Luka 3:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Naye mwasũbĩryabo ati, Oyuwite ehisomeko hibiri, ahe akaguma oko yutawiteko, nʼoyuwite akalyo ahe kuko kwʼabandi.

Nouveau Testament et Psaumes en Ndandi Version 1962

¹¹ Naye mwabwi rabo ati, Oyu wite esyokanzu ibiri, ahe oyu tawite; noyu awite akaryo, naye akole atya.

Luka 3:11 Iomraidhean Croise

Ezekĩelĩ 18:7

kandi omundu sĩalĩtanũbya mundu, nĩkwa abĩrĩsũbũlya oko mũbwekĩ omuwato wuwe, ĩsĩalĩtĩba, abiriha ebyalya biwe oko bawĩrĩ, kandi abiriswika abʼendũmbũ bʼesyongimba,

Danĩelĩ 4:27

Busana nʼekyo uwe mwami erihana ryage erĩ libane erĩkũtsemesya, uleke ebibi byawe busana nʼebitunganene, uleke amalolo wawe, Uganyire abera; kwamũhwa wanganabana erĩkanyĩrĩrya Obuholo bwawe.

Matayo 25:40

Nʼomwami oyo asyasũbĩryabo ati, Kwenene ngabũga nenyũ nyiti, Ngoko mwakolera omuguma gʼoko bagala betu bake-bake aba, momwakolakyo ũkwʼĩngye.

Luka 11:41

Nĩkwa mugabire abandu bera ebiri omwisi wʼolũtehĩ nʼekibindi, neryo ebyosĩ byasyera.

Luka 18:22

Neryo omugulu Yesu owa ekĩ, mwamubwira ati, Ũkĩsĩya erikola mwatsi muguma. Ũgũlaye ebyosĩ ebyo uwite ugabirebyo oko bera, nawe wasyabya nʼebindu elubula; neryo wase Unyikwame.

Luka 19:8

Neryo Zakayo mwahangana mwabwira Omukama ati, Lebaya, Mukama, ngaha ekihande kyʼebindu byage oko bera; kandi namabya naliteba mundu kwʼekindu kiwe ngandĩsũbũlyakyo ngendo ĩnĩ.

Yoane 13:29

Abandi baganĩraya bati kusangwa Yũda abya nʼengunza yʼesyofranka, Yesu mwamubwira ati, agule ebindu ebitutolere busana nʼeBiro Bikulu; kutse ahe ekindu oko bera.

Emibiri 10:2

Abya mundu wʼeKisomo, oyo wabya akaramya Nyamuhanga, iye nʼenyũmba yiwe yosĩ. Kandi mwabya akaha ebindu byʼoko bera bʼAbayũda, kandi abya akasaba Nyamuhanga emigulu yosĩ.

Emibiri 10:31

ati, Kornelĩo! Nyamuhanga abĩrĩowa erisaba lyawe, kandi abiryibuka olũsũnzo lwawe.

Emibiri 10:4

Neryo mwasamalira omũlaĩka oyo nʼeriubaha lĩnene, ati, Mukama, ũtĩkĩ kwehĩ? Neryo omũlaĩka mwamubwira ati, Nyamuhanga abĩrĩrĩga erisaba lyawe, nʼolũsũnzo lwawe, kandi abirikwibuka.

AbanyaEfeso 4:28

Omwĩbĩ syĩbe kandi, nĩkwa akole omũbĩrĩ owene omo byala biwe, iniatoka eribana akʼerirya kandi iniatoka erĩwatĩkya abera.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.

1 Timoteo 6:18

Kandi uhanebo uti, bakole ebibuya, babye abateke omo mikolere yowene bahĩtaye ndeke, kandi basangire ebindu byabo nʼabandi.

AbaEbrania 6:10

Kusangwa Nyamuhanga sialikola ekitatunganene. Siangibirirwa omũbĩrĩ wenyũ, nʼolwanzo olo mwakangaya busana naye, imwabirikolera, kandi mukinakolera abandu ba Nyamuhanga.

Yakobo 1:27

Ekisomo kibuya, ekite nʼebĩtĩsĩrĩre embere sya Nyamuhanga Tata kyekĩ: erĩwatĩkya esyongũbĩ nʼabakwakalĩ omo bũlĩge bwabo, kandi eriyihigula oko myatsi mibi yʼekihugo.

Yakobo 2:14

Balĩkyetu, nĩ ndũndĩ yahi busana nʼomundu oyũkabũga ati awite erĩkĩrĩrya, nĩkwa emĩbĩrĩ yiwe isĩrĩkangayalyo. Erĩkĩrĩrya eryo lyanganamũlamya kwehĩ?

1 Yoane 3:17

Omundu oyuwite ebindu byʼekihugo kino, neryo akalangira mũlĩkyabo ali nʼobwaga, ĩnĩakakalaya omutima wuwe nʼerĩmwĩma, awite olwanzo lwa Nyamuhanga omo mutima wuwe mo ati kwehĩ?

1 Yoane 4:20

Omundu amabũga ati, Nyanzĩre Nyamuhanga, ĩnĩakakwa mũlĩkyabo yʼobusu ini mũbehĩ. Kusangwa Oyũtanzĩre mũlĩkyabo oyo abirilolako, siangatoka erianza Nyamuhanga oyo ate atalolako.