Luka 4:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Neryo mwakangĩrĩrya omo manyũmba wabo wʼerĩhĩndanamo, iniakapipawa nʼabandu bosĩ.

Nouveau Testament et Psaumes en Ndandi Version 1962

¹⁵ Mwakangirirya omo manyumba wabo werihindana, akapipwa nabosi.

Luka 4:15 Iomraidhean Croise

Ĩsaya 55:5

Talebaya, wasyabirikira ekihanda ekyo utabya wasĩ nʼekihanda kitabya kĩkwasĩ kyasyakusayirako, busana nʼOmwami Mukulu Nyamuhanga wawe, nʼoyũbũyĩrĩre wa Ĩsraelĩ, kusangwa abirikupipa.

Matayo 13:54

Neryo Yesu abere ahĩka eka wuwe, mwakangĩrĩryabo omo nyũmba yabo yʼerĩhĩndanamo. Neryo abandu mobasweka bati, Omundu oyũ alũsaya amenge aya go hahi kwehĩ? Kandi mwalũsya ebitiko-tiko ebĩ byo hahi kwehĩ?

Matayo 4:23

Kandi Yesu mwatĩmba eGalĩlaya hosĩ, erĩkangĩrĩrya omo manyũmba wabo wʼerĩhĩndanamo, nʼerĩtũlaganĩa Engulu Yowene yʼobwami, nʼerĩlamya abandu bʼobuli mũsĩndo wʼendwala, nʼobuli mũsĩndo wʼobũkonĩ omo katĩkatĩ kʼabandu.

Matayo 9:35

Kandi Yesu mwalendera omo mĩyĩ yosĩ nʼoko hĩyĩ hyosĩ, iniakakangĩrĩraya omo manyũmba wabo wʼerĩhĩndanamo, nʼerĩtũlaganĩa Engulu Yowene yʼobwami, nʼerĩlamya obuli mũsĩndo wʼendwala nʼobuli mũsĩndo wʼobũkonĩ.

Matayo 9:8

Nĩkwa omugulu abandu balangira ekyo mobubaha, mobapipa Nyamuhanga oyo waha ehamũlĩ iri ngʼeyĩ yʼoko bandu.

Mariko 1:27

Neryo abandu bosĩ mobasweka. Mokyaleka ĩbabũlanĩa bati, Kwʼekĩ nĩkĩ? Nĩ ʼkangĩrĩrya lihya-lihya kwehĩ? Akahana ebĩrĩmũ bibi nʼehamũlĩ, nabyo ĩbyamowa.

Mariko 1:39

Kwʼalendera atya ehosĩ eGalĩlaya, ĩnĩakatũla Engulu Yowene omo manyũmba wʼerĩhĩndanamo, nʼerihiga esyombĩnga.

Mariko 1:45

Nĩkwa omundu oyo mwahuluka, mwatsũka erĩtũlago ehosĩ nʼerĩtũlaganĩa engulu eyo. Kyaleka Yesu iniatatoka erĩhĩka oko mũyĩ, nĩkwa mwĩkala ahate bandu, nĩkwa abandu mobasa eyo ali bakalũa ehosĩ.

Luka 13:10

Oko kiro kyʼeSabato Yesu abya akakangĩrĩrya omo nyũmba nguma yʼerĩhĩndanamo.

Luka 4:16

Neryo Yesu mwaya eNazaretĩ aho akulira, nʼoko kiro kyʼeSabato mwaya omo nyũmba yʼerĩhĩndanamo ngʼemibere yiwe. Neryo mwahangana erisoma Amasako.