Luka 24:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Neryo Yesu mwabwirabo ati, Ebĩ bye bĩnywa nababwira nyikine haguma nenyũ; emyatsi yosĩ eyasakawa busana nage omo Migambo ya Musa nʼebitabu byʼabamĩnyererĩ nʼomo Syonyimbo, yabya itolere iyabererera.

Nouveau Testament et Psaumes en Ndandi Version 1962

⁴⁴ Kandi mwabuga nabo ati. Ebi bye binywa nababwira, nyikine haguma nenyu, ebyosi byasakawa busana nage omo bihano bya Musa na baminyereri nomo syosauma bitoke eri bererera.

Luka 24:44 Iomraidhean Croise

Enzũko 14:18

Neryo Melkĩsedekĩ Omwami wʼeSalemĩ mwaleta obundu nʼebĩnyũ. Naye abya mũhererĩ wa Nyamuhanga Wʼendata Kutsibu.

Enzũko 22:18

Kandi Nasyatsumula ebihanda byosĩ byʼekihugo kusangwa wabirikenga omulenge wage.

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

Enzũko 49:10

Omũtso wʼobwami sĩendĩsyalũa uku Yũda, Kutse omũtso wʼomũtabalĩ sĩendĩsyalũa hakũhĩ nʼebisando biwe, Erĩhĩka aho Sĩlo asyasira; Kandi abandu basyamowa.

Esyonyimbo 118:22

Erĩbwe eryo abahĩmba babana nga buyira, Lyabiribya erĩbwe ryʼesondo erĩkatũngananaya enyũmba.

Ĩsaya 28:16

Busana nʼekyo Omukama Omwami Mukulu ati, Lebaya, ngahĩmba eSĩonĩ erĩbwe, erĩbwe eryabirirengwako, erĩbwe ryʼenũnga lyʼobũgũlĩ bunene busana nʼekibanza, eryabirihandwa ndeke. Nʼoyũkĩkĩrĩraya siendisyahemuka.

Ĩsaya 52:13

Lebaya, omugombe wage asyagasa, asyabya endata nʼerisumbirwa endata, asyahamĩbwa kutsibu.

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Yeremĩa 33:14

Lebaya, Omwami Mukulu ati, ebiro bikasa, aho nasyaberererya ekĩnywa kibuya ekyo nabũga busana nʼekĩtũnga kya Ĩsraelĩ na busana nʼekĩtũnga kya Yũda.

Ezekĩelĩ 17:22

Omukama Iye Omwami Mukulu ati, Nasyĩmya Omutahi oko mutwe wʼendata wʼomuti wʼomũerezĩ nasyaherago. Nasyatũa akatahi kalere kolo-kolo akali oko mutwe-mutwe, nasyaherako oko kitwa kiri-kiri endata.

Ezekĩelĩ 34:23

Nasyahĩra omũlĩsya muguma kusyo, naye asyalĩsyasyo, iye omukobe wage Dawĩdĩ. Asyalĩsyasyo, iniabya mũlĩsya wasyo.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 7:13

Kandi monasiba ngalangira omwʼilota lyʼekiro, neryo, lebaya, oyũsosĩre omugala wʼomundu mwasa omo bĩtũ byʼelubula, mwahĩka oko Mukulu Wʼebiro, mobamuleta hakũhĩ embere siwe.

Hosea 3:5

Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.

Amosĩ 9:11

Oko kiro ekyo nasyasingika enyũmba ya Dawĩdĩ eyatera, nʼeririba ebihundu byayo; nasyahanganĩa ahasambukala, nʼerĩswahĩmbayo ngoko yabya kera;

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Zekarĩa 13:7

Uwe mũyalĩ, ũsĩsĩmũke, ulwe nʼomũlĩsya wage, ulwe nʼomundu oyuli mukulu nga ngye, Omwami Mukulu Wʼemilondo akabũga atya; mũswĩraye omũlĩsya, esyombũlĩ sipanza-panzawe; nage nasyabindula ebyala byage nʼerĩhĩrabyo oko balere.

Zekarĩa 14:4

Nʼebisando biwe byasyahangana oko kiro ekyo oko kitwa kyʼeMĩzeĩtũnĩ, ekiri embere syʼeYerũsalema ebwanga bwʼendata; nʼekitwa kyʼeMĩzeĩtũnĩ kyasyatulwa omo katĩkatĩ erĩlolya endata nʼerĩlolya eyĩkwa, busana nʼomusya munene kutsibu; nʼoluhande lwʼekitwa lwasyasegera erĩlolya elutambi lwʼendata, nʼolundi luhande lwakyo lwasyalolya elutambi lwʼeyĩkwa.

Zekarĩa 6:12

Mumubwire muti, Omwami Mukulu Wʼemilondo akabũga ati, Lebaya, omundu oyukahulawa mo Mutahi; naye asyalasya emitahi aho wuwe; kandi asyahĩmba eHekalũ yʼOmwami Mukulu.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Emiganzo 21:8

Neryo Omwami Mukulu mwabũga na Musa ati, Uyikolere enzoka yʼomulinga, ũhĩreyo oko muti; neryo kyasyabya, obuli mundu oyo wabirilumwa, omugulu akasamalirayo, asyabyaho.

Emiganzo 35:25

Nʼendeko yasyalamya oyũlĩta omundu omo byala byʼomũkĩsya wʼomusasi, nʼendeko yasyamũsũbya oko mũyĩ wuwe wʼeribalirako, ogo asagirako; naye asyĩkalamo erĩhĩka oko luholo lwʼomũhererĩ mukulu, oyo wahakabĩbawa amagũta abũyĩrĩre.

Matayo 1:22

Nĩkwa ebyosĩ ebĩ mobyabya bitya erĩberererya ebyo Mukama abũgĩra omo mũmĩnyererĩ ati,

Matayo 16:21

Erĩtsũka omugulu oyo Yesu Kristo mwatsũka erĩkangya abiga buwe kwʼatolere eriya eYerũsalema, nʼerĩagalĩbwa omo myatsi mingi nʼabakulu, nʼoko bahererĩ bakulu, nʼabakangĩrĩrya bʼEmigambo, nʼerĩĩtwa, nʼerĩlũbũkĩbwa enyũma wʼebiro bisatu.

Matayo 26:54

Nĩkwa Amasako asyabererera ati awakabuga ati, Litolere ibyabya bitya?

Matayo 26:56

Nĩkwa ebyosĩ ebĩ byabiribya bitya erĩberererya ebyo bamĩnyererĩ basaka. Neryo abiga bosĩ mobamutswako, mobatibita.

Mariko 9:31

Neryo Yesu mwabwira abiga buwe ati, Omugala wʼomundu asyahoterwa oko bandu, nabo basyamwĩta; neryo enyũma wʼebiro bisatu asyalũbũka.

Luka 21:22

Kusangwa ebiro ebĩ ni biro byʼerĩkĩsya, erĩberererya ebyosĩ byasakawa.

Luka 22:37

Kusangwa ngababwira nyiti ekĩsakĩre kitolere ikyabererera busana nage kiti, Aganzawa haguma nʼabakola-nabi. Kusangwa ekikanyahula kikabererera.

Luka 24:46

Kandi Yesu mwabwirabo ati, Kĩsakĩre kiti, Kristo atolere eriagalwa nʼerĩlũbũka enyũma wʼebiro bisatu.

Luka 9:22

ati, Omugala wʼOmundu atolere iniagalwa kutsibu, nʼeriganwa nʼabakulu, nʼabahererĩ bakulu, nʼabakangĩrĩrya bʼEmigambo nʼakandi ĩnĩĩtwa, neryo enyũma wʼebiro bisatu ĩnĩalũbũkĩbwa.

Luka 9:44

Nĩkwa omugulu abandu bosĩ babya bakaswekera emĩbĩrĩ Yesu abya akakola, Yesu mwabwira abiga buwe ati, Muhulikirire ebĩnywa ebĩ, kusangwa Omugala wʼOmundu asyahoterwa oko bandu.

Yoane 3:14

Ngoko Musa asumbira enzoka yʼendata omo mbwarara, litya Omugala wʼOmundu atolere erisumbirwa endata.

Yoane 5:39

Mukasoma Amasako, kusangwa mũkaganĩraya muti muwite engebe yʼerikota. Kandi Amasako ayo akatũlago busana nage!

Yoane 5:46

Kusangwa kumbe mwĩkĩrĩraya uku Musa, nga mwanganyĩkĩrĩrye; kusangwa iye mwasaka emyatsi yage.

Emibiri 13:40

Neryo mũtegaye omwatsi ogo abamĩnyererĩ bahula akasyabahĩkako, bati,

Emibiri 2:27

Kusangwa sĩwendĩsyasĩga ekĩrĩmũ kyage omo Kũlĩmũ, Kutse siwendisyaleka Omũbũyĩrĩre wawe erilola okwʼihonda.

Emibiri 3:18

Nĩkwa Nyamuhanga mwakanganĩa kera omo buno bwʼabamĩnyererĩ bosĩ ati, Kristo wuwe asyagalwa; neryo mwaberereryago atya.

Emibiri 7:37

Oyũ ni Musa oyo wabwira bandu ba Ĩsraelĩ ati, Nyamuhanga asyabahanganĩrya omũmĩnyererĩ, ngoko anyituma, oyũkalũa oko balĩkyenũ.

AbaEbrania 10:1

Kusangwa Emigambo iri ngʼekyũtsũ-tsũ buyira kyʼemyatsi yowene eyikandisyahuluka. Siyirisosa kwenene emyatsi eyo. Emigambo siyangatoka erĩhĩkanĩa abandu abakahĩka hakũhĩ oko mahere ago bakahera oko buli mwaka butsira erĩũmbya.

AbaEbrania 3:5

Neryo Musa abya butsira eriregula ngʼomugombe omo nyũmba yosĩ ya Nyamuhanga; Musa mwatũla emyatsi eyo Nyamuhanga akasyabũga enyũma.

AbaEbrania 7:1

Melkĩsedekĩ oyũ, abya mwami wʼeSalemũ, kandi abya omũhererĩ wa Nyamuhanga Owendata Kutsibu. Neryo omugulu Abrahamũ abya akasubula akalũa eyo ayĩtĩra abami, mwahĩndana na Melkĩsedekĩ naye mwamutsumula.

AbaEbrania 9:8

Omũlĩmũ Abũyĩrĩre akakangaya omo myatsi eyĩ ngoko enzira yʼeriya Ahabũyĩrĩre Kutsibu siritalĩbũkala omugulu ehema yʼeyĩhya ikinahangene.

1 Petero 1:11

Kandi mobalenga eriminya ngʼOmũlĩmũ wa Kristo, omwisi wabo, abya akahula emyatsi yahi kutse mugulu wahi. Kusangwa Omũlĩmũ abya akaminyerera amalĩge wa Kristo, nʼolukengerwa olwasyakwama amalĩge ayo.

Eribisurirwa 19:10

Neryo monatũlama ahisi embere syʼebisando biwe erĩmũramya. Naye mwabũga nage ati, Sukole utya! Ĩngye indi mugombe mũlĩkyenyũ haguma nawe, nʼabalĩkyenyũ abakatũla omwatsi wa Yesu. Ũramaye Nyamuhanga! Kusangwa erĩtũla omwatsi wa Yesu nĩ kĩrĩmũ kyʼeriminyerera.