Luka 9:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Yesu mwabirikira abiga ĩkũmĩ nʼababiri bo haguma, mwahabo obũtokĩ nʼehamũlĩ yʼerihiga esyombĩnga syosĩ, nʼerĩlamya abakonĩ.

Nouveau Testament et Psaumes en Ndandi Version 1962

¹ Kandi mwabirikira erikumi na babiri mwahindanyabo mwahabo amaka nehamuli oko syombinga syosi nerilamya amakoni,

Luka 9:1 Iomraidhean Croise

Matayo 16:19

Nasyakuha ebĩboholĩ byʼobwami bwʼelubula, nʼekĩndũkĩ wasyaganĩa muna-kihugo, kyasyaganwa elubula, nʼekĩndũkĩ wasyalĩga muna-kihugo kyasyalĩgwa elubula.

Matayo 4:24

Neryo engulu yiwe moyatsungana omo kihugo kyosĩ kyʼeSũrĩa. Kandi mobamuletera abakonĩ bosĩ, abagalawa omo mĩsĩndo-mĩsĩndo yʼesyondwala nʼamagalĩ, nʼabali kwʼesyombĩnga, nʼabatũtsa, nʼababasĩre, nĩkwa Yesu mwalamya abosĩ.

Matayo 8:9

Nage nibya indi mundu oyuwite abakanyihamula, kandi ngwite abasĩrĩkanĩ bage; ngabwira oyũ nyiti, Ugende, iniagenda; kandi ngabwira ogundi nyiti, Wase, iniasa; kandi ngabwira omugombe wage nyiti, Ukole ekĩ, iniakoiakyo!

Luka 10:1

Enyũma wʼaho, Omukama mwayisoga abandi bandu makũmĩ alinda, mwatumabo mo babiri babiri embere siwe, eriya oko mĩyĩ yosĩ aho iye asonda erĩhĩka.

Luka 10:19

Lebaya, nabiribaha ehamũlĩ yʼeriryatangirira esyonzoka, nʼesyonge, nʼerirenga obũtokĩ bosĩ bwʼenzĩgũ, isihali kindu kyangabahũtalya.

Yoane 14:12

Kwenene, kwenene ngababwira, oyũkanyĩkĩrĩraya, emĩbĩrĩ eyo ngakola, asyakolayo nibya; kandi asyakola emĩbĩrĩ eyĩrengĩre eyĩ, kusangwa ngaya uku Tata.

Emibiri 1:8

Nĩkwa mwasyabana obũtokĩ omugu­lu Omũlĩmũ Abũyĩrĩre asyabahĩkako. Kandi mwasyabya batũlĩ bʼomwatsi wage eYerũsalema nʼomo Yũdea yosĩ, nʼeSamarĩa, nʼerĩhĩka oko ndũlĩ-ndũlĩ syʼekihugo.

Emibiri 3:16

Nĩkwa busana nʼerĩkĩrĩrya omo lĩna lya Yesu, erĩkĩrĩrya uku Yesu lyo lyamaha omundu oyũ yʼamaka, oyo mukalangira, ĩmũnamwasĩ nibya. Erĩkĩrĩrya Yesu lyo lyamalamya omundu oyũ embere wenyũ ĩnywe bosĩ.

Emibiri 4:30

Usumbe ebyala byawe, ũlamaye, nʼebitiko-tiko nʼebyʼeriswekera bikolawe omo lĩna lyʼomugombe wawe oyũbũyĩrĩre, ye Yesu.

Emibiri 9:34

Petero mwamubwira ati, Aĩnea, Yesu Kristo akakũlamaya. Hangana, usese engyingo yawe. Neryo-neryo Aĩnea mwahangana.