Luka 8:47 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁷ Neryo omũkalĩ abere alangira kwʼate angatoka erĩbĩsama, mwahĩka nʼerititimana, mwawa ahisi embere sya Yesu, neryo mwatũlago embere syʼabandu bosĩ ekirialeka ĩnĩamũtũlako, kandi ngoko alamĩbawa neryoneryo.

Nouveau Testament et Psaumes en Ndandi Version 1962

⁴⁷ Omukali abere alangira kwatabisamire, mwasa akatitimana, mwawa ahisi embere siwe mwatulago embere syabandu bosi ekirialeka iniamutulako, kandi ngoko ainalamibwa neryo-neryo.

Luka 8:47 Iomraidhean Croise

Esyonyimbo 2:11

Mukolere Omwami Mukulu nʼeriuba­ha. Mutseme nʼerititimana.

Esyonyimbo 38:9

Omukama, ũnasĩ ebyo ngasonda, Kandi ũkowa erĩsĩmba lyage.

Esyonyimbo 66:16

Mwase, muhulikirire, ĩnywe bosĩ abakasĩkaya Nyamuhanga, Ngandĩbakanĩrya ebyo abirinyikolera.

Ĩsaya 66:2

Kusangwa ebyala byage byo byakola ebĩ byosĩ, nʼebindu ebĩ byosĩ mobyabyaho bitya, Omwami Mukulu atya. Nĩkwa nasyasamalira omundu oyũkayĩkehaya nʼowʼekĩrĩmũ kihehere, nʼoyukatitimana busana nʼekĩnywa kyage.

Hosea 13:1

Omugulu Efũraĩmũ abũga, mohabya erititimana; iye mwayĩhamya omo Ĩsraelĩ; nĩkwa omugulu ahalaya omo Baalĩ, neryo mwahola.

Hosea 5:3

Nyĩnasĩ Efũraĩmũ, na Ĩsraelĩ sĩalĩbĩsama ũkwʼĩngye kusangwa Uwe lino, Efũraĩmũ, wabirikola obũmalaya, Ĩsraelĩ abĩrĩyĩtsandya.

Habakũkĩ 3:16

Monowa, neryo eribunda lyage molyatitimana, Emĩnywa yage moyatitimana busana nʼomulenge oyo; Erihonda molyingira omo makũha wage, kandi ngasũka-sũkanira aho wage. Kusangwa litolere inalinda ekiro kyʼobũlĩge kyʼobũkũtũ, Busana nʼerihetuka lyʼabandu abakatubambira.

Matayo 28:8

Neryo mobalũa okwʼisinda ko lũba nʼeriubaha nʼobutseme bunene, mobatibita eriyabwira abiga ba Yesu.

Mariko 5:33

Nĩkwa omũkalĩ oyo iniabiriminya ekyabĩrĩmũhĩkako, mwasa iniakatitimana nʼeriubaha, mwawa embere siwe, neryo mwamubwira ebyosĩ byo kwenene.

Luka 8:46

Nĩkwa Yesu mwabũga ati, Omundu amanyĩtũlako, kusangwa namaminya kʼobũtokĩ bwamanyĩlũako.

Luka 8:48

Nĩkwa Yesu mwamubwira ati, Mwali wage, erĩkĩrĩrya lyawe lyamabĩkũlamya; ugende buholo.

Emibiri 16:29

Neryo omũteya mwatumira oko syotala, mwingira omo nyũmba yʼomũlĩkĩ akatitimana nʼeriubaha, mwatũlama embere wa Paũlo na Sila.

1 AbanyaKorinto 2:3

Nage nabya haguma nenyũ, inyiri molo-molo, kandi nabya nʼeriubaha, nʼerititimana lĩnene.

2 AbanyaKorinto 7:15

Neryo olwanzo luwe busana nenyũ lukakanyirira, omugulu akibuka ngoko ĩnywe bosĩ mwabya nʼomutima wʼerĩowa, kandi ngoko mwamũkokaya omo lubahwa nʼerititimana.

AbanyaFilipi 2:12

Neryo, abanze bage, ngoko mwabya mũkowa emigulu yosĩ omugulu nabya nenyũ, nĩkwa lino mowe kwilaba omugulu ndeho. Mũberereraye erilama lyenyũ omwʼiubaha nʼerititimana.

AbaEbrania 12:28

Neryo tubye nʼewasĩngya, kusangwa tukabana obwami obutetoka erĩsũka-sũkanĩbwa. Tukolere Nyamuhanga nʼerĩmũtsemesya, tumukenge nʼerĩmũsĩkya.

1 Samwelĩ 16:4

Neryo Samwelĩ mwakola ebyo Mwami Mukulu abũga, neryo mwagenda eBetelehemũ. Nʼabakulu bʼomũyĩ oyo mobayahĩndana naye ibanemutitimana, bati, Unemwasira buholo kwehĩ?