Malakĩ 4:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Malakĩ 4:2 Iomraidhean Croise

2 Samwelĩ 23:4

Ali ngʼekyakakala kyʼetũtũtũ, omugulu eryuba likahuluka, Engyakya eyite kwʼebĩtũ, Omugulu ebiti birere birere bikalasa oko kitaka, Ngʼekyakakala ekĩkakoleraya enyũma wʼembũla.

Esyonyimbo 103:3

Akabuyira ebibi byage byosĩ, Akalamaya amakonĩ wage gosĩ;

Esyonyimbo 147:3

Akalamaya ababũnĩkĩre omo mutima, Akasenga-senga ebironda byabo.

Esyonyimbo 61:5

Uwe Nyamuhanga, wabĩrĩowa esyondagane syage, Wabirimba emyatsi eyo yʼabandu abakakũsĩkaya;

Esyonyimbo 67:1

Uwe Nyamuhanga, utuganyire, ututsumule; Utusamalire omo bwenge.

Esyonyimbo 84:11

Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

Esyonyimbo 85:9

Kwenene asĩkĩre erĩlamya abakamukenga, Nʼolukengerwa luwe lũsĩgale omo kihugo kyetu.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Ĩsaya 30:26

Kandi ekyakakala kyʼomukera kyasyabya ngʼekyakakala kyʼeryuba, nʼekyakakala kyʼeryuba kyasyakanya ngendo sirinda, ngʼekyakakala kyʼebiro birinda, oko kiro ekyo Omwami Mukulu asyasenga ebĩhũnze byʼabandu buwe, nʼerĩlamya ebihutale ebyo abirikolabo.

Ĩsaya 35:6

Oko mugulu oyo olugata lwasyatũa ebika ngʼengabi, nʼolulimi lwʼerĩkĩrũ lwasyũta obogo bwʼobutseme, kusangwa omo lukurutsu mwasyabutuka amagetsi, nʼesyonyũsĩ omo mbwarara.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Ĩsaya 53:5

Nĩkwa mwahũtalĩbwa busana nʼamalolo wetu, mwahĩnokala busana nʼebibi byetu. Erisuyirwa lyʼobuholo bwetu molyamubyako, nʼomo mĩbĩbũ yiwe tũkalamĩbawa.

Ĩsaya 9:2

Abandu abakalendera omo mwĩrĩmya basyalangira ekyakakala kinene. Ababya bĩkere omo kihugo kyʼekyũtsũtsũ kyʼoluholo, ekyakakala kyasyakolerya kubo.

Yeremĩa 17:14

Uwe Mwami Mukulu, ũnyĩlamaye, nage nasyalamĩbwa. Ũndamaye nage ĩnalamĩbwa. Kusangwa uli oyo ngapipa.

Yeremĩa 30:17

Omwami Mukulu ati, Nasyakũsũbya kʼomulamo, kandi nasyalamya ebironda byawe, kusangwa babirikwahula mo muguswa, bati: Nĩ Sĩonĩ. Isihali mundu umutsomene.

Yeremĩa 33:6

Lebaya, nasyaleterago erinyagasalala nʼerilama, kandi nasyalamyabo; kandi nasyabĩsũlĩrabo obungi bʼobuholo nʼekwenene.

Ezekĩelĩ 47:12

Nʼahakũhĩ nʼolũsĩ oko mukyingyi walo oko luhande olũ nʼoko luhande lulya, hasyalasa obuli muti busana nʼakalyo. Ebikoma byayo sibyendisyuma, kutse ebĩgũma byayo sibyendisyabula. Yasyahetya ebĩgũma obuli mukera, kusangwa amagetsi waho akasenda akahuluka ahabũyĩrĩre. Nʼebĩgũma byayo byasyabya busana nʼakalyo nʼebikoma byayo byasyabya busana nʼerĩlamya.

Hosea 6:1

Mwase tusube oko Mwami Mukulu; kusangwa abiritutulanga, nĩkwa akandĩtũlamya; abĩrĩswĩrya, naye akandisyatusenga-senga.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Malakĩ 3:16

Neryo ababya bakubaha Omwami Mukulu, mobakanĩa haguma; nʼOmwami Mukulu mwatega amatwĩ mowakyo, nʼekitabu kyʼeryibuka ekyo mokyasakirwa embere siwe busana nʼabandu abakubaha Omwami Mukulu, nʼabakasĩma erĩna liwe.

Matayo 11:5

Esyondĩmatĩme sirimulangira, nʼebirema birimugenda, abahaga bakalamĩbawa nʼabatsiha balĩmowa, nʼabaholĩ banemũlũbũkĩbwa, nʼEngulu Yowene ĩrĩmũtũlaganĩbwa oko bera.

Matayo 23:37

Uwe Yerũsalema, Yerũsalema! Ũkĩta abamĩnyererĩ, nʼerĩĩta omo mabwe abakwenda abo Nyamuhanga akatuma ukʼuwe! Engendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya ehĩpyege hyalyo omo bĩpũpa byalyo. Nĩkwa momutanza!

Luka 1:50

Eriganyira liwe liri oko bosĩ abakamu­baha, Erĩtsũka oko lulengo luguma nʼerĩhĩka oko Sindi.

Luka 1:78

Kusangwa Nyamuhanga wetu ni wʼomutima wʼeriganyira, Lyasyaleka omusakala wʼerilama akalũa endata ĩnĩahĩka erĩtũkolerya.

Luka 2:32

Ekyakakala kyʼerĩkangya enzira yawe oko Bihanda, Nʼeriha olukengerwa oko bandu bawe Ĩsraelĩ.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 1:4

Ekĩnywa ekyo kyabya nʼengebe, nʼengebe eyĩ moyabya kyakakala kyʼabandu.

Yoane 1:8

Yoane siabya ekyakakala ekyo, nĩkwa asa atoke erĩtũla omwatsi wʼekyakakala ekyo.

Yoane 12:40

Nyamuhanga abĩrĩrĩba ameso wabo, Abĩrĩkalya emitima yabo, Ameso wabo syalangire, Nʼemitima yabo siyiminye, Kandi sibabinduke, Nage, ngalamyabo.

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

Yoane 9:4

Tutolere itwakola emĩbĩrĩ yʼoyo wanyituma omugulu bũkĩnalolĩre; obũtũkũ bũkandĩsyĩra, isihali mundu wangatoka erikola.

Emibiri 13:26

Balĩkyetu, abana bʼekĩtũnga kya Abrahamũ, nenyũ abandi mukakenga Nyamuhanga, engulu eyĩ yʼerĩlamya yabiritumwa ũkwʼĩtwe.

Emibiri 13:47

Kusangwa Omukama abirituhana ati, Nabĩrĩkũhĩra eribya kyakakala kyʼEbihanda, Imwaleta omulamo oko kihugo kyosĩ.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

2 AbanyaTesalonika 1:3

Balĩkyetu, litutolere eriha Nyamuhanga ewasĩngya busana nenyũ oko migulu yosĩ! Kandi lyowene itwakola tutya, kusangwa erĩkĩrĩrya lyenyũ linemukula kutsibu, kandi olwanzo lwʼobuli mundu omo katĩkatĩ kenyũ lunemukanyirira busana nʼabandi balĩkyetu bosĩ.

2 Petero 1:19

Busana nʼomwatsi oyũ, tukayiketera ekĩnywa ekyabũgawa nʼabamĩnyererĩ. Nenyũ mutolere imwatsomanakyo ngʼetala eyĩkakoleraya ahali omwĩrĩmya, erĩhĩka okwʼikya lyʼeKiro ekyo, nʼerĩhĩka aho mugulu engũnũnũ yʼengyakya-ngyakya yasyakolerya omo mitima yenyũ.

2 Petero 3:18

Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.

1 Yoane 2:8

Nĩkwa kandi ekihano ekyo ngabasakira ni kihya-kihya, nʼekwenene yakyo ikalolawako omwisi wa Kristo nʼomwisi wenyũ nibya. Kusangwa omwĩrĩmya akalenga, nʼekyakakala kyʼekwenene kĩnemũkolerya.

Eribisurirwa 11:18

Nʼebihanda mobyahitana, Nʼerihitana lyawe molyahĩka, Nʼomugulu mwahĩka owʼeritswera abaholĩ, Kandi omugulu mwahĩka owʼerihemba abagombe bawe abamĩnyererĩ, Nʼabandu bawe bosĩ, abakulu, nʼabake-bake, Nʼabakubaha erĩna lyawe, Kandi omugulu mwahĩka busana nʼerĩtogotya Abandu abakatsandaya ekihugo!

Eribisurirwa 2:28

Kandi nasyamuha engũnũnũ yʼomo ngyakya-ngyakya.

Eribisurirwa 22:16

Ĩngye Yesu nabirituma omũlaĩka wage nʼerĩbatũlĩra emyatsi eyĩ busana nʼesyokanĩsa. Ingye indi Mũlĩhĩ nʼomwana wʼekĩtũnga kya Dawĩdĩ. Ĩngye indi ngũnũnũ eyikaka omo ngyakya-ngyakya.

Eribisurirwa 22:2

kandi olũsĩ lukasenda omo katĩkatĩ kʼenzira yʼomũyĩ. Nʼoko mĩsĩke ĩbĩrĩ yʼolũsĩ olo habya omuti wʼengebe, Owakahetaya ebĩgũma mĩsĩndo ĩkũmĩ nʼĩbĩrĩ. Omuti oyo akahetaya ebĩgũma byago obuli mukera, nʼebikoma byʼomuti oyo nĩ byʼerĩlamya ebihanda.

Rũta 2:12

Omwami Mukulu akuhembe busana nʼomũbĩrĩ wawe, Omwami Mukulu, Nyamuhanga wa Ĩsraelĩ, akulihe ndeke, uwe wabiribana ahʼerisagira omwisi wʼebĩpũpa biwe.