Luka 9:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼaho abandu bakagana erĩbakokya, omugulu mũkalũa oko mũyĩ oyo imwakunguta olũtũtũ oluli oko bisando byenyũ, busana nʼerĩmĩnyĩsyabo.

Nouveau Testament et Psaumes en Ndandi Version 1962

⁵ Naho ehosi bakagana eribakokya, omugulu mukalwa omo muyi oyo mukungute olututu omo bisandu byenyu ngo mulangiri kubo.

Luka 9:5 Iomraidhean Croise

Nehemĩa 5:13

Kandi monakunguta olukimba lwage, monabũga nyiti, Nyamuhanga akungute obuli mundu erĩlũa omo nyũmba yiwe atya, nʼoko mũbĩrĩ wuwe, oyũtendĩberererya erilaga erĩ; akungutawe atya, nʼerĩũtwa. Nʼendeko yosĩ moyabũga iti, Amina, mobapipa Omwami Mukulu. Nʼabandu abo mobakola ngʼerilaga erĩ.

Matayo 10:18

Kandi, mwasyakurirwa embere syʼabatabalĩ bakulu, nʼembere wʼabami busana nage, busana nʼerĩtũla Engulu Yowene kubo, nʼoko bandu bʼEbihanda.

Mariko 6:11

Mwamahĩka aho bakagana erĩbakokya kutse bakagana eribahulikirira, omugulu mũkalũaho, imwakunguta olũtũtũ oluli omo bisando byenyũ. Ekĩ kyasyakangĩrĩryabo.

Mariko 9:37

Omundu oyũkakokaya omwana mulere ngʼoyũ omo lĩna lyage akanyĩkokaya; nʼoyũkanyĩkokaya, akakokaya oyo wanyituma.

Luka 10:16

Yesu mwabwira abiga buwe ati, Oyũkabowa, akanyowa; nʼoyukabagana, akanyigana; nʼoyukanyigana, akagana oyo wanyituma.

Luka 5:14

Neryo Yesu mwamuhana ati, Sigubwire mundu, nĩkwa ugende ũyĩkanganaye oko mũhererĩ, kandi uhere obuhere bwʼerĩyerya ngoko Musa ategeka, busana nʼerĩmĩnyĩsyabo ko wabirilama.

Luka 9:4

Nʼomo nyũmba eyo bakabakokayamo, mwĩkalemo erĩhĩka aho mwasyalũĩra oko mũyi oyo.

Luka 9:48

neryo mwabwirabo ati, Omundu oyũkakokaya omwana mulere ngʼoyũ omo lĩna lyage akanyĩkokaya; nʼoyũkanyĩkokaya, akakokaya oyo wanyituma. Kusangwa oyuli muke omo katĩkatĩ kenyũ yo mukulu.

Emibiri 13:51

Nĩkwa abakwenda mobakungutira kubo kwʼolũtũtũ lwʼebisando byabo, neryo mobaya eĨkonĩo.

Emibiri 18:6

Nĩkwa omugulu balwa naye nʼeritsuma, Paũlo mwakungutirabo esyongimba siwe ati, Omusasi wenyũ abye oko mitwe yenyũ! Sindi ko lubanza lwenyũ. Erĩtsũka lino ngaya oko Bihanda.