Luka 3:36 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁶ omugala wa Kaĩnana, omugala wa Arpakĩsadĩ, omugala wa Semũ, omugala wa Noa, omugala wa Lameke,

Nouveau Testament et Psaumes en Ndandi Version 1962

³⁶ wa Kainana, wa Arufaksadi, wa Semu, wa Noa, wa Lameki,

Luka 3:36 Iomraidhean Croise

Enzũko 5:3

Neryo Adamu abere abuga emyaka erĩgana nʼamakũmĩ asatu, mwabuta omugala oyũmũsosĩre, omo kĩsosekanĩo kiwe, mwahula erĩna liwe mo Setĩ.

Enzũko 6:22

Neryo Noa mwakola atya, ngoko Nyamuhanga amuhana.

Enzũko 7:13

Oko kiro ekyo, Noa, Semũ, Hamũ, na Yafetĩ, bagala ba Noa, muka Noa, nʼabalĩana buwe basatu, mobingira omo bwato.

Enzũko 7:23

Litya Omwami Mukulu mwalĩma obuli kindu ekyabyaho oko kihugo, omundu, esyonde, ebindu ebikakululuka, nʼesyonyonyũ syʼomo kyanya, mobyasangulwa erĩlũa oko kihugo, nina Noa musa yo wanasĩgalira, nʼababya haguma naye omo bwato,

Enzũko 8:1

Neryo Nyamuhanga mwibuka Noa, nʼesyonyama syosĩ, nʼesyonde syosĩ esyabya haguma naye omo bwato. Neryo Nyamuhanga mwalabya erihunga lyʼoko kihugo, neryo amagesti mwatsũka erihwako.

Enzũko 9:1

Neryo Nyamuhanga mwatsumula Noa nʼabagala buwe, mwabũga nabo ati, Mubute, mukanyirire, mũsũlaye ekihugo.

Enzũko 9:18

Neryo abagala ba Noa, abalũa omo bwato, babya Semũ, Hamũ, na Yafetĩ: neryo Hamũ nĩ ĩse wa Kanana.

1 Emyatsi yʼEmigulu 1:1

Adamu na Setĩ na Enosĩ;

1 Emyatsi yʼEmigulu 1:17

Abagala ba Semũ: Elamũ, na Asũrĩ, na Arpakĩsadĩ, na Lũdĩ, na Aramũ, na Ũzĩ, na Hũlĩ, na Geterĩ, na Mesekĩ.

Ezekĩelĩ 14:14

Omukama Iye Omwami Mukulu ati, Nomo abandu basatu aba, Noa, Danĩelĩ, na Yobũ, babya mukyo, mobayĩlamya ĩbobene omo litunganene ryabo.

Luka 17:27

Mobalya, mobapũlya, mobahĩkya, mobaherũkanĩa erĩhĩka oko kiro Noa ingira omo bwato, nʼerigunga lyʼamagetsi molyasa nʼerĩherya abosĩ.

Luka 3:35

omugala wa Serũgũ, omugala wa Reũ, omugala wa Pelegĩ, omugala wa Ĩberĩ, omugala wa Sela,

Luka 3:37

omugala wa Metũsela, omugala wa Enoka, omugala wa Yeredĩ, omugala wa Mahalalelĩ, omugala wa Kaĩnana,

AbaEbrania 11:7

Kandi busana nʼerĩkĩrĩrya, Noa iniakahanawa na Nyamuhanga busana nʼemyatsi eyite yalolwako, mwakenga Nyamuhanga; neryo mwakokotya obwato busana nʼerĩlamya ekĩtũnga kiwe. Busana nʼekĩ mwahĩra olubanza oko kihugo, neryo mwabana eritunganene erĩkahĩka omo nzira yʼerĩkĩrĩrya.

1 Petero 3:20

Ebĩrĩmũ ebĩ byabya ĩsĩbĩrĩowa Nyamuhanga, omugulu abya akalindabo omo butaluha oko biro ebyo Noa abya akahĩmba obwato. Nʼomo bwato obo abandu bake, Omunani musa, mobalamĩbwa omo magetsi ayo.

2 Petero 2:5

Kandi Nyamuhanga mwatabalya ekihugo kya kera, nĩkwa mwateya Noa omũtũlĩ wʼeritunganene haguma nʼabandi balinda, mwabalyabo ekiro aleta erigunga lyʼamagetsi oko kihugo kyʼabandu abatakenga Nyamuhanga.