye Nyamuhanga nasyatsumulabyo.

Enzũko 2:4

Esĩ ni ndengo syʼolubula nʼekihugo omugulu byahangikawa. Ekiro Omwami Mukulu Nyamuhanga ahangika ekihugo nʼolubula.

Enzũko 22:18

Kandi Nasyatsumula ebihanda byosĩ byʼekihugo kusangwa wabirikenga omulenge wage.

Enzũko 5:1

Ekĩ kye kitabu kyʼesyondengo sya Adamu. Oko kiro Nyamuhanga ahangika omundu, mwamuyira omo kĩsosekanĩo kya Nyamuhanga.

Esyonyimbo 132:11

Omwami Mukulu mowalaga endagane ĩbũyĩrĩre oko mugombe wawe Dawĩdĩ, Kandi sĩwendĩsyatwayo, uti, Nasyahĩra omundu muguma wʼoko lubuto lwawe eribya mwami, Naye asyatabala enyũma wawe.

Esyonyimbo 89:3

Wabĩrĩbũga uti, Nabirilagana nʼomundu oyo nayisoga; Nabirilaga omugombe wage Dawĩdĩ, nyiti,

Esyonyimbo 89:36

Asyabya nʼabitsikulu kera na kera, Kandi nasyateya obwami buwe omugulu eryuba lĩkĩnakoleraya.

Ĩsaya 11:1

Neryo erĩsasa lyasyahuluka omo ndĩna ya Yese, nʼomutahi owakalũa omo mĩrĩhĩ yiwe asyabuta ebĩgũma.

Ĩsaya 53:8

Omwʼĩnũbĩbwa nʼeritswerwa mwatwalwa, kandi busana nʼolulengo luwe, nindi oyo waganĩraya ngoko atwĩrawa erĩlũa oko kihugo kyʼabaliho? Mwaswĩrĩbwa busana nʼamalolo wʼabandu bage.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Yeremĩa 33:26

neryo nasyagana abana ba Yakobo, nʼabana ba Dawĩdĩ omugombe wage, nʼerĩtendĩmya abana babo eritabalira abana ba Abrahamũ, Ĩsaka na Yakobo. Nĩkwa nasyasũbya omũyĩsa wabo, kandi nasyaganyirabo.

Amosĩ 9:11

Oko kiro ekyo nasyasingika enyũmba ya Dawĩdĩ eyatera, nʼeririba ebihundu byayo; nasyahanganĩa ahasambukala, nʼerĩswahĩmbayo ngoko yabya kera;

Zekarĩa 12:8

Oko kiro ekyo, Omwami Mukulu asyalwira esyondũlanĩ syʼeYerũsalema; oyuli molo omo katĩkatĩ kabo oko kiro ekyo asyabya nga Dawĩdĩ; nʼekĩtũnga kya Dawĩdĩ kyasyabya nga Nyamuhanga, ngʼomũlaĩka wʼOmwami Mukulu embere syabo.

Matayo 1:18

Neryo eributwa lya Yesu Kristo ko lyabya litya. Nyĩnya wuwe ye Marĩa mwasĩmolĩbwa na Yosefũ. Nĩkwa Marĩa ate aheruka mwaminyikala kʼobukule bwʼOmũlĩmũ Abũyĩrĩre.

Matayo 1:2

Abrahamũ abya ĩse wa Isaka; na Ĩsaka abya ĩse wa Yakobo; na Yakobo abya ĩse wa Yũda nʼabagala babo.

Matayo 15:22

Neryo mũkalĩ, Omukanana oyo wabya ĩkere omo kihugo ekyo, mwasa uku Yesu, mwabirikira ati, Uwe Mukama, mugala wa Dawĩdĩ, unyiganyire. Mwali wage ali ko mbĩnga ĩkamwagalaya kutsibu.

Matayo 3:16

Neryo Yesu abere abĩbatĩsĩbwa, mwalũa omo magetsi. Neryo olubula molwakingukala busana naye, neryo mwalangira Omũlĩmũ wa Nyamuhanga akandagala ngʼakalĩkũkũ, nʼerĩmwĩkĩrako.

Matayo 9:27

Neryo Yesu abere abĩlũaho, esyondĩmatĩme ĩbĩrĩ mosyamukwama, ibakabirikira kutsibu bati, Utuganyire, uwe Mugala wa Dawĩdĩ!

Luka 1:33

Kandi asyatabalira ekihanda kya Yakobo kera na kera, nʼobwami buwe sibwendisyahwa.

Yoane 7:42

Amasako Sĩalĩtabũga ati, Kristo akalũa oko lubuto lwa Dawĩdĩ, nʼeributirwa eBetelehemũ, omũyi wa Dawĩdĩ abyamo kwehĩ?

Emibiri 2:30

Abya mũmĩnyererĩ, kandi abya asĩ ko Nyamuhanga amulaga endagane. Nyamuhanga mwamũlahĩrya ati akasyahĩra omundu muguma gʼoko bana buwe mo mwami.

AbanyaRoma 1:3

Engulu Yowene eyĩ ni yʼomugala wuwe, Omukama wetu Yesu Kristo. Naye abutawa ngʼomundu omo lubuto lwa Dawĩdĩ.

AbanyaRoma 4:13

Kusangwa Nyamuhanga mwalaga Abrahamũ nʼolubuto luwe ati, Ekihugo kyasyabya kiwe. Erilaga erĩ siryabya busana nʼerikwama Emigambo, nĩkwa kusangwa mwaganzwa mo mutunganene busana nʼerĩkĩrĩrya liwe.

AbanyaRoma 9:5

Ni bana bʼabotata-kulu betu Abrahamũ, Ĩsaka, na Yakobo. Na Kristo oko mubiri ni wʼekihanda kyabo. Iye ni Nyamuhanga ali endata oko bosĩ, apipawe kera na kera. Amina.

AbanyaGalatia 3:16

Neryo. Nyamuhanga mwaha esyondagane siwe uku Abrahamũ nʼoko lubuto luwe. Sĩalĩbũga ati, oko bana buwe, eriahula bangi, nĩkwa akabũga ati, oko lubuto lwawe mundu muguma, iniakahula Kristo.

1 Timoteo 2:5

Kusangwa hali Nyamuhanga muguma, nʼOmũsanganĩa muguma, oyũkasanganaya Nyamuhanga nʼabandu, omundu oyo ni Kristo Yesu,

2 Timoteo 2:8

Wibuke Yesu Kristo, oyo walũbũkĩbawa oko baholĩ, kandi ogʼomo kĩtũnga kya Dawĩdĩ, ngʼEngulu Yowene eyo ngatũla ĩkabũga.

Eribisurirwa 22:16

Ĩngye Yesu nabirituma omũlaĩka wage nʼerĩbatũlĩra emyatsi eyĩ busana nʼesyokanĩsa. Ingye indi Mũlĩhĩ nʼomwana wʼekĩtũnga kya Dawĩdĩ. Ĩngye indi ngũnũnũ eyikaka omo ngyakya-ngyakya.