Malakĩ 1:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nĩkwa, lino, kĩsĩ-kĩsĩ, simulisaba eriganyira lya Nyamuhanga, atubanire eriganyira kwehĩ? Omo buhere ngʼobo busana nenyũ, kwʼanasyalĩga eribangirira ndeke kwehĩ? Omwami Mukulu Wʼemilondo atya.

Malakĩ 1:9 Iomraidhean Croise

2 Emyatsi yʼEmigulu 30:27

Neryo abahererĩ Balawĩ mobahangana mobatsumula abandu; nʼomulenge wabo mwowĩka, nʼerisaba lyabo molyahĩka ahʼerĩĩkala liwe lĩbũyĩrĩre omo lubula.

Erĩlũayo 32:11

Neryo Musa mwalakira Omwami Mukulu Nyamuhanga wuwe ati, Uwe Mwami Mukulu, busana nakĩ erihitana lyawe likaka oko bandu bawe, abo walũsaya omo kihugo kyʼeMĩsĩrĩ omo maka manene nʼomo byala byʼakagala kwehĩ?

Yeremĩa 26:19

Hezekĩa omwami wʼeYũda, nʼeYũda yosĩ mobamwĩta kwehĩ? Nĩkwa Hezekĩa mwatubaha Omwami Mukulu nʼerisaba Omwami Mukulu olukogo kwehĩ? NʼOmwami Mukulu mwatayĩkũbya nʼerireka obũlĩge obo abũga busana nabo kwehĩ? Nĩkwa ĩtwe tũkayĩkolesaya ebibi binene busana netu.

Yeremĩa 27:18

Nĩkwa bamabya ini bamĩnyererĩ, nʼekĩnywa kyʼOmwami Mukulu ikine haguma nabo, lino basabe Omwami Mukulu wʼemilondo, bati ebindu ebĩsĩgere omo nyũmba yʼOmwami Mukulu nʼomo nyũmba yʼOmwami wʼeYũda, nʼeYerũsalema, sibiye eBabelĩ.

Ekiriro 2:19

Uhangane, ulake omo kiro, Okwʼĩtsũka lyʼebĩsĩsĩmũko. Gũtũle omutima wawe ngʼamagetsi Embere syʼameso wʼomukama. Usumbire Omukama ebyala byawe. Busana nʼengebe yʼabana balere bawe, Abakalembera busana nʼenzala Omo nzũko yʼobuli nzira.

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Yoelĩ 2:17

Abahererĩ, abagombe bʼOmwami Mukulu, balirire omo katĩkatĩ kʼobũsekũ nʼekiherero, babũge bati, Uwe Mwami Mukulu, Uganyire abandu bawe, suhe abandu bawe oko batsũmĩ, Suleke ebihanda bikahulabo mo mitenyo. Busana nakĩ bangabũga omo katĩkatĩ kʼabandu bati, Nyamuhanga wabo ali hahi kwehĩ?

Amosĩ 5:22

Nomo mwanganyiherera amahere wenyũ wʼerĩokererya, nʼamahere wenyũ wʼengano, sĩndĩendĩsyalĩgago; kandi sĩndĩendĩsyalebya amahere wʼobuholo wʼesyonyama syenyũ sĩnenehĩre.

Yoane 9:31

Tũnasĩ Nyamuhanga sĩalĩowa abakola-nabi; nĩkwa omundu amabya akakenga Nyamuhanga, nʼerikola ebyo anzĩre, Nyamuhanga akamowa.

AbanyaRoma 2:11

Kusangwa Nyamuhanga sialisombola ebitaga.

1 Petero 1:17

Omugulu mukasaba Nyamuhanga, mukamwahula mo Tata, oyukatswera obuli mundu, butsira obutaga, ngʼemĩbĩrĩ yiwe kwʼiri; mulendere nʼerikenga Nyamuhanga omugulu mukine omo kihugo kino.