Luka 4:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Omũlĩmũ wʼOmukama ali kwĩngye, Kusangwa abĩrĩnyĩhakabya erĩtũla Engulu Yowene yʼoko bera, Abirinyituma erĩtũlĩra obwĩranda oko banyegawa, Nʼeriswaha erilangira oko syondĩmatĩme, Eribohola abakanũbĩbawa,

Nouveau Testament et Psaumes en Ndandi Version 1962

¹⁸ EKirimu kyoMukama kiri endata kwingye, Kusangwa abirinyihakabya eritula engulu yowene okobera. Abirinyituma eritulira ababohire eriboholwa Nesyondimatime eribana erilangira, Eribohola abakanubibawa

Luka 4:18 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

2 Emyatsi yʼEmigulu 34:27

kusangwa omutima wawe abya olobĩre, nawe wabĩrĩyĩkehya embere sya Nyamuhanga, omugulu wowa ebĩnywa biwe busana na hano, na busana nʼesyondũlanĩ syʼaho, kandi wabĩrĩyĩkehya embere syage, nʼeritulanga esyongimba syawe, nʼeririra embere syage; Omwami Mukulu ati, Nabĩrĩkowa kwenene.

Esyonyimbo 102:20

Erĩowa erĩsĩmba lyʼabandu bʼomũlĩkĩ, Nʼeribohola abatswerawa okwʼihola.

Esyonyimbo 147:3

Akalamaya ababũnĩkĩre omo mutima, Akasenga-senga ebironda byabo.

Esyonyimbo 2:2

Abami bʼekihugo bakayisamambula, Nʼabatabalĩ, bakaya embĩta yo haguma Bakalwa nʼOmwami Mukulu, kandi bakalwa na Kristo wuwe.

Esyonyimbo 2:6

Ati, Nabĩrĩsĩngya omwami wage, Oko kitwa kyage kĩbũyĩrĩre kyʼeSĩonĩ.

Esyonyimbo 34:18

Omwami Mukulu ali hakũhĩ nʼabʼemitima ĩbũnangĩkĩre, Akalamaya abatawite amaha.

Esyonyimbo 45:7

Wanzĩre eritunganene, kandi ũkakwa ebibi byʼobusu, Kikaleka Nyamuhanga, ye Nyamuhanga wawe, akayisoga we, Kandi abĩrĩkũtũlĩra kwʼobutseme kwilaba obo akaha abandi.

Esyonyimbo 51:17

Amahere wage, Nyamuhanga, nĩ kĩrĩmũ ekĩkowa; Uwe Nyamuhanga, siwendigana omutima owakowa nʼowʼerikenga.

Ĩsaya 32:3

Nʼameso wabo abakalangira sĩendĩsyalĩma-lĩma, nʼamatwĩ wʼabakowa asyahulikirira.

Ĩsaya 35:5

Nʼoko mugulu oyo ameso wʼesyondĩma-tĩme asyalĩbũlwa, nʼamatwĩ wʼabatsiha asyahundukala.

Ĩsaya 42:7

erĩrĩbũla ameso wʼesyondĩma-tĩme, erĩhũlũkya ababohwa omo buhya bʼomũlĩkĩ, nʼerĩlũsya abĩkere omo mwĩrĩmya balũe omo nyũmba yʼomũlĩkĩ.

Ĩsaya 45:13

Nabĩrĩmũhanganĩa omo lituganene, kandi nasyatenderya esyonzira siwe syosĩ. Asyahĩmba omũyĩ wage, kandi nʼeribohola abasayĩ bage butsira eririha kutse luhembo, Omwami Mukulu wʼemilondo atya.

Ĩsaya 49:9

Nʼeribwira ababohĩre, nyiti, Muhuluke; nʼeribwira abali omo mwĩrĩmya nyiti, Mũyĩkanganaye. Basyalira omo nzira, nʼahendata hosĩ hasyabya obũlĩsĩryo bwabo.

Ĩsaya 50:4

Omukama Omwami Mukulu abirinyiha olulimi lwʼomwiga, inabana eriminya erĩsĩkya oyukaluha omo kĩnywa. Akanyĩbũkaya obuli ngyakya akabũkaya okũtũ kwage erihulikirira ngʼomwiga.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Ĩsaya 59:21

Nĩkwa ĩngye, Mwami Mukulu, nyiti, Eyĩ ni ndagano yage haguma nabo, Ekĩrĩmũ kyage ekiri ukʼuwe, nʼebĩnywa byage ebyo nabĩrĩhĩra omo buno bwawe, sibyendisyateruka omo buno bwawe, kutse omo buno bwʼabana bawe, kutse omo buno bwʼabitsikulu bawe, Omwami Mukulu atya, erĩtsũka lino nʼerĩhĩka kera na kera.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Ĩsaya 66:2

Kusangwa ebyala byage byo byakola ebĩ byosĩ, nʼebindu ebĩ byosĩ mobyabyaho bitya, Omwami Mukulu atya. Nĩkwa nasyasamalira omundu oyũkayĩkehaya nʼowʼekĩrĩmũ kihehere, nʼoyukatitimana busana nʼekĩnywa kyage.

Ezekĩelĩ 9:4

Neryo Omwami Mukulu mwamubwira ati, Ulabe omo mũyĩ, Ulabe omo Yerũsalema, ũhĩre ekiminyikalo omo syombũmo syʼabandu abakahumulikana nʼerĩsĩmba busana nʼesyonye syosĩ esikakolawa omo katĩkatĩ kago.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Zefania 3:12

Nĩkwa nasyasĩga omo katĩkatĩ kenyũ abandu abakayĩkehaya nʼabandu bolo, kandi basyabana ahʼerisagira omo lĩna lyʼOmwami Mukulu.

Zekarĩa 11:11

Nayo moyatwĩka ekiro ekyo; neryo litya emĩbondũ yʼesyombũlĩ eyanyowa moyaminya ko kyabya kĩnywa kyʼOmwami Mukulu.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Matayo 11:5

Esyondĩmatĩme sirimulangira, nʼebirema birimugenda, abahaga bakalamĩbawa nʼabatsiha balĩmowa, nʼabaholĩ banemũlũbũkĩbwa, nʼEngulu Yowene ĩrĩmũtũlaganĩbwa oko bera.

Matayo 12:18

Lebaya, Omugombe wage oyo nabiriyisoga; Omwanze wage, omutima wage amatsemesĩbwa busana naye. Nasyamũhĩra kʼOmũlĩmũ wage, Naye asyakanganĩa erĩbanza oko bandu bosĩ.

Matayo 12:20

Siendĩsyatwa oluseke lũbũnĩkĩre, Kandi siendisyahũmberya embũmba eyĩkatũmba. Erĩhĩka aho asyalekera erĩbanza ĩryakĩnda.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Matayo 5:3

Obutseme buli oko basĩ ko bali nʼobwaga bwa Nyamuhanga, Kusangwa Obwami bwʼelubula ni bwabo!

Luka 4:17

Neryo mobamuha ekitabu kyʼomũmĩnyererĩ Ĩsaya. Neryo mwalĩngola ekitabu ekyo, mwabana ahasakĩre hati,

Luka 6:20

Nʼerisamalira abiga buwe, Yesu mwatsũka erĩbũga ati, Obutseme buli nenyũ ĩnywe bera, Kusangwa obwami bwa Nyamuhanga nĩ bwenyũ!

Luka 7:22

Neryo Yesu mwasũbĩrya abakwenda abo ati, Mugende, mubwire Yoane, ebyo mwabirilangira nʼebyo mwabĩrĩowa, muti, esyondĩmatĩme sirimulangira, nʼebirema birimugenda, abahaga bakalamĩbawa, abatsiha balĩmowa, abaholĩ balĩmũlũbũkĩbwa, nʼEngulu Yowene ĩkatũlawa oko bera.

Yoane 1:41

Neryo Anderea mwatsũka eriyabana mugala wabo ye Sĩmonĩ, mwamubwira ati, Twabiribana Masĩya, (Ekĩnywa ekĩ kiti, Kristo).

Yoane 12:46

Nabĩrĩhĩka muna-kihugo ngʼekyakakala, neryo oyũkanyĩkĩrĩraya sĩasyĩkala omo mwĩrĩmya.

Yoane 3:34

Kusangwa oyo Nyamuhanga abirituma akabũga ebĩnywa bya Nyamuhanga, kusangwa Nyamuhanga sialirengera mundu yʼOmũlĩmũ wuwe.

Emibiri 10:38

Kandi mũnasĩ Yesu wʼeNazaretĩ, ngoko Nyamuhanga amũtũlĩra Omũlĩmũ Abũyĩrĩre nʼobũtokĩ. Yesu mwalendera ehosĩ akakola ebibuya, nʼerĩlamya abosĩ abanũbĩbawa nʼeSatanĩ, kusangwa Nyamuhanga abya haguma naye.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

Emibiri 4:26

Busana nakĩ, ebihanda bikahitana kwehĩ? Busana nakĩ abandu bakaya embĩta ya busa kwehĩ? Abami bʼekihugo bakayisamambula, Nʼabatabalĩ bakaya embĩta yo haguma, Bakalwa nʼOmwami Mukulu, Kandi bakalwa na Kristo wuwe.

Emibiri 4:27

Kusangwa kwenene Herode na Pontĩo Pilato, haguma nʼEbihanda nʼabandu ba Ĩsraelĩ, mobahĩndana haguma omo mũyĩ, erilwa nʼomugombe wawe oyũbũyĩrĩre ye Yesu, oyo wayira mo Kristo.

AbanyaKolosai 1:13

Kusangwa mwatusabula oko hamũlĩ yʼobwami bwʼomwĩrĩmya nʼerĩtũhũmĩrya omo bwami bwʼomugala wuwe mwanze.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.