Luka 8:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Muyirenge busana nʼebyo mũkowa! Kusangwa omundu oyuwite kindu, asyahabwa ebindi, nʼomundu oyutawitekĩ asyasagulwa nʼekyo alwe aganĩrye ati awite.

Nouveau Testament et Psaumes en Ndandi Version 1962

¹⁸ Mulebaye ngoko mukowa; kusangwa oyu wite asyahabwa ebindi, noyu tawite asyasagulwa ebyo akaganiraya ati awite.

Luka 8:18 Iomraidhean Croise

Emĩsyo 14:12

Hali enzira eyikabya nga ni mbuya omo meso wʼomundu; Nĩkwa endũlĩ yayo ni nzira yʼoluholo.

Matayo 13:12

Kusangwa oyuwite asyahabwa ebindi, asyabya nʼebingi; nĩkwa oyutawite, asyasagulwa ebyo awite.

Matayo 25:29

Kusangwa oyuwite asyahabwa ebindi, iniabya nʼebingi; nĩkwa oyutawite, asyasagulwa ebyo awite.

Mariko 13:14

Nĩkwa omugulu mwasyalangira ekitsibu ikihangene oko kitatolere, Oyukasoma aminye ndeke. Neryo abali eYũdea basagire oko bitwa.

Luka 19:26

Nĩkwa ngababwira nyiti, Oyuwite asyahabwa ebindi, nĩkwa oyutawite, asyalũsĩbwako nʼekyo awite.

Luka 9:44

Nĩkwa omugulu abandu bosĩ babya bakaswekera emĩbĩrĩ Yesu abya akakola, Yesu mwabwira abiga buwe ati, Muhulikirire ebĩnywa ebĩ, kusangwa Omugala wʼOmundu asyahoterwa oko bandu.

Yoane 15:2

Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Emibiri 10:33

Neryo-neryo monakutumirako, nawe wamayira ndeke ũkahĩka. Na lino ĩtwe bosĩ tune hano emuliro wa Nyamuhanga erĩowa ebyosĩ ebyo Mukama abirikuhana.

Emibiri 17:11

Nĩkwa abandu bʼeBeroya babya bandu babuya kwilaba bandu bʼeTesalonĩka. Mobangirira ekĩnywa kya Nyamuhanga nʼomũhwa, ĩbakasondaya omo Masako obuli kiro erĩrebya emyatsi eyĩ nga ni kwenene.

AbanyaRoma 12:3

Kusangwa Nyamuhanga abirimba olukogo olũ, ngabwira obuli mundu omo katĩkatĩ kenyũ nyiti, siayiganze eribya mukulu kwilaba aho atolere, nĩkwa aganĩraye ndeke nʼeriyitswera omo lulengo lwʼerĩkĩrirya olo Nyamuhanga abiriha oko buli mundu.

1 AbanyaKorinto 14:37

Omundu amaganĩrya kwʼali mũtũlĩ wʼomwatsi wa Nyamuhanga, kutse kwʼawite olũsũnzo olũkalũa oko Mũlĩmũ, aminye ngoko emyatsi eyo ngabasakira ni kihano kyʼomukama.

1 AbanyaKorinto 3:18

Sihabye mundu oyũkayĩtebaya. Omundu omo katĩkatĩ kenyũ amaganĩrya nga ni wʼamenge wʼekihugo kino, abye mũkĩrũ, iniatoka eribya wʼamenge kũndũ.

1 AbanyaKorinto 8:2

Omundu amaganĩrya ati anasĩ ndeke, isialitaminya nga litolere akaminya.

AbanyaFilipi 3:4

Nĩkwa ĩngye nanganabana ekyʼeriyiketera omo myatsi yʼomubiri. Kumbe hali mundu oyũkaganĩraya ati awite ekyʼeriyiketera omo myatsi yʼomubiri, ĩngye ngwite ekĩlabĩre.

AbaEbrania 2:1

Busana nʼomwatsi oyũ, litolere ĩtwateya ndeke ebyo twabĩrĩowa, tukasyayihengeka, tũkalũa oko kwenene.