Malakĩ 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Kandi mwasyalyatangirira ababi ahisi; kusangwa bakandisyabya ngʼerĩbũ omwisi wʼobulyatiro bwʼebisando byenyũ oko kiro ekyo ngategeka, Omwami Mukulu Wʼemilondo atya.

Malakĩ 4:3 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

2 Samwelĩ 22:39

Nabiribugabo ngĩtabo, sibetasyahangana; Ega, syabiriwa omwisi wʼebisando byage.

2 Samwelĩ 22:43

Neryo monatũndũlabo mo hike-hike ngʼolũtũtũ lwʼekitaka, Monahĩndabo nʼeriryatangirirabo ngʼolondo omo syonzira.

Yobũ 40:12

Usamalire obuli mundu oyukayiheka ũmũkehaye ahisi; Kandi ulyatangirire ababi bʼahisi aho bimene.

Esyonyimbo 147:6

Akasumba abakayĩkehaya, Kandi akahĩnolera ababi ahisi oko kitaka.

Esyonyimbo 49:14

Basyahola ngʼesyombũlĩ, Oluholo lwasyabya mũlĩsya wabo. Abatunganene basyakĩndabo omo ngyakya-ngyakya, Nʼemibiri yabo yasyahondera eKũlĩmũ, Ibali hali kwʼeka wabo.

Esyonyimbo 91:13

Wasyalyatanga oko syondale nʼesyonzoka, Wasyalyatanga oko syondale esĩkalĩre nʼesyonzoka esiwite obuti.

Ĩsaya 25:10

Kusangwa ebyala byʼOmwami Mukulu byasyĩkala oko kitwa ekĩ; nʼeMoabũ yasyalyatangirirwa ahisi aho wuwe, ngʼebiti byũmĩre ebikalyatangirirawa ahisi omo magetsi wʼekyabũ.

Ĩsaya 26:6

Ekisando kyasyalyatangirirago ahisi Bye bisando byʼabandu bʼobũlĩge, Nʼeribasula lyʼabandu batawite omũwatĩkya.

Ekiriro 1:15

Omukama abirigana esyombangĩ syage syosĩ. Omo katĩkatĩ ketu. Abiribirikira omugulu ahamula erilwa nage Erĩhĩnolera abalwana bage. Omukama abiriryatanga omumbesa mwali wa Yũda Ngʼomo kikamiro kyʼebĩnyũ.

Ezekĩelĩ 28:18

Busana nʼobungi bwʼebibi byawe, nʼomo butatunganene obwʼeritunda lyawe, mowatsandya ahabũyĩrĩre hawe. Busana nʼekyo, nabĩrĩhũlũkya omuliro erĩlũa omo katĩkatĩ kawe. Abirikubuga, kandi nabirikuhindula mwʼĩbũ oko kihugo omo meso wʼabosĩ abakakusamalira.

Danĩelĩ 7:18

Nĩkwa ababũyĩrĩre bʼOwendata Kutsibu basyangirira obwami, nʼerĩsĩgalya obwami kera na kera, erĩhĩka kera na kera.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Mĩka 5:8

Nʼabasĩgalira uku Yakobo basyabya omo katĩkatĩ kʼebihanda, nʼomo katĩkatĩ kʼabandu bangi, ngʼendale omo katĩkatĩ kʼesyonyama syʼomolĩ, ngʼekyana kyʼendale omo katĩkatĩ kʼebihangulo byʼesyombũlĩ; nayo yamalabamo, ikalyatangirira ahisi, nʼeritulanga-tulanga mo bihande bihande, isihali oyo wangabala.

Mĩka 7:10

Neryo enzĩgũ yage yasyasamalirakyo, nʼesĩsonĩ syasyaswika oyo wambwira ati, Omwami Mukulu, Nyamuhanga wawe, ali hahi kwehĩ? Ameso wage asyasamalira; nayo yasyalyatangirirwa ngʼolondo lwʼenzira.

Zekarĩa 10:5

Nabo basyabya ngʼesyombangĩ, bakalyatangirira ahisi enzĩgũ omo londo lwʼesyonzira omo malwa; kandi basyalwa, kusangwa Omwami Mukulu asyabya haguma nabo; nʼabakagenda oko syosabayĩrĩ basyahemulwa.

Malakĩ 3:17

Omwami Mukulu Wʼemilondo ati, Basyabya bage, oko kiro ekyo nategeka, obũsokĩ bwage; kandi nasyaganyirabo, ngʼomundu kwʼakaganyira mugala wuwe oyukamukolera.

AbanyaRoma 16:20

Kandi Nyamuhanga oyukatuha Obuholo, asyahĩnolera Satanĩ yo lũba omwisi wʼebisando byenyũ. Olukogo lwʼOmukama wetu Yesu lubye nenyũ.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Eribisurirwa 14:20

Neryo ebĩgũma mobyakamirwa omo muhe eyĩhya oko mũyĩ, neryo musasi mwalũa omo muhe wʼebĩnyũ, erĩhĩka oko mikoba yʼesyosabayĩrĩ oko bilometere magana asatu nʼebindi.