Luka 7:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Neryo mwakebera omũkalĩ oyo, mwabwira Sĩmonĩ ati, Wamalangira omũkalĩ oyũ kwehĩ? Mongingira omo nyũmba yawe; mutetamba amagetsi busana nʼebisando byage, nĩkwa iye abĩrĩtsapya ebisando byage omo mĩsonĩa yiwe nʼerisangulabyo omo nzwiri siwe.

Nouveau Testament et Psaumes en Ndandi Version 1962

⁴⁴ Neryo mwakebera omukali mwabwira Simoni ati, Wamalangira omukali oyu kwehi? Mongingira omo nyumba yawe, mutetamba amagetse busana nebisandu byage, nikwa iye abiritsapya ebisandu byage omo misonia abirisangu labyo nesyonzwiri siwe.

Luka 7:44 Iomraidhean Croise

Enzũko 18:4

Uleke lino haletawe otugetsi, mweraye ebisando byenyũ muluhukire omo ndĩna yʼomuti.

Enzũko 19:2

Neryo mwabũga ati, Lebaya lino, abakama bage, ngabasaba, mwingire omo nyũmba yʼomugombe wenyũ, mugotsere eno, mũnabaye ebisando byenyũ, mwasyabuka omo ngyakya, imwayigendera. Nabo mobabũga bati, Iyihi; nĩkwa tũkandĩkala omo muhana erĩhĩka okwʼikya.

Enzũko 43:24

Neryo omwĩmanĩrĩ oyo mwaleta abandu abo omo nyũmba ya Yosefũ, mwahabo amagetsi, mobanaba oko bisando byabo. Kandi mwaha nʼesyopunda syabo syʼebyʼerirya.

2 Samwelĩ 11:8

Neryo Dawĩdĩ mwabwira Ũrĩa ati, Wandagalire omwawe, weraye ebisando byawe uluhuke. Neryo Ũrĩa mwalũa omo nyũmba yʼOmwami, kandi omwami mwamutumira olũsũnzo.

Luka 7:38

Neryo mwimana enyũma wa Yesu hakũhĩ nʼebisando biwe, iniakalira nʼerĩtsapya ebisando bya Yesu omo mĩsonĩa yiwe. Neryo mwasangula ebisando bya Yesu omo nzwiri syʼomutwe wuwe, nʼeriryatsirirabyo, neryo mũtũlĩra amagũta ayo awakakumba ndeke kutsibu oko bisando biwe.

Luka 7:43

Sĩmonĩ mwamũsũbĩrya ati, Mbino oyo abuyira bingi. Neryo Yesu mwamubwira ati, Wamatswera ndeke.

Yoane 13:5

Neryo Yesu mũta amagetsi okwʼĩtũba, neryo mwatsũka erĩnabya ebisando byʼabiga, nʼerisangulabyo omo kĩsangũlĩryo ekyo abya ayĩhangĩre.

1 Timoteo 5:10

Kandi abye ĩnĩakũmayĩre busana nʼemĩbĩrĩ yowene; landi amabya oyo wabĩrĩkũlya abana bo ndeke, kandi amabya ĩnĩabĩrĩkokya abagenĩ bʼehali, kutse ĩnĩabĩrĩnabya ebisando byʼabandu ba Nyamuhanga, kandi amabya abĩrĩwatĩkya abali omo bũlĩge, kandi amabya abiriyiha erikola obuli mũbĩrĩ owene.

Yakobo 2:6

Nĩkwa ĩnywe mukahemula omundu mwera! Si ba bandu bʼebindu abakabanũbaya, nʼeribakurira embere syʼabatswerĩ kwehĩ?

Abatswerĩ 19:21

Neryo mwamwĩngĩrya omo nyũmba yiwe, mwaha esyopunda syʼebiti; neryo mobakosa ebisando byabo, mobalya mobapũlya.

1 Samwelĩ 25:41

Neryo mwahangana, mũnamĩrya obũsũ buwe bwʼahisi, ati, Lebaya, omutsana wʼobũkalĩ wawe ni mutsana wʼerĩerya ebisando byʼabagombe bʼomukama wage.