Luka 7:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Nĩkwa mwayayo erilangirakĩ kwehĩ? Muti, Omundu oyo wambite esyongimba nyolo-nyolo kwehĩ? Mũlebaye, abambite esyongimba sĩkangabasenĩe nʼabakalya ebisi-bisi bali omo manyũmba wʼabami.

Nouveau Testament et Psaumes en Ndandi Version 1962

²⁵ Nikwa mwayayo erilola kuki kwehi? Omundu wambite esyongimba nyolo-nyolo kwehi? Lebaya, abambite esyongimba sikangabenie nabakarya ebibuya, bari omo bibuga byabami.

Luka 7:25 Iomraidhean Croise

2 Samwelĩ 19:35

Mũnabwĩre indi wʼemyaka makũmĩ munani; nangatoka eriminyerera ekibuya nʼekibi kwehĩ? Omugombe wawe angatoka erĩgerya ebyo ngalya kutse ebyo ngapũlaya kwehĩ? Nangaswatoka erĩowa omulenge wʼabalume nʼabakalĩ abakimba kwehĩ? Omugombe wawe angaswalĩtohera omukama wage omwami busana nakĩ kwehĩ?

1 Abami 10:5

nʼakalyo kʼoko mesa yiwe, nʼerĩĩkala lyʼabagombe buwe, nʼomũbĩrĩ wʼabasondolĩ buwe, nʼesyongimba syabo, nʼabahekĩ bʼesyondehĩ siwe, nʼebisambiro ebyo ahetukirako akaya oko nyũmba yʼOmwami Mukulu, mwayirekulira.

2 Abami 1:8

Nabo mobamũsũbĩrya bati, Abya mundu wʼobweya bungi, kandi ĩnĩabohĩre embindi yiwe omo mukoba wʼengobĩ. Naye mwabũga ati, Nĩ Elĩya Omũtĩsĩbe.

Esĩterĩ 1:11

ati balete omugole wʼOmwami, ye Vasĩtĩ embere syʼOmwami inianambite embĩta yʼobwami akangaye abandu nʼabanya-mwami obubuya buwe; kusangwa abya mubuya erilolwako.

Esĩterĩ 1:3

Oko mwaka wʼakasatu wʼeritabala liwe, Ahasuero mwakokotya erirya ĩnene busana nʼabanya-mwami buwe bosĩ nʼabagombe buwe, nʼabakulu bʼemilondo bʼePersĩa nʼeMedĩa, abakulu nʼabanya-mwami bʼebihugo ebyo, ibamabibya embere siwe.

Esĩterĩ 4:2

Neryo mwahĩka embere wʼolũkyo lwʼOmwami; kusangwa isihali mundu wangatoka eriingira omo lũkyo lʼOmwami inianambite emisarandwe.

Esĩterĩ 5:1

Neryo oko kiro kyʼakasatu, Esĩterĩ mwambala esyongimba siwe syʼobwami, neryo mwahangana omo kibuga kyʼomwisi kyʼenyũmba yʼOmwami, ekiri embere wʼenyũmba yʼOmwami. Neryo omwami abya ĩnĩanĩkere oko kĩtũmbĩ kiwe kyʼobwami omo nyũmba yʼobwami ahahererenĩe nʼolũkyo lwʼenyũmba yʼOmwami.

Esĩterĩ 8:15

Neryo Mordekayĩ mwalũa embere syʼOmwami iniambite esyongimba syʼobwami esyʼomũnĩkĩ nʼesyonyeru-nyeru, nʼembĩta nene yʼesyamagetsi, nʼekanzu yʼekĩtanĩ kyowene nʼomunyama. Nʼomũyĩ wʼeSũsa mobũta obogo nʼeritsanga.

Ĩsaya 59:17

Neryo mwambala eritunganene ngʼobupa bwʼekĩkũba, nʼengofĩro yʼomulamo oko mutwe wuwe. Kandi mwambala esyongimba syʼerĩkĩsya eribya ngimba, kandi iniambite omũhwa ngʼenzobe.

Matayo 11:8

Nĩkwa mwayayo eriyalangirakĩ kwehĩ? Muti, omundu oyo wambite esyongimba nyolo-nyolo kwehĩ? Mũlebaye abambite esyongimba esĩkangabasenĩe bali omo manyũmba wʼabami.

Matayo 3:4

Esyongimba sya Yoane syabya syʼobweya bwʼengamia, kandi mwambala omukoba wʼekihu omo mbindi yiwe, kandi iniakalya esyongĩke nʼobuki bwʼomolĩ.

Matayo 6:29

Nĩkwa ngababwira nyiti, Solomono omo lukengerwa luwe losĩ mwatambala ndeke ngʼomusanga muguma oyũ.

Luka 16:19

Neryo habya omundu wʼebindu iniakambala esyongimba syʼobũgũlĩ bunene syʼekĩtanĩ nʼesyʼomunyama. Kandi iniakalya ebyowenenga.

Luka 7:24

Neryo abakwenda ba Yoane babere babigenda, Yesu mwatsũka erĩbũga nʼesyondeko busana na Yoane ati, Mwaya omo mbwarara eriyalola mʼũkũkĩ kwehĩ? Mwayalangira ekibingu ekikatengatenganĩbawa nʼerihunga kwehĩ?

Luka 7:26

Nĩkwa momwayayo eriyalola kũkĩ kwehĩ? Muti, Omũmĩnyererĩ kwehĩ? Ega, ngababwira nyiti, Mwabirilangira oyũlengĩre omũmĩnyererĩ.