Luka 6:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Mutseme ekiro ekyo, muyisumbe omo butseme, kusangwa, oluhembo lwenyũ ni lungi elubula; kusangwa aboso-kulu wabo mobakola abamĩnyererĩ bo batya.

Nouveau Testament et Psaumes en Ndandi Version 1962

²³ Mutseme ekiro ekyo, muyisumbe omo butseme, kusangwa lebaya, oluhembo lwenyu ni lungi omo lubula; kusangwa ritya abotata wabo bakola abaminyereri.

Luka 6:23 Iomraidhean Croise

2 Samwelĩ 6:16

Neryo omugulu erĩsandũko lyʼOmwami Mukulu lingira omo mũyĩ wa Dawĩdĩ, Mĩkalĩ mwali wa Saũlo mwaleberya omwʼĩdĩrĩsa mwalangira omwami Dawĩdĩ akayisumbanga nʼerisatira embere syʼOmwami Mukulu; neryo mwamupona omo mutima wuwe.

1 Abami 18:4

kusangwa omugulu Yezebele ĩta abamĩnyererĩ bʼOmwami Mukulu, Obadĩa mwatwala abamĩnyererĩ erĩgana mwabĩsabo mo makũmĩ atanu-atanu omo mwangalũ, mwalĩsyabo akalyo nʼamagetsi.

1 Abami 19:10

Naye mwabũga ati, Nabiribya nʼobũha bunene busana nʼOmwami Mukulu, Nyamuhanga Wʼemilondo; kusangwa abana ba Ĩsraelĩ babĩrĩsĩganĩa endagano yawe, nʼerĩterya ebiherero byawe, nʼerĩĩta abamĩnyererĩ bawe bʼomo mũyalĩ; nage, ĩngye nyĩkĩnasĩya; kandi bakasondaya engebe yage erĩnyĩta.

1 Abami 19:14

Naye mwabũga ati, Nabiribya nʼobũha bunene busana nʼOmwami Mukulu, Nyamuhanga Wʼemilondo; kusangwa abana ba Ĩsraelĩ babĩrĩsĩganĩa endagano yawe, nʼerĩterya ekiherero kyawe, nʼerĩĩta abamĩnyererĩ bawe bʼomo mũyalĩ. Nage ĩngyowene, nabĩrĩsĩgala; kandi bakasondaya engebe yage, erĩlũsyayo.

1 Abami 19:2

Neryo Yezebelĩ mwatuma omukwenda uku Elĩya, ati, Esyonyamuhanga sinyikole ekĩ, na kwilaba aho namatindayira engebe yawe eribya ngʼengebe yʼomuguma wa kubo, omo ngyakya oko ndambĩ ngʼeno.

1 Abami 21:20

Na Ahabũ mwabwira Elĩya, ati, Wabĩrĩnyeya uwe nzĩgũ yage kwehĩ? Naye mwasũbĩrya ati, Nabĩrĩkweya kusangwa wabĩrĩyĩgũlya erikola ekibi omo meso wʼOmwami Mukulu.

1 Abami 22:27

mũbũge muti, Omwami amabũga ati, Mũhĩre omundu oyũ omo mũlĩkĩ, mũmũlĩsaye akalyo kʼobũlĩge nʼamagetsi wʼobũlĩge, erĩhĩka aho nasyasubulira buholo.

1 Abami 22:8

Nʼomwami wʼAbaĩsraelĩ mwabwira Yehosafatĩ ati, Hakine mundu muguma wangatũbũlĩrya Omwami Mukulu, ye Mĩkaya mugala wa Ĩmũla; nĩkwa nyĩmũponĩre; kusangwa sialiminyerera ebibuya busana nage, bye nʼebibi. Na Yehosafatĩ mwabũga ati, Omwami sĩabũge atya.

2 Abami 6:31

Neryo mwabũga ati, Nyamuhanga sĩanzĩge, omutwe wa Elĩsa mugala wa Safatĩ amamũsĩgalako mũnabwĩre.

2 Emyatsi yʼEmigulu 36:16

Nĩkwa mobasekererya abakwenda ba Nyamuhanga, nʼeripona ebĩnywa biwe, nʼerĩsekererya abamĩnyererĩ buwe, erĩhĩka aho erihitana lyʼOmwami Mukulu lyakala oko bandu buwe, erĩhĩka ahate mulamo.

Nehemĩa 9:26

Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Esyonyimbo 58:11

Abandu basyabũga bati, Abatunganene bakahembawa; Kwenene hali Nyamuhanga oyukatswera ekihugo!

Ĩsaya 35:6

Oko mugulu oyo olugata lwasyatũa ebika ngʼengabi, nʼolulimi lwʼerĩkĩrũ lwasyũta obogo bwʼobutseme, kusangwa omo lukurutsu mwasyabutuka amagetsi, nʼesyonyũsĩ omo mbwarara.

Yeremĩa 2:30

Mongaswĩrĩraya bagala bawe bo busa. Mobatalĩga erikungwa. Omũyalĩ wenyũ abĩrĩĩta abamĩnyererĩ benyũ, ngʼendale eyĩkaheraya.

Malakĩ 4:1

Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi.

Matayo 5:12

Mutseme, mutsange kutsibu, kusangwa oluhembo lwenyũ ni lungi elubula. Ko banendereraya batya abamĩnyererĩ ababya embere syenyũ.

Luka 1:41

Omugulu Elĩzabetĩ owa erĩkerya lya Marĩa, omwana mwayisumba omo nda yiwe; neryo Elĩzabetĩ mũsũlĩbwa nʼOmũlĩmũ Abũyĩrĩre.

Luka 1:44

Kusangwa omugulu ĩndĩowa omulenge wʼerĩkerya lyawe, omwana mwakayisumba omo nda yage nʼobutseme.

Luka 6:35

Nĩkwa mwanze esyonzĩgũ syenyũ, mokolerebo ebibuya, mubweke, simusonde eribwekulwa. Nʼoluhembo lwenyũ lwasyabya lungi, kandi nenyũ mwasyabya bagala bʼOwendata Kutsibu; kusangwa ni mwenge oko batesĩma nʼabandu babi.

Emibiri 14:10

Neryo Paũlo mwamubwira nʼomulenge munene ati, Hangana, wimane omo bisando byawe! Neryo omundu oyo mwabatuka, mwatsũka erigenda.

Emibiri 3:8

Neryo mwatwa ekyika, nʼeriimana ndeke, mwatsũka eriyigendera. Kandi mwingira omo Hekalũ haguma nabo, akayigendera, nʼerĩtwa ebika, nʼeripipa Nyamuhanga.

Emibiri 5:41

Neryo abakwenda mobalũa omwʼĩbũgĩro ibanemutsema bati Nyamuhanga akaganzabo ngʼabatolere erihemulwa busana nʼerĩna lya Yesu.

AbanyaRoma 5:3

Nĩkwa tukatsema omo malĩge wetu, kusangwa tũnasĩ obũlĩge bukaleta erĩyĩyĩnĩa.

2 AbanyaKorinto 12:10

Neryo ngatsemera obolo, bwʼeritsumwa, nʼamalĩge, nʼerĩendererĩbwa, nʼemyatsi eyĩkalĩre, busana na Kristo. Kusangwa omugulu indi molo, indi mbangĩ.

AbanyaKolosai 1:24

Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe.

2 Timoteo 2:12

Twamayĩyĩnĩa, twasyatabala nibya ha­guma naye; Twamamugana, naye asyatugana;

AbaEbrania 11:26

Musa mwaganza erĩsekererĩbwa busana na Kristo nga ndũndĩ nene eyĩlabĩre obuteke bosĩ bwʼeMĩsĩrĩ, kusangwa abya akayiketera oluhembo.

AbaEbrania 11:6

Kandi ahate erĩkĩrĩrya omundu siangatoka erĩtsemesya Nyamuhanga, kusangwa litolere oyũkahĩka uku Nyamuhanga ĩnĩkĩrĩrya ko Nyamuhanga aneho, kandi kwʼakahemba abakamusonda-sonda.

Yakobo 1:2

Balĩkyetu, omugulu mukabana erirengwako mĩsĩndo-mĩsĩndo, mubye nʼobutseme.

1 Petero 4:13

Nĩkwa mutseme kusangwa mukasangira amalĩge wa Kristo. Neryo omugulu olukengerwa luwe lwasyabĩsũlwa, imwatoka eritsema nʼeritsanga.

Eribisurirwa 2:17

Oyuwite amatwĩ, owe ebyo Mũlĩmũ akabwira esyokanĩsa! Oyũkakĩnda, nasyamuha oko mana awabĩsĩre. Kandi nasyamuha erĩbwe lyeru-lyeru, erĩsakĩreko erĩna lihya-lihya, erĩtasĩbwe nʼomundu yo nʼoyukangiriralyo.

Eribisurirwa 2:26

Nʼoyũkakĩnda nʼoyukakola emĩbĩrĩ yage erĩhĩka oko ndũlĩ, nasyamuha ehamũlĩ eritabala oko Bihanda.

Eribisurirwa 2:7

Oyuwite amatwĩ owe ebyo Mũlĩmũ akabwira esyokanĩsa! Oyũkakĩnda, nasyamuha ehamũlĩ yʼerirya oko bĩgũma byʼomuti wʼengebe, owakalasa omo Paradĩso, yʼeririma lya Nyamuhanga.

Eribisurirwa 21:7

Oyũkakĩnda nasyamuha emyatsi eyĩ: Nasyabya Nyamuhanga wuwe, naye asyabya mugala wage.

Eribisurirwa 3:12

Oyukakinda, nasyamuyira mo ndũyĩ yʼomo Hekalũ ya Nyamuhanga wage, kandi isiendĩsyalũamo kera na kera. Kandi nasyamusaka kwʼerĩna lya Nyamuhanga wage, nʼerĩna lyʼomũyĩ wa Nyamuhanga wage, go mũyĩ wʼeYerũsalema muhya-muhya, owakandisyandagala akalũa elubula uku Nyamuhanga wage. Kandi nasyamusakako erĩna lyage lihya-lihya.

Eribisurirwa 3:5

Oyũkakĩnda asyambalĩbwa esyongimba nyeru-nyeru, kandi sindiendisyasangula erĩna liwe omo kitabu kyʼengebe. Nasyakangya erĩna liwe embere sya Tata wage, nʼabamalaĩka buwe.