Luka 4:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Neryo Yesu mwabũga nabo ati, Nyĩnasĩ mukandimbwira omũsyo oyũ ati, Omunganga, ũyĩlamaye; kandi mwasyambwira muti, Ukole hano eka wenyũ, ebyo wakola eKapernaũmũ ngoko towa, ubikole nʼena wenyũ eno.

Nouveau Testament et Psaumes en Ndandi Version 1962

²³ Naye mwabuga nabo ati, Kwenene mwasya mbwira omusyo oyu ati, Musaki, uyilamaye; ebyo tukowa kowakola eKapernauma, ukolebyo neno omo kihugo kyawe.

Luka 4:23 Iomraidhean Croise

Matayo 13:54

Neryo Yesu abere ahĩka eka wuwe, mwakangĩrĩryabo omo nyũmba yabo yʼerĩhĩndanamo. Neryo abandu mobasweka bati, Omundu oyũ alũsaya amenge aya go hahi kwehĩ? Kandi mwalũsya ebitiko-tiko ebĩ byo hahi kwehĩ?

Matayo 4:13

Neryo Yesu mwalũa eNazaretĩ, mwayĩkala eKapernaũmũ, omũyĩ owali hakũhĩ nʼengetsi yʼeGalĩlaya, omo kihugo kya Zebũlũnĩ na Nafũtalĩ.

Matayo 4:23

Kandi Yesu mwatĩmba eGalĩlaya hosĩ, erĩkangĩrĩrya omo manyũmba wabo wʼerĩhĩndanamo, nʼerĩtũlaganĩa Engulu Yowene yʼobwami, nʼerĩlamya abandu bʼobuli mũsĩndo wʼendwala, nʼobuli mũsĩndo wʼobũkonĩ omo katĩkatĩ kʼabandu.

Mariko 6:1

Neryo Yesu mwalũayo mwasuba eka wabo eyo aklulira; nʼabiga buwe mobamukwama.

Luka 2:39

Neryo babere babibuyirira ebyosĩ ebyo Migambo yʼomukama ĩkabũga, mobasuba eGalĩlaya, oko Nazaretĩ eka wabo.

Luka 2:51

Neryo Yesu mwasuba eNazaretĩ haguma nabo, neryo mwabya akowa ebyo bamubwira. Neryo nyĩnya wuwe mwabika emyatsi yosĩ eyĩ omo mutima wuwe.

Luka 4:16

Neryo Yesu mwaya eNazaretĩ aho akulira, nʼoko kiro kyʼeSabato mwaya omo nyũmba yʼerĩhĩndanamo ngʼemibere yiwe. Neryo mwahangana erisoma Amasako.

Luka 4:31

Neryo Yesu mwandagalira eKapernaũmũ, omũyĩ wʼeGalĩlaya. Nʼeyo abya akakangĩrĩrya bandu omo kiro kyʼeSabato.

Luka 4:35

Neryo Yesu mwakungayo ati, Ubye bũkũtũ, ũmũlwĩke! Nʼembĩnga moyamulunda ahisi omo katĩkatĩ kabo, moyamũlũako isiritamukola nabi.

Luka 6:42

Kutse wangatoka eribwira mũlĩkyenyũ uti kwehĩ? Uti, Mũlĩkyetu, uleke nyilole akati akali omo lĩso lyawe, nawe isulilangira ekĩtĩka ekiri omo lĩso lyawe. Uwe mũtebya, Ũtsũke erilola ekĩtĩka ekiri omo lĩso lyawe, neryo wasyalangira ndeke erilola akati akali omo lĩso lya mũlĩkyenyũ.

Yoane 4:28

Neryo omũkalĩ oyo mwasĩga erĩrega liwe, mwaya oko mũyĩ, mwabwira abandu bayo ati,

2 AbanyaKorinto 5:16

Nĩkwa lino sitweganza omundu ngoko bandu bʼomubiri bakaganza. Kandi nomo twangaganza Kristo ngʼabandu bʼomubiri ko bakaganza, nĩkwa lino sitwesyamuganza tutya.