Luka 8:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Esyombuto esyatogera oko kitaka kyʼamabwe ba bandu abakowa ekĩnywa nʼeriangirirakyo nʼobutseme. Nĩkwa ekĩnywa ekyo sikiribana emĩrĩhĩ; bakĩkĩrĩraya katambĩ kake, neryo oko mugulu wʼerirengwako, bakatswa.

Nouveau Testament et Psaumes en Ndandi Version 1962

¹³ Nabo okwibwe babo omugulu bakowa eKinywa, bakangirirakyo nobutseme; nikwa sibawite emirihi, bakikiriraya akatambi kake noko mugulu werilengwako bakatswa.

Luka 8:13 Iomraidhean Croise

Yobũ 19:28

Mwamabũga muti, Twasyamwendererya tuti! Muti, Twasyabana mwatsi wahi erimuhandikirira kwehĩ?

Emĩsyo 12:12

Ababi bakayĩtsũtsa ebinyegwa byʼabandu babi; Nĩkwa omũlĩhĩ wʼabatunganene akeraya ebĩgũma.

Emĩsyo 12:3

Omundu sĩendĩsyasĩkĩbwa busana nʼebibi; Nĩkwa omũlĩhĩ wʼabatunganene siendĩsyatũndwa.

Ĩsaya 58:2

Nĩkwa bakanyisonda-sonda ebiro byosĩ, bakatsema eriminya enzira yage, ngʼekihanda ekyakola eritunganene, nʼerĩtĩndasĩganĩa ebilayiro bya Nyamuhanga wabo. Bakanyĩbũlaya erĩtwa omwatsi omo lĩbanza litunganene, bakatsema kusangwa Nyamuhanga ali hakũhĩ.

Ezekĩelĩ 33:32

Neryo lebaya, nawe uli kubo ngʼolwimbo lwʼengumbu nyibi, lwʼoyuwite omulenge owene, oyo wasĩ eriwata enanga, kusangwa bakowa ebĩnywa byawe, nĩkwa sibekolabyo.

Hosea 6:4

Uwe Efũraĩmũ, ngandisyakukolakĩ kwehĩ? Uwe Yũda nasyakukolakĩ kwehĩ? Kusangwa obubuya bwawe buli ngʼekĩtũ kyʼengyakya-ngyakya, kandi ngʼekimi ekĩkalũaho omo tũtũtũ.

Mariko 6:20

Kusangwa Herode abya akubaha Yoane, ĩnĩanasĩ ngoko Yoane abya mundu mutunganene nʼoyũbũyĩrĩre, neryo mwamũteya ndeke. Nĩkwa Herode mwanza erimuhulikirira nĩkwa mwaganga-ganga busana nʼebĩnywa biwe.

Luka 8:12

Esyombuto esyatogera oko mũsĩke wʼenzira ni bandu abakowa; nĩkwa Satanĩ yĩkahĩka nʼerĩlũsya omwatsi gʼomo mitima yabo, ibatatoka erĩkĩrĩrya nʼerĩlamĩbwa.

Luka 8:14

Nʼesyombuto esyatogera omo mahwa ni bandu abakowa; nĩkwa amaganĩryo nʼebindu nʼerĩyĩtsemesya lyʼengebe yʼeno, bĩkakũsaya ekĩnywa ekyo, neryo ikitera ndeke.

Yoane 15:2

Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Yoane 15:6

Omundu amatindamatikana nage, akagusawa eyĩhya ngʼomutahi, iniuma, Emitahi ngʼeyĩ ikakumirawa haguma, iyaguswa omo muliro iyahya.

Yoane 5:35

Yoane abya tala eyikaka nʼerĩkolerya, nenyũ mwabya mwanzĩre eritsema katambĩ omo kyakakala kiwe.

1 AbanyaKorinto 13:2

Kandi nomo nangabya nʼolũsũnzo lwʼerĩtũla omwatsi, kandi nyasĩ erĩkũmbo lyosĩ, nʼeriminya lyosĩ, kandi nomo nangabya nʼerĩkĩrĩrya lyosĩ erikatoka erĩlũsya ebitwa, nĩkwa isingwite olwanzo, inyiri busa.

1 AbanyaKorinto 15:2

Kandi mũkalamĩbawa omo Ngulu Yowene eyo nabakangĩrĩraya, mwamasĩka muyo mo ndeke, mwamabya mũtalĩkĩrĩraya busa.

AbanyaGalatia 3:1

Ĩnywe Banya Galatĩa bakĩrũ, obusaki obukabateba ni bwahi kwehĩ? Nenyũ mwakangĩrĩrĩbawa ndeke-ndeke ngoko Kristo abambawa oko musalaba embere syʼabandu bosĩ.

AbanyaGalatia 3:4

Mwabiriagalwa omo myatsi yosĩ eyĩ mo buyira kwehĩ? Muti, siyabya mo buyira!

AbanyaEfeso 3:17

Kandi ngasaba nyiti, Kristo ĩkale omo mitima yenyũ busana nʼerĩkĩrĩrya lyenyũ; kandi nyiti, muhande emĩrĩhĩ yʼolwanzo lwenyũ, ĩmũnasĩkĩre omo lwanzo olo.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 2:7

Muhande emĩrĩhĩ yenyũ omwisi wuwe. Mũsĩkaye erĩkĩrĩrya lyenyũ ngoko mwakangĩrĩrĩbawa. Mubye nʼomutima oswĩre nʼewasĩngya.

1 AbanyaTesalonika 3:5

Busana nʼomwatsi oyũ, omugulu nataluka eriswayibombeka, monabatumira Tĩmoteo, inatoka eriminya erĩkĩrĩrya lyenyũ, iningubaha nyiti mbino omũtebya abĩrĩbatebya, nʼomũbĩrĩ wetu ĩnĩakwa busa.

1 Timoteo 1:19

Ũtegaye erĩkĩrĩrya lyawe nʼobunya-mutima bubuya. Kusangwa abandi babirigana erihulikirira Obunya-mutima bwabo, neryo babĩrĩtsandya erĩkĩrĩrya lyabo.

AbaEbrania 10:39

Nĩkwa ĩtwe Situli ukwʼabo abakasuba enyũma nʼerihera, nĩkwa tuli ukwʼabo abakĩkĩrĩraya nʼerĩlamya emitima yabo.

Yakobo 2:26

Kusangwa ngoko mubiri owate mo kĩrĩmũ aholĩre, ko liri litya erĩkĩrĩrya butsira mĩbĩrĩ lĩholĩre.

2 Petero 2:20

Kusangwa bamabibala ebĩtĩsĩrĩre byʼekihugo busana nʼeriminya Omukama nʼomũlamya wetu Yesu Kristo, bamaswayĩgobya mubyo nʼerĩkĩndwa mubyo, abandu ngʼabo babiritsanda kwilaba erĩmbere.

2 Petero 2:22

Omwatsi abĩrĩhĩka kubo ngʼomũsyo wʼekwenene owakabũga ati, Embwa ikasuba oko bisalo byayo, kandi ati, Engulube eyĩryanabĩbawa ĩkaswayĩgala-galaya omo londo.

1 Yoane 2:19

Abandu aba sibabya bʼũkwʼĩtwe, kyaleka ĩbatũlũako. Kusangwa kumbe babya bʼũkwʼĩtwe, nga babĩrĩsĩgala netu. Nĩkwa mobagenda ikyaminyikala ndeke abosĩ abo ko bate bʼũkwʼĩtwe.

Yuda 1:12

Abandu aba ni bandu bʼemĩtĩndũ omwʼirya lyenyũ lyʼAbakristo, ibakalya haguma nenyũ butsira eriubaha, ibakayirembera ĩbobene. Bali ngʼebĩtũ ebite mo mbũla, ibakahekawa nʼerihunga. Bali ngʼemiti eyitawite ebĩgũma oko mugulu atolere. Kandi bali ngʼemiti eyũmĩre kabiri, eyabirikulangwa nʼemĩrĩhĩ yayo.