Luka 9:41 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴¹ Yesu mwasũbĩrya ati, Ĩnywe lulengo lwʼerĩtendĩkĩrĩrya nʼolwʼobuhaka, nasyĩkala nenyũ omo mugulu gungahi, nasyababegerya mugulu gungahi kwehĩ? Ulete mugala wawe yo hano.

Nouveau Testament et Psaumes en Ndandi Version 1962

⁴¹ Yesu mwasubirya ati, Inywe lulengo lweriti ndiikirirya nolwobuhaka, nasikala nenyu omugulu gungahi neribabegerya kwehi? Ulete omugala wawe yo hano.

Luka 9:41 Iomraidhean Croise

2 Abami 5:8

Neryo, omugulu Elĩsa omundu wa Nyamuhanga owa ngoko mwami wʼeĨsraelĩ amabĩsatangya esyongimba siwe, mwatuma oko mwami ati, Busana nakĩ wabĩrĩsatangya esyongimba syawe kwehĩ? Lino ase kwĩngye naye asyaminya ko hali mũmĩnyererĩ omo Ĩsraelĩ.

Esyonyimbo 78:8

Sibabye ngʼaboso-kulu wabo, Abandu abakayisamambula nʼerĩtendĩowa. Abandu abatawite erĩkĩrĩrya erĩsĩkĩre uku Nyamuhanga, Kandi mobatabya nʼeritindalegula embere sya Nyamuhanga.

Erĩlũayo 10:3

Neryo Musa na Harũnĩ mobingira ewa Farao, mobamubwira bati, Omwami Mukulu Nyamuhanga wʼAbaebrania akabũga, ati, Wasyakolyahi erigana erĩyĩkehya embere syage kwehĩ? Uleke abandu bagende banyikolere.

Erĩlũayo 16:28

Neryo Omwami Mukulu mwabwira Musa ati, Mwasyakolyahi erigana erĩteya ebihano byage nʼemigambo yage kwehĩ?

Yeremĩa 4:14

Uwe Yerũsalema, weraye omutima wawe kwʼebibi, ubane erĩlamĩbwa. Amalengekanĩa wawe mabi asyĩkala omwisi wawe erĩkolyahi kwehĩ?

Emiganzo 14:11

Neryo Omwami Mukulu mwabwira Musa ati, Kwʼabandu aba basyanyipona migulu yingahi? Nʼerĩhĩka emigulu yingahi sĩbendĩsyanyĩkĩrĩrya, nomo nanakola ebiminyikalo byosĩ ebĩ omo katĩkatĩ kabo kwehĩ?

Emiganzo 14:27

Nasyakolyahi nʼendeko nyibi eyĩ, eyikanyitonga nabi kwehĩ? Nabĩrĩowa emiyitongo yʼabana ba Ĩsraelĩ, eyo bakanyitonga nabi.

Matayo 11:28

Mwase ũkwʼĩngye, ĩnywe bosĩ ko mukanuba nʼeriheka ebĩrĩtohĩre, ngandibalũhũkya.

Matayo 12:39

Nĩkwa Yesu mwasũbĩryabo ati, Abandu ba sesene ni babi, kandi sibawite Nyamuhanga, bakasonda-sonda ekitiko-tiko; nĩkwa sibendihabwa ekitiko-tiko, kye nʼekitikotiko kyʼomũmĩnyererĩ Yona.

Matayo 12:45

Neryo kikahuluka, ikyaleta ebindi bĩrĩmũ birinda bibi kwilabakyo, neryo ibyingiramo; nʼendũlĩ yʼomundu oyo ikabya nyibi kwilaba erĩmbere. Ko bikandisyabya bitya oko bandu babi bʼomugulu ono.

Matayo 16:4

Abandu ba sesene ni babi, kandi sibawite Nyamuhanga, bakasonda-sonda ekitiko-tiko, nĩkwa sibendisyahabwa ekitiko-tiko kye nʼekitiko-tiko kya Yona. Neryo Yesu mwasĩganĩabo, mwalũaho.

Matayo 17:17

Yesu mwasũbĩryabo ati, ĩnywe lulengo lwʼerĩtendĩkirĩrya nʼolʼobuhaka! Nasĩkala nenyũ omo mugulu ungahi kwehĩ? Nasyababegerya omugulu ungahi kwehĩ? Munyiretere ye hano.

Matayo 23:36

Kwenene ngabũga nenyũ, nyiti erisuyira busana nʼemyatsi yosĩ eyĩ lyasyahĩka oko bandu bʼolulengo olũ.

Matayo 3:7

Neryo Yoane abere alangira Abafarĩsayo nʼAbasadũkayo bangi bakahĩka busana nʼerĩbatĩsĩbwa, mwabwirabo ati, Ĩnywe bana bʼesyonzoka, nindi wabahana erisaga erikarama erĩkandĩsyahĩka kwehĩ?

Mariko 10:14

Nĩkwa omugulu Yesu alangira ebyo, mwahitana neryo mwabwira abiga buwe ati, Muleke abana balere base kwĩngye! Sĩmũkakĩrayebo, kusangwa Obwami bwa Nyamuhanga ni bwʼabali ngʼaba.

Mariko 10:49

Neryo Yesu mwahangana, neryo mwabũga ati, Mumubirikire. Neryo mobabirikira endĩmatĩme eyo bati, Ũsĩkaye omutima. Uhangane, amakubirikira.

Mariko 9:19

Yesu mwasũbĩryabo ati, Ĩnywe lulengo lwʼerĩtendĩkĩrĩrya, nasyĩkala nenyũ mugulu gungahi kwehĩ? Nasyababegerya mugulu gungahi kwehĩ? Munyiretere omũlwana oyo.

Luka 8:25

Neryo Yesu mwabwira abiga ati, Erĩkĩrĩrya lyenyũ liri hahi kwehĩ? Nabo mobubaha, mobasweka, ibakabwirana bati, Omundu oyũ nindi Oyukahana ebihunga nʼamagetsi, ibyamukenga kwehĩ?

Luka 9:40

Monalemba-lembĩre abiga bawe nyiti bakiguse eyĩhya, nĩkwa mobatalũkĩre.

Luka 9:42

Neryo abere anemwasa embĩnga eyo moyamugusa ahisi, moyamũgala-galya. Nĩkwa Yesu mwakunga ekĩrĩmũ kibi ekyo, mwalamya omwana, neryo mwamũsũbya ũkwʼĩse wuwe.

Yoane 14:9

Yesu mwamubwira ati, Nabiribya nenyũ omugulu ungaha, nĩkwa sulitanyiminya kwehĩ Fĩlĩpo? Oyo wamanyilangira iniabirilangira Tata. Busana nakĩ ũkabũga uti, Ũtũkangaye Tata kwehĩ?

Yoane 20:27

Neryo mwabwira Toma ati, Leta omunwe wawe, ulangire ebyala byage. Leta ebyala byawe, ũhĩrebyo omo lukanga lwage, subye bũtĩkĩrĩrya, nĩkwa Wĩkĩrĩraye!

Emibiri 13:18

Neryo omo myaka makũmĩ ani mwalemberabo omo mbwarara.

Emibiri 2:40

Neryo Petero mwatũlago omo bindi bĩnywa bingi, kandi mwahatikanabo ati, Mũyĩlamaye oko lulengo lubi olũ!

AbanyaRoma 2:4

Kutse ukapona obubuya buwe bunene, nʼerisasira liwe, nʼeririndirira liwe kwehĩ? Sĩwasĩ ngoko bubuya bwa Nyamuhanga bũkakũkolaya okwʼibindula omutima nʼerireka ebibi kwehĩ?

Eryibuka Ebihano 32:5

Babirimukola nabi, Si bana buwe, busana nʼekirema kyabo. Ni lulengo lwʼomwaga nʼolũhengemĩre.

AbaEbrania 3:19

Neryo tukalangira ko bataluka eriingira busana nʼerĩtendĩkĩrĩrya lyabo.

AbaEbrania 4:11

Neryo tuyitsinge kutsibu eriingira omwʼiluhuka eryo. Sihabye omundu oyukagana erĩowa ngoko bakola, nʼeritaluka eriingira mulyo.

AbaEbrania 4:2

Kusangwa Engulu Yowene moyatũhĩkako ngoko yahĩka kubo; nĩkwa ekĩnywa ekyo bowa mokitetawatĩkyabo kusangwa mobagana erĩkĩrĩryakyo.

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.