Luka 7:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Nʼoko ndambĩ eyo nyisa-nyisa Yesu mwalamya bandu bangi kwʼamakonĩ wabo, nʼesyondwala, nʼebĩrĩmũ bibi; kandi mwaha esyondĩmatĩme nyingi erilangira.

Nouveau Testament et Psaumes en Ndandi Version 1962

²¹ Noko ndambi eyo mwa lamya bangi bamakoni nesyondwala nyibi nebirimu bibi, nesyondimatime nyingi mwahasyo erilangira.

Luka 7:21 Iomraidhean Croise

1 Abami 8:37

Enzala yamabya omo kihugo, mwamabya nʼobũkonĩ bwʼakasũsũ, mwamabya endwala yʼebyalya kutse embuhu, esyongĩke, kutse obũngũkũ; nʼesyonzĩgũ syabo syamagoterabo omo kihugo kyʼemĩyĩ yabo; kutse ekĩhũnzo kyahi, kutse hamabya endwala;

Abalawĩ 14:48

Neryo omũhererĩ amingira, nʼerĩyĩtegererya, neryo, ekiminyikalo ekyo isikyetatanda omo nyũmba, yabĩhakabĩbwa embemba; omũhererĩ asyahula enyũmba eyo mo yerĩre, kusangwa ekiminyikalo ekyo sikyetaswahuluka.

Matayo 4:23

Kandi Yesu mwatĩmba eGalĩlaya hosĩ, erĩkangĩrĩrya omo manyũmba wabo wʼerĩhĩndanamo, nʼerĩtũlaganĩa Engulu Yowene yʼobwami, nʼerĩlamya abandu bʼobuli mũsĩndo wʼendwala, nʼobuli mũsĩndo wʼobũkonĩ omo katĩkatĩ kʼabandu.

Matayo 4:24

Neryo engulu yiwe moyatsungana omo kihugo kyosĩ kyʼeSũrĩa. Kandi mobamuletera abakonĩ bosĩ, abagalawa omo mĩsĩndo-mĩsĩndo yʼesyondwala nʼamagalĩ, nʼabali kwʼesyombĩnga, nʼabatũtsa, nʼababasĩre, nĩkwa Yesu mwalamya abosĩ.

Mariko 3:10

Kusangwa Yesu abya akalamya abandu bangi, nʼabakonĩ bangi mobayĩlabĩrĩrya ukwʼiye bati banamatamũtũlako.

Mariko 5:29

Neryo mwatũla oko lukimba luwe, neryo-neryo erisenda lyʼomusasi wuwe molyuma; neryo mwaminya omo mubiri wuwe kwʼabĩrĩlamĩbwa oko ndwala yiwe.

Mariko 5:34

Yesu mwamubwira ati, Mwali wage, erĩkĩrĩrya lyawe lyamakũlamya. Ugende buholo, ũlamĩbawe kwʼendwala yawe.

Luka 7:20

Nʼomugulu bahĩka uku Yesu, mobabũga bati, Yoane Mũbatĩsya amatutuma ukʼuwe ati, Nina we oyukasa, kutse tulindirire gundi kwehĩ?

AbaEbrania 12:6

Kusangwa Omwami Mukulu akakunga oyo anzĩre, Kandi akaswĩraya obuli mugala oyũkamũkokaya.