Luka 3:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Abandu bangi mobaya uku Yoane busana nʼerĩbatĩsĩbwa. Nĩkwa mwabwirabo, ati, Ĩnywe bana bʼesyonzoka! Nindi yo wababwira ati musage erihitana lya Nyamuhanga erikandisyasa kwehĩ?

Nouveau Testament et Psaumes en Ndandi Version 1962

⁷ Neryo mwabuga oko syondeko esyahika eribatisibwa naye ati, Inywe bana besyonzoka! Nindi wabakengesaya erisaga eriagarirwa erikandisyasa kwehi?

Luka 3:7 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

Ĩsaya 59:5

Bakatwa amayi wʼenzoka, nʼeriluka Olutu lwʼekisengula. Oyukalya amayi wasyo akahola, nʼerĩkatũtĩbawa likahuluka mwʼenzoka.

Matayo 12:34

Ĩnywe bana bʼesyonzoka! Mwangatoka muti kwehĩ erĩbũga ebĩnywa bibuya imune babi kwehĩ? Kusangwa obuno bũkabũga ebyoswĩre omo mutima.

Matayo 23:33

Ĩywe nzoka, ĩnywe bana bʼesyonzoka! Mwasyabala muti olubanza lwʼomuliro wʼeKũlĩmũ.

Matayo 3:6

Mobakangya ebibi byabo, neryo Yoane mwabatĩsyabo omo lũsĩ lwʼeYorodanĩ.

Yoane 8:44

Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

Emibiri 13:10

nʼerimubwira ati, Uwe, goswĩre mwʼeriteba lyosĩ nʼobũlĩbalĩbanĩa, uwe mugala wʼeSatanĩ, uwe nzĩgũ yʼebitunganene byosĩ! Sĩwendĩsyũmbya erĩhengemya esyonzira situnganene syʼOmukama kwehĩ?

1 AbanyaTesalonika 1:10

Kandi imwatoka eririndirira Omugala wuwe erĩlũa elubula. Omugala wuwe oyo ni Yesu, oyo walũbũkĩbawa oko baholĩ, oyũkatũlamaya okwʼihitana lya Nyamuhanga erikandisyasa.

AbaEbrania 6:18

Neryo hali myatsi ĩbĩrĩ eyĩ eyitetoka eribinduka, kandi Nyamuhanga sialitoka eribiha muyo. Busana nʼemyatsi eyĩ, tukahanda emitima yo kutsibu, ĩtwe twabirisagira uku Nyamuhanga, tuhambe ndeke amaha awabĩrĩhĩrwa embere syetu.

1 Yoane 3:8

Nĩkwa oyukakola ebibi ni wʼeSatanĩ, kusangwa Satanĩ atula akakola ebibi erĩtsũka erĩmbere. Omugala wa Nyamuhanga mwaminyikala busana nʼomwatsi oyũ wʼerĩherya emĩbĩrĩ yʼeSatanĩ.