Luka 23:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo Pilato mwabwira abahererĩ bakulu nʼesyondeko ati, Sinditabana oko mundu oyũ ko musango.

Nouveau Testament et Psaumes en Ndandi Version 1962

⁴ Pilato mwabwira abahereri bakulu nendeko ati, Sinditabana oko mundu oyu ko kibi.

Luka 23:4 Iomraidhean Croise

Matayo 27:19

Kandi omugulu Pilato abya ĩkere oko kĩtũmbĩ kyʼeritswera bandu, omũkalĩ wuwe mwamutumako ati, Subye nʼahake oko mwatsi wʼomundu oyutunganene, kusangwa omo kiro kya mũnabwĩre nabiriagalwa kutsibu omwʼilota busana naye.

Mariko 15:14

Nĩkwa Pilato mwabũlyabo ati, Amakola kibi kyahi kwehĩ? Nĩkwa mobalabĩrĩrya emirenge yabo bati, Abambawe oko musalaba!

Luka 23:22

Neryo Pilato mwabũga nabo engendo yʼakasatu ati, Omundu oyũ abirikola kibi kyahi kwehĩ? Sinditabana omwatsi owangaleka ĩnĩakwa. Ngandimusuyira nʼerimubohola.

Yoane 18:38

Pilato mwabũlya Yesu ati, Omwatsi wʼekwenene nĩkĩ kwehĩ? Pilato abere abũga atya, mwahulukira eyĩhya ahali Abayũda, mwabwirabo ati, Ĩngye sinditamubana ko musango.

Emibiri 25:25

Nĩkwa mondamubana ko mwatsi akola owangamwĩtĩsya; nĩkwa kusangwa amabũlya ati atswerawe na Kaĩsarĩ, monatwalo erimutuma eRoma.

Emibiri 3:13

Nyamuhanga wa Abrahamũ, na Ĩsaka, na Yakobo, Nyamuhanga wʼabotata wetu, abiriha olukengerwa oko Mugombe wuwe Yesu. Nĩkwa ĩnywe momwamuhotera oko batabalĩ, kandi momwamugana embere sya Pilato omugulu asonda erimubohola.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

1 Petero 1:19

Nĩkwa mwatongolĩbawa omo musasi wa Kristo, owʼobũgũlĩ bunene, naye abya ngʼekyana kyʼembũlĩ ekite kwʼekĩtĩngũ kutse bulema.

1 Petero 2:22

Ngoko kĩsakĩre kiti, Mwatakola ekibi, kutse amatebo mwatabanika omo mĩnywa yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.