Luka 6:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nĩkwa Yesu mwaminya obũlengekanĩa bwabo, neryo mwabwira omundu oyũlehemĩre kwʼebyala biwe ati, Uhangane, wimane embere eno. Neryo mwahangana, mwimanaho.

Nouveau Testament et Psaumes en Ndandi Version 1962

⁸ Nikwa mwaminya oburingikania bwabo, mwabwira omundu owoku boko kumire ati, Wase uhangane hano. Naye mwahangana mwimanaho.

Luka 6:8 Iomraidhean Croise

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

1 Emyatsi yʼEmigulu 29:17

Nyamuhanga wage, nyĩnasĩ nibya, ngoko ukalenga omutima, kandi ũkatsemesĩbawa omo li­tunganene. Nĩkwa ĩngye omo litunganene lyʼomutima wage nabirianza eriha ebindu byosĩ ebĩ; na lino nabirilangira nʼobutseme abandu bawe abali hano, bakakuha nʼomũhwa.

Yobũ 42:2

Nyĩnasĩ kʼukatoka erikola emyatsi yosĩ, Isihali ebyo ũkandayĩrĩre ekikandisyakũbĩbwa.

Esyonyimbo 44:21

Kumbe Nyamuhanga abirikwesa omwatsi oyũ, Kusangwa anasĩ erĩkũmbo lyʼomutima.

Ĩsaya 42:4

Siendisyatalukana kutse eribula omutima, erĩhĩka aho asyahĩra erĩbanza lĩhĩkene omo kihugo. Emĩsĩke yʼengetsi yasyalinda emigambo yiwe nʼamaha.

Matayo 9:4

Neryo Yesu mwaminya amalengekanĩa wabo, mwabũga ati, Busana nakĩ mukaganĩraya ebibi byʼomo mitima yenyũ kwehĩ?

Mariko 3:3

Neryo Yesu mwabwira omundu wʼebyala bĩlehemĩre ati, Hangana wase emuliro eno.

Luka 13:12

Yesu abere amulolako, mwamubirikira ati, Mũkalĩ, wamaboholwa kwʼendwala yawe!

Luka 5:22

Nĩkwa Yesu mwaminya amalengekanĩa wabo, neryo mwabwirabo ati, Busana nakĩ mũkaganĩraya emyatsi eyĩ yʼomo mitima yenyũ kwehĩ?

Luka 6:9

Neryo Yesu mwabwirabo ati, Ngababũlaya nyiti, nga linatolere omo Migambo erikola ebibuya omo kiro kyʼeSabato, kutse erikola nabi, erĩlamya engebe yʼomundu, kutse erĩheryayo kwehĩ?

Yoane 2:25

Kusangwa siabya nʼobwaga bwʼeribwirwa omwatsi wʼabandu, kusangwa iye abya asĩ ebiri omo mitima yʼabandu.

Yoane 21:17

Neryo Yesu mwamũbũlya engendo yʼakasatu ati, Sĩmonĩ, mugala wa Yoane, ũnanyanzĩre kwehĩ? Neryo Petero mwabya nʼobũlĩge kusangwa Yesu amamũbũlya engendo yʼakasatu ati, Ũnanyanzĩre kwehĩ? Neryo mwamubwira ati, Mukama, ũnasĩ emyatsi yosĩ, ũnasĩ ko nyĩkwanzĩre! Neryo Yesu mwamubwira ati, Ũtegaye esyombũlĩ syage.

Yoane 9:4

Tutolere itwakola emĩbĩrĩ yʼoyo wanyituma omugulu bũkĩnalolĩre; obũtũkũ bũkandĩsyĩra, isihali mundu wangatoka erikola.

Emibiri 20:24

Nĩkwa ngaganza engebe yage nga si kindu, inatoka eribuga obukwenda bwage, nʼomũbĩrĩ ogo Mukama Yesu amba erikola, eryo nĩ tũla Engulu Yowene yʼolukogo lwa Nyamuhanga.

Emibiri 26:26

Kusangwa omwami anasĩ emyatsi eyĩ, kandi ngabũga naye butsira eriubaha, kusangwa nabiriminya ndeke kwʼanasĩ oko myatsi yosĩ eyĩ, kusangwa ebĩ mobitetakolwa omo bũbĩso-bĩso.

AbanyaFilipi 1:28

Simubahe nʼahake esyonzĩgũ syenyũ, ekĩ kĩkamĩnyĩsayabo ngoko bakandisyahera. Nĩkwa ĩnywe mukandisyalama, kusangwa ebyosĩ bĩkalũa ewa Nyamuhanga.

AbaEbrania 4:13

Sihali ekĩhangĩkĩre ekĩbĩsamĩre uku Nyamuhanga. Nĩkwa ebyosĩ bisanzukere, kandi biminyikere omo meso wa Nyamuhanga. Kandi twasyayĩbalya ukwʼiye.

1 Petero 4:1

Neryo kusangwa Kristo abiriagalwa omo mubiri, nenyũ nibya mũyĩsũnze obũlengekanĩa obo, kusangwa oyukagalawa omo mubiri abĩrĩũmbya oko bibi.

Eribisurirwa 2:23

Kandi nasyĩta abana buwe omo kasũsũ. Neryo esyokanĩsa syosĩ syasyaminya ko ndi oyukasonda-sonda amalengekanĩa nʼemitima. Nasyaha obuli mundu ũkwʼĩnywe ngʼemĩbĩrĩ yiwe ko yiri.