Malakĩ 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nomo Edomũ akabũga ati, Twabĩrĩhũnzangirwa ahisi nĩkwa twasyasubula nʼerĩhĩmba ebĩma; Omwami Mukulu Wʼemilondo ati, Basyahĩmba, nĩkwa nasyateryago; nʼabandu basyahulabo mo kihugo kibi, nʼabandu abo Mwami Mukulu abirihitanako kera na kera.

Malakĩ 1:4 Iomraidhean Croise

Yobũ 12:14

Lebaya, akasambula, isiyangatoka erĩswahĩmbwa; Akaboha omundu, isihangatoka eribya erĩkũndũlwa.

Yobũ 34:29

Omugulu Nyamuhanga akabya bũkũtũ, nindi wangamutswera kwehĩ? Nʼomugulu akabĩsa obũsũ buwe, abandu bangabya buyira.

Yobũ 9:4

Ali nʼamenge omo mutima, nʼowʼobũtokĩ omo maka. Nindi oyo wabirimukalako akabana omũyĩsa kwehĩ?

Esyonyimbo 127:1

Omwami Mukulu amatindahĩmba enyũmba, Omũbĩrĩ wʼabahĩmbĩ ini buyira; Omwami Mukulu amatendateya omũyĩ. Abateya ibakakũbĩrato busa.

Esyonyimbo 137:7

Wibuke, uwe Mwami Mukulu, ebyo Abanya Edomũ bakola, Ekiro eYerũsalema yahũngawa, Wibuke ngoko babũga bati, Musambulego! Musambulirego ahisi oko kitaka!

Esyonyimbo 33:10

Omwami Mukulu akayira esyombĩta syʼebihanda mo buyira, Akalĩmaya erĩyĩsũnza lyʼabandu.

Emĩsyo 21:30

Sihali menge kutse eriminya, Kutse ekihano ebikalwa nʼOmwami Mukulu.

Ĩsaya 10:4

Basyũnama omo katĩkatĩ kʼabandu bʼomũlĩkĩ basa, kutse eriwa omo katĩkatĩ kʼabandu babĩrĩkwa. Busana nʼebĩ byosĩ erihitana liwe sĩryetalũaho, nʼebyala biwe bĩkĩnayĩsũmbĩre.

Ĩsaya 11:14

Kandi basyagulukira obwandagala bwʼAbafĩlĩstĩnĩ oko luhande lwʼeyĩkwa. Basyahũnga haguma abandu bʼoluhande lwʼendata. Basyasĩgalya Edomũ na Moabũ, nʼabana ba Amona basyakengabo.

Ĩsaya 34:10

Sĩkyendĩsyalĩmĩbwa omo kiro kutse omugulu wʼomusibo. Omũkĩ wakyo asyahetukira endata kera na kera. Erĩtsũka oko ndengo nʼoko ndengo kyasyabya mulala. Sihali oyo wasyalaba mukyo kera na kera.

Ĩsaya 34:5

Kusangwa omũyalĩ wage abĩrĩũgũtĩra omo lubula. Lebaya asyakĩmĩra eEdomũ busana nʼeritswera, nʼoko bandu bʼeritakira lyage, erĩheryabo.

Yeremĩa 31:17

Omwami Mukulu ati, Kandi hane amaha busana nʼomugulu wawe owakandisyasa, nʼabana bawe basyasuba oko kihugo kyabo.

Yeremĩa 49:20

Busana nʼekyo mowe erĩyĩsũnza lyʼOmwami Mukulu, eryo abĩrĩyĩsũnza busana na Edomũ, nʼamaganĩryo, ago aganĩraya erilwa nʼesyondũlanĩ syʼeTemanĩ. Kwenene basyakurasyo ngʼehyana hyʼekihangulo. Kwenene asyayira olũlĩsĩryo lwasyo mo kĩma busana nabo.

Yeremĩa 49:7

Omwami Mukulu akabũga busana na Edomũ ati, Sihakiri menge omo Temanĩ kwehĩ? Erihana lyabirihwa oko bandu bʼamenge kwehĩ? Nʼamenge wabo ahwereho kwehĩ?

Yeremĩa 49:8

Mutibite, musube enyũma, mwĩkale hali, ĩnywe ndũlanĩ syʼeDedanĩ, kusangwa nasyamuleta kʼobũlĩge bwa Esaũ, omugulu nasyayamusuyira.

Yeremĩa 5:17

Nabo basyalya erigesa lyawe, nʼobundu bwawe, basyalya abagala bawe nʼabali bawe. Basyalya ebĩhyo byawe nʼebihangulo byawe. Basyalya emĩrĩkĩ yʼebĩnyũ byawe nʼemiti yʼemĩtĩnĩ yawe. Basyatererya ahisi omo mũyalĩ emĩyĩ yawe eyikongotere eyo ukayiketera.

Ekiriro 3:37

Nindi yũkabũga, ikyakoleka, Omugulu Omukama atetahanakyo kwehĩ?

Ezekĩelĩ 11:10

Mwasyawa omo mũyalĩ. Nasyabatswera erĩhĩka omo mutano wa Ĩsraelĩ. Litya mwasyaminya ko ndi Mwami Mukulu.

Ezekĩelĩ 25:13

Busana nʼekyo, Omukama Iye Omwami Mukulu ati, Nasyasumba ebyala byage erilwa na Edomũ, nʼerĩĩta mukyo abandu nʼesyo­nyama. Kandi nasyayirakyo mo kĩma. Erĩtsũka eTamanĩ nʼerĩhĩka eDedanĩ basyawa omo mũyalĩ.

Ezekĩelĩ 25:14

Nage nasyahĩra erĩkĩsya lyage uku Edomũ omo byala byʼekihanda kyage Ĩsraelĩ. Neryo basyakola omo Edomũ ngʼerihitana lyage nʼeriagalirwa lyage. Litya basyaminya erĩkĩsya lyage, Omukama Iye Omwami Mukulu atya.

Ezekĩelĩ 26:14

Nasyakuyira mwʼĩbwe risa. Wasyabya busanzo bwʼamataha-taha. Siwendisyaswahĩmbwa kandi, kusangwa ingye Mwami Mukulu nabĩrĩbũgakyo, Omukama, Iye Omwami Mukulu atya.

Ezekĩelĩ 35:4

Nasyayira emĩyĩ yawe mo mulala, nawe wasyabya kĩma. Neryo wasyaminya ko ndi Mwami Mukulu.

Ezekĩelĩ 35:9

Nasyakuyira mo kĩma luguma-guma, nʼemĩyĩ yawe siyendĩsyĩkalwamo. Neryo nenyũ mwasyaminya ko ndi Mwami Mukulu.

Amosĩ 1:11

Omwami Mukulu akabũga ati, Busana nʼamalolo asatu wʼeEdomũ, ega busana nʼawani, sindiendisyakakĩrya erisuyira lyako, kusangwa mwakwama mugala wabo yʼomo mũyalĩ, kandi mwalũmya eriganyira liwe lyosĩ, nʼerihitana liwe molyasatangya emigulu yosĩ, kandi mwabika erihitana liwe ebiro byosĩ.

Amosĩ 3:15

Omukama, Omwami Mukulu akabũga ati, Nasyaswĩrya enyũmba yʼomugulu wʼeritsuku nibya nʼenyũmba yʼomugulu wʼeryuba; nʼamanyũmba wʼameno wʼesyonzogũ asyahera, nʼamanyũmba manene manene asyahwaho.

Amosĩ 5:11

Busana nʼekyo mũkalĩhĩsaya engemu yʼengano; mwabĩrĩhĩmba amanyũmba wʼamabwe awabatsĩre nĩkwa sĩmwendĩsyĩkala mugo; mwabirihera amalima wʼebĩnyũ wʼerĩtsemesya, nĩkwa sĩmwendĩsyapũlya ebĩnyũ byago.

Amosĩ 6:11

Kusangwa, lebaya, Omwami Mukulu akandihana ati enyũmba nene itulangawe mo bitswe-bitswe, nʼenyũmba nge itulangawe mo hitswe.

Amosĩ 6:2

Mulabe eKalne, mũlebaye; nʼerĩlũa eyo muye eHamatĩ mukulu; neryo mwandagalire eGatĩ yʼAbafĩlĩstĩnĩ; ibo ni babuya kwilaba amami aya kwehĩ? Kutse ekihugo kyabo ni kinene kwilaba ekyenyũ kwehĩ?

Obadĩa 1:1

Omukama, Omwami Mukulu akabũga busana na Edomũ ati, Twabĩrĩowa engulu ĩkalũa oko Mwami Mukulu, nʼomukwenda abiritumwa omo katĩkatĩ kʼebihanda, ati, Muhangane, netu tuyalwe naye.

Obadĩa 1:10

Busana nʼobutsibu bwakolawa oko mugala wenyũ Yakobo, esĩsonĩ syasyakuswika, kandi wasyahwerekererĩbwa kera na kera.

Malakĩ 1:3

nĩkwa nabĩrĩkwa Esaũ yʼobusu, monayira ebitwa biwe mo bĩma, kandi nabiriha omwandu wuwe oko syoboha syʼomo mbwarara.

Matayo 12:30

Oyute haguma nage, ĩnĩ nzĩgũ yage; nʼoyutekuma-kuma haguma nage, akapanza-panza.