Luka 23:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo Herode nʼabasĩrĩkanĩ buwe, mobasekererya Yesu nʼerimupona. Neryo mobambalya Yesu olukimba lũkangabasenĩe, mobamũsũbya eyiri Pilato.

Nouveau Testament et Psaumes en Ndandi Version 1962

¹¹ Neryo Herode na basoda buwe mobamupona nerimuseke rerya; neryo, mobamwambalya olukimba lukangabenie, neryo mwamusubya ku Pilato.

Luka 23:11 Iomraidhean Croise

Esyonyimbo 22:6

Nĩkwa ĩngye indi kahuka, Sindi mundu, Abandu bakanyĩkwa obusu, kandi abandu bakanyipona!

Ĩsaya 49:7

Omwami Mukulu akabũga, yo Mũtongolya wa Ĩsraelĩ, nʼoyũbũyĩrĩre wuwe, akabwira oyo abandu bakapona, nʼoyo ekihanda kĩkakwa nye, oko mugombe wʼabatabalĩ. Abami basyalangira, basyahangana, abanya-mwami nibya basyũnama ahisi, busana nʼOmwami Mukulu oyuteregula, Oyũbũyĩrĩre wa Ĩsraelĩ, oyo wayisoga we.

Ĩsaya 53:3

Abiriponwa nʼerĩsĩganĩbwa nʼabandu, omundu wʼamalĩge nʼoyo wasĩ amagalĩ. Kandi abya ngʼoyo abandu bakabĩsako obũsũ bwabo. Mwaponwa, netu motutamũsĩma.

Matayo 14:1

Oko mugulu oyo Herode, omũtabali wʼeGalĩlaya, mwowa engulu ya Yesu.

Matayo 14:3

Kusangwa Herode iniabirihamba Yoane, nʼerimuboha, nʼerĩmũhĩra omo mũlĩkĩ. Akola atya busana na Herodĩa, muka mugala wabo ye Fĩlĩpo.

Matayo 14:6

Nĩkwa omugulu ekiro kyʼeriibuka eributwa lya Herode kyahĩka, namwali wa Herodĩa mwasatira omo katĩkatĩ kabo, neryo mwatsemesya Herode.

Mariko 9:12

Yesu mwasũbĩryabo ati, Elĩa akandĩsyatsũka erĩhĩka nʼerĩsũbya emyatsi yosĩ, nĩkwa busana naki kĩsakĩre kiti, Omugala wʼomundu asyagalwa omo myatsi mingi nʼeriganwa kwehĩ?

Luka 23:10

Nʼabahererĩ bakulu nʼabakangĩrĩrya bʼEmigambo babya bimeneho bakahandĩkĩrĩrya Yesu yo kutsibu.

Yoane 19:5

Neryo Yesu mwahulukira eyĩhya, inianambite embĩta yʼemisakisaki, nʼolukimba lʼomunyama. Neryo Pilato mwabwirabo ati, Lebaya! Omundu yoyũ!

Yakobo 2:2

Kusangwa omundu amahĩka omo nyũmba yenyũ yʼerĩhĩndanamo iniambite embũka yʼesyamagetsi, nʼesyongimba esyowenenga. Kandi omundu mwera akahĩkamo iniambite esyongimba sĩtowene.

Yakobo 2:3

Neryo mukakenga Oyukambala esyongimba syowenenga muti, Ĩkala ahowene hano. Kandi mukabwira omundu mwera, muti, Hangana halya. Kutse muti, Ĩkala hano ahisi, hakũhĩ nʼekĩtũmbĩ kyage.