Luka 5:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo omugulu Yesu abya oko mũyĩ muguma, habya omundu oyũkwĩre ebihaga byo kutsibu; neryo abere alangira Yesu, mwalambama ahisi oko bũsũ buwe, mwamulemba-lemba ati, Mukama, wamabya, ũnanzĩre wangatoka erĩnyĩlamya.

Nouveau Testament et Psaumes en Ndandi Version 1962

¹² Nomugulu abya oko muyi muguma, mohahika omundu inialwere ebihaga bingi; abere alola oko Yesu mwalambama ahisi oko busu buwe mwamugonga-gonga ati, Mukama, wa mabya wanzire, wangatoka erinyerya.

Luka 5:12 Iomraidhean Croise

Enzũko 18:14

Ko hane kindu ekyangatoka erĩsĩnga Omwami Mukulu kwehĩ? Oko mugulu ahulawa nasyasuba eyo guli, oko mugulu ono, oko mwaka owakasa, Sara asyabana mugala.

1 Abami 18:39

Nʼomugulu abandu bosĩ balangirakyo mobawa ahisi oko mũsũ wabo; mobabũga bati, Omwami Mukulu yo na Nyamuhanga; Omwami Mukulu yo na Nyamuhanga.

2 Abami 5:1

Neryo Namanĩ, omukulu wʼemilondo yʼOmwami wʼeSũrĩa, abya mundu mukulu embere wʼomukama wuwe, nʼowʼerĩsĩkĩbwa, kusangwa busana naye Omwami Mukulu mwaha eSũrĩa erĩkĩnda; kandi abya mbangĩ owʼamaka nĩkwa abya muhaga.

2 Abami 5:27

Busana nʼekyo ebihaga bya Namanĩ byasyakwamakirira, nʼoko bana bawe erĩhĩka kera na kera. Neryo Gehazĩ mwalũa embere siwe iniamabibya muhaga ĩnĩahenĩrye ngʼenzururu.

2 Abami 7:3

Neryo habya abahaga bani oko lũkyo lʼomũyĩ nabo mobabwirana bati, Busana nakĩ twĩkere hano erĩhĩka aho tukandisyaholera kwehĩ?

1 Emyatsi yʼEmigulu 21:16

Na Dawĩdĩ mwasumba ameso wuwe mwalangira omũlaĩka wʼOmwami Mukulu inianimene omo katĩkatĩ kʼekihugo nʼolubula, iniawite oko mũyalĩ owakũlĩre omo byala biwe ĩnĩayĩsũmbĩre endata oko Yerũsalema. Neryo Dawĩdĩ nʼabakulu, ibambite emisarandwe, mobatũlama ahisi.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Esyonyimbo 91:15

Omugulu bakanyilakira, nasyasũbĩryabo; Omugulu bali omo bũlĩge, nasyabya haguma nabo. Nasyalamyabo nʼerĩsĩkyabo.

Erĩlũayo 4:6

Kandi Omwami Mukulu mwamubwira ati, Hĩra lino ebyala byawe byʼoko kĩkũba kyawe; neryo mwahĩra ebyala biwe byʼoko kĩkũba kiwe; nʼomugulu alũsaya byoko, ebyala biwe ibyamabibya kwʼebihaga, ebĩhenĩrye ngʼenzururu.

Abalawĩ 13:16

Kutse omubiri mubisi amasuba, iniahinduka mo mweru, neryo asyahĩka oko mũhererĩ;

Abalawĩ 9:24

Nʼomuliro mwahuluka embere syʼOmwami Mukulu, mwakĩrĩrya obuhere bwʼerĩokererya nʼebitswe byʼebĩsabũ oko kiherero; nʼomugulu abandu bosĩ balangirago, mobasumba emirenge mobawira oko mũsũ wabo.

Matayo 26:6

Omugulu Yesu abya eBetanĩa omo nyũmba ya Sĩmonĩ omuhaga,

Matayo 9:28

Neryo Yesu abere abingira omo nyũmba, esyondĩmatĩme esyo mosyamũhĩkako, neryo Yesu mwabũlyabo ati, Mwĩkĩrĩrye muti, nangatoka erikola ekĩ kwehĩ? Nabo mobamubwira bati, Ega Mukama.

Mariko 5:23

neryo mwamulemba-lemba kutsibu ati, Mwali wage mulere alwere kutsibu-tsibu, kumbe Wamasa nʼerĩhĩra ebyala byawe ukwʼiye, atoke erilama nʼeribyaho!

Luka 17:16

Neryo mwakũkama ahisi embere syʼebisando bya Yesu, nʼerimuha ewasĩngya. Omuhaga oyo abya Mũsamarĩa.

Luka 5:13

Neryo Yesu mwakakya ebyala biwe mwamũtũlako ati, Nyĩnanzĩre; ũlamĩbawe, neryo-neryo ebihaga biwe mobyamũlũako.

Eryibuka Ebihano 24:8

Mũyĩtegaye busana nʼekĩhũnzo kyʼebihaga, mukwamirire kutsibu erikola ngʼebyosĩ abahererĩ Abalawĩ basyabakangĩrĩrya; ngoko nahanabo, ko mwasyakwamirira erikola mutya.

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.

Yosũa 5:14

Naye mwabũga ati, Iyihi; nĩkwa namasa ngʼomunya-mwami wʼemilondo yʼOmwami Mukulu. Neryo Yosũa mũnamya obũsũ buwe bʼoko kitaka, kandi mwaramya, mwabũga naye ati, Omukama wage akabũgakĩ nʼomugombe wuwe kwehĩ?