Malakĩ 3:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Naye asyĩkala ngʼomũtũkũrĩ nʼomũtendererya wʼebĩtsĩpa, kandi asyatũkũrya abagala ba Lawĩ, nʼerĩeryabo ngʼesyamagetsi nʼekĩtsĩpa; ibatoka eriha Omwami Mukulu amahere omo litunganene.

Malakĩ 3:3 Iomraidhean Croise

Esyonyimbo 116:17

Ngandikuha obuhere bwʼewasĩngya, Kandi ngandikuletera erisaba lyage, uwe Mwami Mukulu.

Esyonyimbo 4:5

Muhere amahere atunganene oko Mwami Mukulu, Kandi muyiketere ye.

Esyonyimbo 4:6

Ni bangi abakabũga bati, Nindi wa­syatuha omugaso kwehĩ? Uwe, Mwami Mukulu, utusamalire omo bwenge bwawe.

Esyonyimbo 50:14

Eriha ewasĩngya uku Nyamuhanga libye obuhere bwawe, Kandi ulihe Owendata Kutsibu erĩlahĩrya lyawe.

Esyonyimbo 50:23

Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.

Esyonyimbo 51:19

Neryo wasyatsemesĩbwa omo mahere wʼeritunganene, Nʼomo mahere wʼerĩokererya; Kandi esyonume syʼesyonde syasyaherwa oko kiherero kyawe.

Esyonyimbo 66:10

Uwe Nyamuhanga, wabiritulengako; Wabiritulengako ngʼebĩtsĩpa ko bikalenga wa omo muliro.

Emĩsyo 17:3

Enyungu yʼerĩerya ni busana nʼebĩtsĩpa, nʼerĩko ni busana nʼesyamagetsi; Nĩkwa Omwami Mukulu akalenga emitima.

Emĩsyo 25:4

Ũlũsaye amahungu omo kĩtsĩpa, Neryo enyungu ikahuluka busana nʼomũhesĩ.

Ĩsaya 1:25

Kandi nasyahĩra ebyala byage eribya bũyĩgũ ukʼuwe, nʼerĩtsũya amahungu wawe go ndeke omo lũtũtũ, kandi nasyakũlũsya kwʼebĩkokyo byʼekyuma.

Ĩsaya 48:10

Lebaya, nabĩrĩkwerya, nĩkwa butsira ngʼebĩtsĩpa. Monayisoga we omwʼirunga lyʼobũlĩge.

Ĩsaya 61:6

Nĩkwa ĩnywe mwasyahulwa mo bahererĩ bʼOmwami Mukulu. Basvabahula mo bagombe ba Nyamuhanga wetu. Mwasyalya obukamahe bwʼebihanda, kandi omo bindu byabo mwasyayihalamba.

Yeremĩa 9:7

Busana nʼekyo Omwami Mukulu ati, Lebaya, nasyayayũkyabo nʼerirengabo. Kusangwa nangaswakola nyiti busana nʼomwali wʼabandu bage kwehĩ?

Ezekĩelĩ 20:38

Nage nasyungula omo katĩkatĩ kenyũ abakahona, nʼabakanyĩhalayako. Nasyalũsyabo omo kihugo ekyo bakabungiramo, nĩkwa sibendisyingira omo kihugo kya Ĩsraelĩ. Litya nenyũ mwasyaminya ko ndi Mwami Mukulu.

Danĩelĩ 11:35

Kandi abandi abawite amenge basyawa erĩtũkũryabo, nʼerĩeryabo, nʼeriyirabo mo babuya, erĩhĩka oko mugulu wʼendũlĩ owakandĩsyahĩka oko ndambĩ eyahulawa.

Danĩelĩ 12:10

Abandu bangi basyerĩbwa, nʼeriyirwa mo babuya nʼeritukurwa; nĩkwa ababi basyakola nabi, isihali mundu mubi oyo wasyaminya, nĩkwa abʼamenge basyaminya.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Malakĩ 4:1

Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi.

Emiganzo 8:6

Wĩmaye Abalawĩ omo katĩkatĩ kʼabana ba Ĩsraelĩ, werayebo.

Luka 3:16

Yoane mwabwirabo ati, Ngababatĩsaya omo magetsi, nĩkwa oyukasa anyĩrengĩrye amaka, nage sinyitolere erĩkũndũla emikoba yʼoko ngendero siwe. Iye asyababatĩsya omo Mũlĩmũ Abũyĩrĩre nʼomo muliro.

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

AbanyaRoma 15:16

eribya mugombe wa Yesu Kristo oko Bihanda. Ngakola ngʼomũhererĩ busana nʼerĩtũla Engulu Yowene eyĩkalũa uku Nyamuhanga, Ebihanda bibye buhere obũkasĩmawa na Nyamuhanga, obo Mũlĩmũ Abũyĩrĩre abirihigula.

AbanyaFilipi 2:17

Nomo musasi wage angũtũlĩrwa ngʼobuhere busana nenyũ kusangwa mwabĩrĩkĩrĩrya Nyamuhanga nʼeriyiherera ukwʼiye, ngandisyatsema nʼerisangira obutseme bwage haguma nʼĩnywe bosĩ.

AbanyaFilipi 4:18

Nĩkwa nabiribana ebyosĩ, ngwite bingi; sindibula nʼekindu busana nʼolũsũnzo lwenyũ, olo Epafrodito aleta. Nĩ ʼhĩtya erikakumba ndeke, embere wa Nyamuhanga obuhere obutolere, obũkatsemesaya Nyamuhanga yo ndeke.

2 Timoteo 4:6

Nĩkwa ĩngye, lino nyĩkĩsĩya ĩnakwa busana nʼEngulu Yowene, nʼendambĩ yage yʼerigenda yabĩrĩhĩka.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 12:10

Kusangwa abotata wetu mobatukunga akatambĩ kake ngoko baganĩraya bati litolere. Nĩkwa Nyamuhanga akatukunga eritukola ndeke, itwatoka erisangira obũbũyĩrĩre buwe.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

Eribisurirwa 1:6

kandi oyo watuyira eribya bwami bwʼabahererĩ erikolera Nyamuhanga wuwe na Tata. Uku Yesu Kristo kubye olukengerwa, nʼobũtokĩ, kera na kera! Amina.

Eribisurirwa 3:18

Neryo ngakuhana unguleko esyamagetsi, esyabĩrĩlabĩbwa omo muliro, iwatoka eribya muteke. Ugule nibya esyongimba nyeru-nyeru, iwatoka eriambalasyo, nʼesĩsonĩ syʼendũmbũ yawe isitaminyikala. Kandi Ugule amagũta wʼameso awʼerĩsĩgĩsa omo meso wawe, iwatoka erilangira.

Eribisurirwa 5:10

Wabiriyirabo eribya bwami, nʼabahererĩ, erikolera Nyamuhanga wetu. Kandi, basyatabala muna-kihugo.