Luka 7:39 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁹ Neryo omugulu Omũfarĩsayo oyo wabirikira Yesu alangira ekyo, mwayibwira omwisi wuwe ati, Kumbe omundu oyũ nga nĩ mũmĩnyererĩ, kumbe angaminyerera omũkalĩ oyũkamũtũlako, nʼomũsĩndo wuwe kwʼali mukola-nabi.

Nouveau Testament et Psaumes en Ndandi Version 1962

³⁹ Nikwa omugulu omuFarisayo oyo wamubirikira abere alangira ekyo, mwayibwira omwisi wuwe ati, Kumbe mundu oyu alwe mu minyereri, kumbe abiriminya omusindo womukali oyu kamu tulako, kusangwa ni mukola nabi.

Luka 7:39 Iomraidhean Croise

2 Abami 5:20

Nĩkwa Gehazĩ omugombe wa Elĩsa omundu wa Nyamuhanga, mwaganĩrya, ati, Lebaya, omukama wage abĩrĩbalya Namanĩ Omũsũrĩa oyũ, sĩalĩtĩmya omo byala biwe ebyo aleta. Ngoko Mwami Mukulu aliho, ngandimukwama, nʼerĩmwĩmya kwʼekindu.

Emĩsyo 23:7

Kusangwa ngoko akaganĩraya omwisi wuwe kwʼali atya; Akakubwira ati, Ulye, ũpũlaye; Nĩkwa omutima wuwe siali haguma nawe.

Ĩsaya 65:5

Abakabũga bati, Ubye aho ĩwowene, siwase hakũhĩ nage, kusangwa indi mũbũyĩrĩre kwilaba we. Aba nĩ mũkĩ omo nĩndo yage, omuliro owakaka omo musibo gosĩ.

Matayo 20:16

Litya owʼenyũma asyabya wʼerĩmbere, kandi owʼerĩmbere asyabya wʼenyũma.

Matayo 21:11

Nʼesyondeko siti, Oyũ nĩ mũmĩnyererĩ Yesu oyũkalũa eNazaretĩ yʼeGalĩlaya.

Mariko 7:21

Kusangwa omo mutima wʼomundu mo mukahuluka amalengekanĩa mabi, erĩsĩngĩra, erĩĩba, erĩĩta, amaragane,

Luka 12:17

Neryo omundu oyo mwatsũka erĩganĩrya omo mutima wuwe ati, Nasyakolakĩ kwehĩ? Kusangwa singwite ahʼeribika ebyalya byage byosĩ.

Luka 15:2

Neryo Abafarĩsayo nʼabakangĩrĩrya bʼEmigambo mobayikuna bati, Omundu oyũ akakokaya abakola-nabi nʼerirya haguma nabo.

Luka 16:3

Neryo omũteya oyo mwayibwira ati, Nasyayira nyiti kwehĩ, kusangwa omukama wage amanyinyega obũteya bwage. Sindi nʼakagala kʼeririma, kandi ngakwa esĩsonĩ syʼerihema.

Luka 18:4

Oko mugulu muli, omũtswerĩ oyo mwatalĩga, nĩkwa mwasala ayibwira ati, Nomo ndeniubaha Nyamuhanga kutse erikenga mundu,

Luka 3:8

Neryo mukole emĩbĩrĩ eyikaleka abandu ibaminya ko mwabiribindula emitima yenyũ erireka ebibi. Sĩmũtsũke eriyibwira muti, Tuwite Abrahamũ mo tata wetu. Ngababwira nyiti, Nyamuhanga angatoka erĩhanganĩa amabwe aya mo bana busana na Abrahamũ.

Luka 7:16

Neryo abosĩ mobubaha, mobatsũka eripipa Nyamuhanga, bati, Omũmĩnyererĩ mukulu abirihangana omo katĩkatĩ ketu! Kandi, Nyamuhanga abĩrĩhĩka erĩwatĩkya abandu buwe.

Luka 7:37

Neryo oko mũyĩ oyo habya omũkalĩ mukola-nabi. Neryo abere aminya ko Yesu abya akalira omo nyũmba yʼOmũfarĩsayo oyo, neryo mwaleta erĩtambya lyʼerĩbwe lyowenenga lyʼamagũta awakakumba ndeke kutsibu.

Luka 7:38

Neryo mwimana enyũma wa Yesu hakũhĩ nʼebisando biwe, iniakalira nʼerĩtsapya ebisando bya Yesu omo mĩsonĩa yiwe. Neryo mwasangula ebisando bya Yesu omo nzwiri syʼomutwe wuwe, nʼeriryatsirirabyo, neryo mũtũlĩra amagũta ayo awakakumba ndeke kutsibu oko bisando biwe.

Luka 7:40

Neryo Yesu mwabwira Sĩmonĩ ati, Sĩmonĩ nyiwite ekyʼerikubwira. Naye ati, Mũkangĩrĩrya, ũtũlego.

Yoane 4:19

Omũkalĩ mwabũga na Yesu ati, Mukama, namalebya kʼuli mũmĩnyererĩ.

Yoane 7:12

Neryo habya eminigonigo mingi omo katĩkatĩ kʼendeko busana naye. Abandi mobabũga bati, Ni mundu mubuya, nʼabandi bati, Iyihi, akatalaya endeko.

Yoane 9:24

Engendo yʼakabiri mobabirikira omundu oyo wabya ndĩmatĩme, mobamubwira bati, Upipe Nyamuhanga; ĩtwe tũnasĩ omundu oyũ ni mukola-nabi.