Luka 7:41 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴¹ Neryo Yesu mwabũga ati, Mohabya omũbwekĩ muguma wʼesyofranka oyo wabweka abandu babiri. Abandu aba babya kʼomwĩnda, omuguma wʼesyofranka magana atanu, nʼogundi amakũmĩ atanu.

Nouveau Testament et Psaumes en Ndandi Version 1962

⁴¹ Omubweki muguma abya na babiri bari nomwinda; omuguma iniari momwinda wa syofaranka amagana atanu, nogundi amakumi atanu.

Luka 7:41 Iomraidhean Croise

Ĩsaya 50:1

Omwami Mukulu akabũga ati, Ebarua yʼerihiga koyo wawe eyo namuhigirako iri hahi kwehĩ? Kutse nabĩrĩbagũlya ukundi oyo wanyibweka kwehĩ? Lebaya, mwagũlĩbawa busana nʼebibi byenyũ, na koyo wenyũ ahigawa busana nʼamalolo wenyũ.

Yeremĩa 3:11

Neryo Omwami Mukulu mwabũga nage ati, Ĩsraelĩ oyukalegula abĩrĩyĩkangya mo mutunganene kwilaba Yũda omũtebya.

Emiganzo 27:3

Tata wetu mwaholera omo mbwarara, kandi naye siabya omo ndeko yʼabandu bayĩhĩndanaya erilwa nʼOmwami Mukulu kera omo ndeko ya Kora; nĩkwa mwahola nʼamalolo wuwe ĩyowene-wene; kandi isiawite bagala.

Matayo 18:28

Nĩkwa omugombe oyo mwahuluka mwahĩndana nʼogundi mugombe mũlĩkyabo oyo wabya nʼomwĩnda wuwe wʼesyofranka ĩgana. Neryo mugombe oyo mwatsimba mũlĩkyabo oyo yʼomo bĩkya, mwatsũka erĩmũnĩga ati, Ũnyĩtũhe omwĩnda wage!

Matayo 6:12

Utubuyire amalolo ago twabirikola; Ngoko tukabuyira abandi bʼamalolo ago bakatukolera.

Mariko 6:37

Yesu mwasũbĩryabo ati, Nenyũ muhebo ebyʼerirya. Nabo mobabũlya Yesu bati, Wanzĩre itwayagula amandu wʼesyofranka magana abiri nʼerihabo ebyʼerirya kwehĩ?

Luka 11:4

Utubuyire ebibi byetu, Kusangwa netu tukabuyira obuli mundu oyukatukola nabi. Sigututwale omwʼirengwako.

Luka 12:48

Nĩkwa omugombe oyũtasĩ ebyo mukama wuwe anzĩre, neryo akakola emĩbĩrĩ eyitolere akaswĩrĩbwa, asyaswĩrĩbwa nyike. Omundu oyukahabawa bingi, asyabũlĩbwa bingiĩ nʼomundu oyo wabĩkĩbawa bingi, asyabũlĩbwa bingi.

Luka 13:4

Kutse mũkaganĩraya muti abandu erĩkũmĩ nʼomunani eSĩloamũ abatererawako nʼenyũmba eyĩsũngũlĩkĩre, abahola, muti babya babi kwilaba abandu bosĩ abĩkere eYerũsalema kwehĩ?

Luka 7:40

Neryo Yesu mwabwira Sĩmonĩ ati, Sĩmonĩ nyiwite ekyʼerikubwira. Naye ati, Mũkangĩrĩrya, ũtũlego.

Luka 7:47

Kikaleka inakubwira nyiti, Ebibi biwe bingi byabiribuyirwa, kusangwa abirianza kutsibu; nĩkwa oyukabuyirawa bike, akanza hake.

AbanyaRoma 3:23

Nĩkwa abandu bosĩ babirikola ebibi, kandi sĩbehĩka oko lukengerwa lwa Nyamuhanga.

AbanyaRoma 5:20

Emigambo moyahĩka erireka erĩhalya iryakanyirira. Nĩkwa aho ebibi byakanyirira, olukogo lwa Nyamuhanga molwakanyirira kutsibu.