Malakĩ 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Lebaya, nasyabayira abana benyũ, kandi nasyahakabya ebise omo mũsũ wenyũ, bye biro byʼobuhere bwenyũ, nenyũ mwasyalũsĩbwaho haguma nabyo.

Malakĩ 2:3 Iomraidhean Croise

1 Abami 14:10

Busana nʼekyo, lebaya, nasyaleta obũlĩge oko kĩtũnga kya Yeroboamũ, kandi nasyĩta uku Yeroboamũ obuli mwana wʼobulume, bamabya babohĩrwe kutse batabohĩrwe oko Baĩsraelĩ, kandi nasyabĩrĩrya hali ekĩtũnga kya Yeroboamũ, ngoko mundu akabĩrĩraya amabĩ go hali, erĩhĩka aho gosĩ asyahwera.

Yobũ 20:7

Nĩkwa asyahera kera na kera ngʼamabĩ wuwe; Ababya ibabirimulolako basyabũga bati, Alihi kwehĩ?

Esyonyimbo 47:5

Nyamuhanga akahetukira oko kĩtũmbĩ kyʼobwami buwe! Omwami Mukulu akahetuka! Hali emirenge yʼobutseme, nʼomulenge wʼengubi.

Esyonyimbo 83:10

Mobakĩndĩrwa eEndorĩ, Nʼemibiri yabo moyahondera oko kitaka.

Erĩlũayo 29:14

Nĩkwa esĩswĩ, syʼenume yʼende, nʼekĩhũ kyayo, nʼebise byayo, wasyahĩsĩrĩryabyo ekyaswa kyʼekilaliriro; ni buhere bwʼebibi.

Yeremĩa 8:2

Basyasanzago oko lyuba, nʼomukera, nʼemilondo yosĩ yʼelubula, eyo banza nʼeyo bakolera, nʼeyo bakwama, nʼeyo basondaya, nʼeyo baramaya. Siendisyakumirwa haguma, kutse eritabwa, asyabya ngʼamabĩ oko kitaka.

Yoelĩ 1:10

Eririma lyabiriyirwa mo kĩma, ekihugo kikalira; kusangwa engano yabĩrĩherĩbwa, ebĩnyũ bihya-bihya byabiriuma, nʼamagũta abĩrĩkũba.

Yoelĩ 1:17

Esyombuto sikahondera omo kitaka kyasyo; nʼesyombĩso syabiribya mo kĩma, nʼebigona byamahĩmbũlwa; kusangwa engano yabiriuma.

Abalawĩ 26:16

nage, nasyabakolera ekĩ nibya; nyiti nasyabahĩra kwʼerĩũbahĩrĩrya lũba-lũba, nʼendwala yʼekĩkũba nʼekĩhũhanĩ, ebikandisyabuga ameso wenyũ, nʼerireka ebĩrimu byenyũ ibyabulirayo; kandi mwasyabiba esyombuto syenyũ syo busa, kusangwa esyonzĩgũ syenyũ syasyalyasyo.

Nahũmũ 3:6

Nasyakugusa kwʼesyonye, nʼerikuyira mo mubi kutsibu, nasyakũhĩra ngʼekyʼerisekwa.

Malakĩ 2:9

Busana nʼekyo nabiribayira mo bʼeriponwa, nʼerĩkehĩbwa embere syʼabandu bosĩ, ngoko mũtategaya esyonzira syage, nĩkwa mwabiriyira ebitaga omwʼĩkangĩrĩrya.

Luka 14:35

Siawite mugaso busana nʼekitaka, kutse busana nʼekyabũ. Akagusawa eyĩhya. Oyuwite amatwĩ, owe.

1 AbanyaKorinto 4:13

Omugulu bakatulega, tukalenga erisangana nabo. Twabiribya ngʼabaleretĩre oko kihugo, tuli ngʼekyabũ kyʼebindu byosĩ, erĩhĩka na lino.

Eryibuka Ebihano 28:38

Mwasyahekera esyombuto nyingi omwʼirima, kandi mwasyahulula hike; kusangwa esyongĩke syasyabugasyo.