Luka 8:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Omũkalĩ oyo mwasa omo ndeko enyũma uku Yesu, mwatũla oko mũsĩke wʼolukimba luwe, neryo-neryo erisenda lyʼomusasi wuwe molyũmbya.

Nouveau Testament et Psaumes en Ndandi Version 1962

⁴⁴ mwasa enyuma kwiye, mwatula oko ndambi yolukimbe luwe; neryo-neryo erisenda riwe ryomusasi moryumbya.

Luka 8:44 Iomraidhean Croise

Erĩlũayo 15:26

Neryo mwabwirabo ati, Mwamahulikirira omulenge wʼOmwami Mukulu Nyamuhanga wenyũ nʼomũhwa, kandi mwamakola ekitunganene omo meso wuwe, nʼeritega amatwĩ oko bihano biwe, nʼeribika emigambo yiwe yosĩ, sindiendĩsyabahĩra kwʼesyondwala nʼenguma, esyo nahĩra oko Banya Mĩsĩrĩ; kusangwa indi Mwami Mukulu oyũkakũlamaya.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Matayo 20:34

Neryo Yesu mwakwĩrabo bũlĩge, neryo mwatũla oko meso wabo; neryoneryo mobabana erilangira, mobamukwama.

Matayo 8:3

Yesu mwakakya ebyala biwe mwamũtũlako ati, Nyĩnanzĩre, ũlamĩbawe! Neryo-neryo ebihaga biwe mobyalamĩbwa.

Matayo 9:20

Neryo omũkalĩ muguma, oyo wabya akwĩre obũkonĩ bwʼerĩlũsya omusasi, oko myaka erĩkũmĩ nʼeyĩbĩrĩ, mwasa enyũma uku Yesu, mwatũla oko mũsĩke wʼolukimba luwe.

Mariko 6:56

Nʼehosĩ eyo Yesu aya oko hĩyĩ, kutse oko mĩyĩ kutse omo malima, abandu mobatwala abakonĩ babo omo hitale, ibanemulemba-lemba Yesu bati aleke abakonĩ batũle oko mũsĩke musa wʼolukimba luwe. Nʼabosĩ abatũla kulo mobalamĩbwa.

Luka 13:13

Neryo Yesu mwamũhĩra kwʼebyala biwe; neryo-neryo mwatũngananĩbwa, neryo mwatsũka eripipa Nyamuhanga.

Luka 7:38

Neryo mwimana enyũma wa Yesu hakũhĩ nʼebisando biwe, iniakalira nʼerĩtsapya ebisando bya Yesu omo mĩsonĩa yiwe. Neryo mwasangula ebisando bya Yesu omo nzwiri syʼomutwe wuwe, nʼeriryatsirirabyo, neryo mũtũlĩra amagũta ayo awakakumba ndeke kutsibu oko bisando biwe.

Luka 8:43

Neryo omũkalĩ muguma abyaho oyo wabya akwĩre obũkonĩ bwʼerĩlũsya omusasi oko myaka ĩkũmĩ nʼĩbĩrĩ. Kandi abya iniabiribugira ebindu biwe byosĩ oko banganga, kandi sihabya mundu watoka erĩmũlamya.

Luka 8:45

Yesu mwabũlya ati, Nindi yo wamanyĩtũlako kwehĩ? Neryo abosĩ mobayigana. Petero mwabũga ati, Mukama, esyondeko sĩkakũkũna nʼerĩkũhatatanĩa!

Yoane 5:13

Nĩkwa oyo walamĩbawa mwataminya nga nindi, kusangwa Yesu iniamabĩlũaho omugulu endeko yabyaho.

Emibiri 19:12

Kandi ebitambara nʼesyongimba ebyalũa oko mubiri wa Paũlo mobyatwalwa oko bakonĩ, nʼesyondwala mosyalũa kubo, nʼebĩrĩmũ bibi mobyalũamo.

Emibiri 5:15

Kyaleka ibahekera abakonĩ omo syonzira, nʼerĩhĩrabo oko syongyingo, nʼoko birago, bati omugulu Petero akalabaho, kumbe ekyũtsũtsũ kiwe ikyatogera oko muguma wa kubo.

Eryibuka Ebihano 22:12

Simusyeyira amayeye oko mĩsĩke ĩnĩ yʼolukimba lwenyũ, olo mukayiswika.