Luka 21:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nĩkwa emyatsi eyĩ ite yabya, basyabahamba nʼerĩbendererya, eribahotera omo manyũmba wʼerĩhĩndanamo nʼamanyũmba wʼomũlĩkĩ. Basyabatwala embere syʼabami nʼabatabalĩ bakulu busana nʼerĩna lyage.

Nouveau Testament et Psaumes en Ndandi Version 1962

¹² Nikwa emuliro waho basyabahamba neriendererya, eribatwala omo manyumba werihindana nomo manyumba womuliki, mwasya twalwa embere syabami nabarongani busana nerina ryage.

Luka 21:12 Iomraidhean Croise

Matayo 22:6

Nʼabandi bagenĩ mobahamba abagombe buwe, mobayirabo nabi, mobĩtabo.

Matayo 24:8

Nĩkwa emyatsi yosĩ eyĩ iri ngʼerĩtsũka lyʼerikunda lyʼomukule.

Luka 21:11

Kandi hasyabya emĩsĩkĩ minene-minene, kandi hasyabya enzala, nʼesyondwala ehosĩ. Kandi hasyabya erĩũbahĩrĩrya, nʼebiminyikalo binene bĩkalũa omo kyanya.

Yoane 15:20

Mwibuke ekĩnywa ekyo nababwira nyiti, Omugombe sialengĩre omukama wuwe. Bamabya babĩrĩnyendererya, nenyũ basyabendererya nibya; bamabya bakengĩre ekĩnywa kyage, basyakenga nʼekyenyũ nibya.

Yoane 15:21

Nĩkwa basyabakola emyatsi yosĩ eyĩ kusangwa muli bandu bage, kusangwa sĩbasĩ oyo wanyituma.

Emibiri 22:30

Nĩkwa engyakya, omukulu wʼabasĩrĩkanĩ oyo mwasonda eriminya ndeke Abayũda nga bakahandĩkĩrĩraya Paũlo yokĩ. Neryo mwamubohola, kandi mwahamula abahererĩ bakulu nʼabʼerĩbũgĩro lyosĩ ati bahĩndane. Neryo mwaleta Paũlo yʼembere syabo.

Emibiri 5:40

Neryo erĩbũgĩro molyalĩga erihana lya Gamalĩelĩ. Mobabirikira abakwenda, mobaswĩryabo omo nyambĩ, neryo mobahanabo bati sĩbabũge kandi omo lĩna lya Yesu, neryo mobalwĩkabo.

Emibiri 8:3

Nĩkwa Saũlo mwatsũka erĩherya ekanĩsa yo kutsibu, mwingira omo buli nyũmba akakura abalume nʼabakalĩ, nʼerĩhĩrabo omo mũlĩkĩ.

Emibiri 9:4

Neryo mwawa oko kitaka, mowa omulenge akabũga naye ati, Saũlo, Saũlo! busana nakĩ ũkanyendereraya kwehĩ?

1 Petero 2:13

Mowe abatabalĩ ba muna-kihugo busana nʼOmukama, kutse ni mwami oyuwite ehamũlĩ yosĩ,

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.