Luka 8:24 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁴ Neryo abiga mobahĩka uku Yesu, mobamũbũkya bati, Mukama, Mukama, tukahwa! Neryo Yesu mwahangana, mwakunga ekihunga, nʼerikarama lyʼebisunda, nabyo mobyatekana mohahita esĩsyerere.

Nouveau Testament et Psaumes en Ndandi Version 1962

²⁴ Neryo mobaya mubukya bati, Mukama, Mukama, tukahwa! Naye mwabuka mwakunga ekihunga nerikarama ryebisunda; nabyo mobyumbya, mohabya isyerere.

Luka 8:24 Iomraidhean Croise

Esyonyimbo 65:7

Ũkabonderaya erihuha lyʼesyongetsi, Nʼerihuha lyʼebisunda byasyo, Ũkabonderaya olukanda lwʼabandu.

Ĩsaya 50:2

Neryo busana nakĩ omugulu nasa mohatabya mundu kwehĩ? Omugulu nabirikira, busana nakĩ mohatabya mundu ũkanzũbĩraya kwehĩ? Kwʼebyala byage nĩ bĩkũhĩ muti sibyangatoka erĩtongolya kwehĩ? Kutse singwite maka wʼerĩlamya kwehĩ? Lebaya, omwʼikunga lyage ngũmĩrĩraya engetsi, ngayira esyonyũsĩ mo mbwarara. Esĩswĩ syamo sikakumba kusangwa sihali magetsi, sikahola omo nyota.

Yeremĩa 5:22

Omwami Mukulu ati, Simulinyubaha kwehĩ? Simwendisyatitimanira embere syage, ĩngye nayira emisege eribya mutano wʼengetsi, ni kihano kyʼebiro byosĩ isiyangalaba kugo. Nomo ebisunda byayo byangayigusanga, sibyangatoka. Nomo byangahuha sibyangatwangana kuyo.

Nahũmũ 1:4

Akakunga engetsi, ĩnĩũmyayo, akũmaya esyonyũsĩ syosĩ. EBasanĩ yatsekemene, nʼeKaramelĩ: obũsoyo bwʼeLebanonĩ bukatsekemana.

Matayo 14:30

Nĩkwa omugulu Petero alangira erihunga, mubaha, nʼerĩtsũka eritobera mwalaka ati, Mukama, ũnyĩlamaye.

Matayo 8:25

Neryo abiga mobahĩka uku Yesu, mobamũbũkya bati, Mukama, ũtũlamaye! Tukahwa!

Mariko 4:39

Neryo Yesu mwahangana mwakunga ekihunga, kandi mwabwira engetsi ati, Huna, ubye bũkũtũ! Nʼekihunga mokyũmbya, mohahita esĩsyerere.

Luka 4:35

Neryo Yesu mwakungayo ati, Ubye bũkũtũ, ũmũlwĩke! Nʼembĩnga moyamulunda ahisi omo katĩkatĩ kabo, moyamũlũako isiritamukola nabi.

Luka 4:39

Neryo Yesu mwaya hakũhĩ nʼengyingo yʼomũkonĩ, neryo mwakunga erĩhũhana eryo, nalyo molyamũlũako; neryo Omũkonĩ mwahangana lũba, mwakolerabo.

Luka 5:5

Neryo Sĩmonĩ mwamũsũbĩrya ati, Mukama, bukere tukayitsinga kutsibu, neryo sĩtwetabanakĩ! Nĩkwa busana nʼekĩnywa kyawe ngandĩtogerya mwʼebĩsohĩ.

Luka 8:25

Neryo Yesu mwabwira abiga ati, Erĩkĩrĩrya lyenyũ liri hahi kwehĩ? Nabo mobubaha, mobasweka, ibakabwirana bati, Omundu oyũ nindi Oyukahana ebihunga nʼamagetsi, ibyamukenga kwehĩ?